BOHULO MONGO OLONGIA 1:38 - KITABI HABARI MOPIOHE

³⁸ Yi tei Jadok, Natan, Benaya wau tamoo-kawalia batanga li olongia malo loduo olei Salomo lotitae̒ ode yitaato bagali li olongia, lapatao̒ timongolio helolunuhe olio ode butu lo taluhu Gihon.

BOHULO MONGO OLONGIA 1:38 ပူးပေါင်းရင်းမြစ်များ

OLUO LO SAMUEL 13:29

Mongo wato boito lodungohe palenta lei Absalom, tulusi timongolio helomate olei Amnon yila-yilateelo mao̒. Loo̒onto mao̒ uito yi walao̒ mongo lolai̒ lei Dauda uwewo malotitae̒ to kolodailio ngota-ngota wau tilumeteo̒.

OLUO LO SAMUEL 15:18

Ngoa̒amila pogawee li olongia tilimihulo to ngotuwalilio tou̒ pasuukani tamoo-kawalia li olongia lotibaalisi wau yilumaodeo̒ to olio. Wau olo wolo ngohetuto lota pajule tamalo dudua̒i olio lonto Gat, helo tibaalisi mao̒ totalulio.

OLUO LO SAMUEL 20:7

Yi totau̒wa lei Abisai, poa̒ambua lei Yoab wau poa̒ambua tamoo-kawalia batanga li olongia lohihilao wau ngoa̒amila pajule uwewo malo monggato lonto Yerusalemu helo hilapita olei Seba.

OLUO LO SAMUEL 8:18

Tau̒wa lo tamoo-kawalia batanga li olongia: tei Benaya walae̒e Yoyada; Mongo iimamu tobele biluloa̒ saaha li olongia: walao̒ mongo lolai̒ lei Dauda.

BOHULO MONGO OLONGIA 1:26

Bo, tio diila loloduo olaatia. Ti Iimamu Jadok wolei Benaya wau tei Salomo olo diila tiloduolio.

BOHULO MONGO OLONGIA 1:33

malo loi̒ya ti olongia odeli mongolio, “Tianga mai mongo polowiraau̒ wau ponao̒lo odelei Salomo walau̒uu̒ talolai̒. Potae̒ya mao̒ tio toitaato bagaliu̒ lohihilao, wau delowa mola tio ode butu lotaluhu Gihon.

BOHULO MONGO OLONGIA 1:8

Bo ti Iimamu Jadok, tei Benaya walae̒e Yoyada, Nabi Natan, Simei, tei Rei wolo tamoo-kawalia batanga li Olongia Dauda diila lotiwambao̒ odelei Adonia.

BOHULO MONGO OLONGIA 2:15

Tei Adonia lolametao̒, “Otaawa li Ibu deu̒ wawatiaalo patutilio mowali olongia; uito u hehaarapuo lo ngoilanggubu Isirai̒lu. Bo ulotoduo mai yito u bolii̒o mao̒; deu̒ tawali-yali lowatia talowali olongia, sababu makilahandaki lo Eeya odito.

BOHULO MONGO OLONGIA 2:35

Lapatao̒ ti olongia lomudua̒a olei Benaya lowali eyaanggu diti lo popaatea lobuulota wolei olei Yoab, wau tei Jadok piludui̒o lowali iimamu lobuulota wolei Abyatar.

JEPANYA 2:5

Malaa̒-laa̒anatilo timongoli, wuu bangusa lo Pilistin, bangusa tahi biluloa̒awa to ngohilayao̒ pentadu. Eeya malolantu mai hukuumani ode limongoli. Eeya mamopo binasa olimongoli, diaaluo penu boli ngotaa mao̒ monto olimongoli tamoo̒lahi.

JAKARIA 9:9

Wuu ulipu lo Sion, poti wengahulo! Wuu ulipu lo Yerusalemu, pongiibodulo mola meengahu! Bilohilo! Olongiamu dungga-dungga mai wolo ohaama! Tio olongia aadili talodelo mai oa̒ahu. Bo lealeaatu odupapa lohilao tio meidungga tae̒tae̒ to kolodai, kolodai tuwau u buboto.

BOHULO SEMUEL 30:14

Amiaatia maloluhu madala taulo Kreti to ambahu huliaalio lo Yehuda wau tomadala lo maraga lei Kale, wau malomobu yilaahu kota lo Jiklag.”