BOHULO MONGO OLONGIA 1:34 - KITABI HABARI MOPIOHE

³⁴ Mola teto tei Jadok wolei Natan musi momudua̒a olio mowali olongia lo Isirai̒lu. Lapatao̒ uito timongoli musi mopotingohe mola toroompeti motingalaa̒ meengahu, ‘Pomali-tutuo̒lo mola Olongia Salomo!’

BOHULO MONGO OLONGIA 1:34 ပူးပေါင်းရင်းမြစ်များ

OLUO LO SAMUEL 15:10

Bo tou̒ dipo-dipoolulio mai uito tio malolao mola mongo utolio ode ngoa̒amila suku lo Isirai̒lu wolo lodelo tahuli odie, “Wonu timongoli modungohe tingohu torompeti, potingalao̒lo mola odie, ‘Tei Absalom malowali olongia to Hebron!’ ”

OLUO LO SAMUEL 2:4

Lapatao̒ tau-tauwalo Yehuda lonao̒ mai ode Hebron, wau lomudua̒ao̒ olei Dauda lowali olongia to Yehuda. Tou̒ ilodungohe lei Dauda deu̒ tau-tauwalo Yabesh to Gilead malo lobungao̒ milate lei Saul,

OLUO LO SAMUEL 5:3

Tei Dauda lohutu mao̒ daantia wolo mongo tau̒wa lo Isirai̒lu boito, lapatao̒ timongolio malo mudua̒ olio lowali olongia lo Isirai̒lu.

BOHULO MONGO OLONGIA 1:25

To dulahulo botie tio malo podewo dadaata himba, sapi ulai̒ wau walao̒ sapi u hiliingohe. Ngoa̒amila walao̒ talolai̒ li Baginda matiloduolio. Wau olo mongo eyaanggu diti lo popaatea li Baginda, wau ti Iimamu Abyatar. Timongolio masaatia donggo hemohutu potihunggu wolio wau hitingalaa̒ meengahu, ‘Pomali-tutuo̒lo mola Olongia Adonia!’

BOHULO MONGO OLONGIA 1:35

Lapatao̒ tunuheelo tio muli mohualingai odia motihuloa̒a totambati huhuloa̒au̒, sababu tio-tioolo tamaa tilulaotuu̒ lowali olongia mobuulta wolau̒ u momalenta Isirai̒lu wau Yehuda.”

BOHULO MONGO OLONGIA 1:39

Lapatao̒ tei Jadok lohama tambati lowinulo jaitun umaa dilelolio mai lonto Keme lo Eeya, tulusi lomudua̒a olei Salomo wolo lomake winulo boito. Torompeti olo mapilo tingohio mola wau ngoa̒amila tawoluo teto helo tingalaa̒ meengahu, “Pomili-tutuo̒lo mola Olongia Salomo!”

BOHULO MONGO OLONGIA 19:16

Pohutua mao̒ odito olo odelei Yehu walae̒e Nimsi, alihu tio mowali olongia lo Isirai̒lu, wau odelei Elisa walae̒e Sapat lonto Abel-Mehola, alihu tio mowali nabi mobuulota wolemu.

OLUO MONGO OLONGIA 11:12

Lapatao̒ uito tei Yoyada lodelo olei Yoas ode bulemengio, tulusi lopopasi makuta to lunggongio, wau lohudu mao̒ olio buku Butoo̒ lo Allahu Taa̒ala. Tei Yoas piludui̒o lowali olongia wau sua̒li boito pilopo malalumu mola ode ulipu. Ngoa̒amila helo laa̒apa uluu̒ wau hiwaatia̒ meengahu, “Pomali tutuo̒lo mola olongia!”

OLUO MONGO OLONGIA 11:14

Tio loo̒onto oli olongia bohu boito tihutihula tohuhebu potuwotalo ode Bele lo Eeya tou̒toonu tio piludui̒o, hepilalita lomongo polowila wau tamoo-hipawa torompeti. Ngoilanggubu ulipu hitingalaa̒ meengahu sambela hemo potingohe mola torompeti. Wolo lawa-lawalo ti Atalya longaidinga pakeyangilio, wau longuatio̒, “Hiyanati! Hiyanati!”

OLUO MONGO OLONGIA 9:13

Lolamemeta mongo tamani lei Yehu helo lopato jumba limongolio wau lomua̒adeo̒ to tutuua̒du totalu lei Yehu. Lapatao̒ timongolio lohiipa mola torompeti wau longuatio̒, “Tei Yehu olongia!”

OLUO MONGO OLONGIA 9:3

wau huwata mao̒ winulo botie ode yitaato lunggongio, lapatao̒ polelea mao̒ olio, ‘Eeya lotahuda mai deu̒ Eeya momudua̒ olemu mowali olongia lo Isirai̒lu.’ Lapatao̒ mohutu sua̒li boito, hua̒a tolailo tambati boito.”

OLUO MONGO OLONGIA 9:6

Lapatao̒ timongolio duduulota tilumuwotao̒ ode delomo bele, wau tinabi humula boito loluwatao̒ winulo jaitun boito toitaato lunggongee Yehu tulusi loloi̒ya mao̒, “Eeya Allahu Taa̒ala lo Isirai̒lu lotahuda mai, ‘Wau̒ momuduo̒ olemu mowali olongia to umati-U̒ Isirai̒lu.

OLUO TAWARI 23:11

Lapatao̒ uito tei Yoyada lodelo olei Yoas yilumualo, tulusi lopohuli makuta to lunggongio, wau lohudu mao̒ olio buku Butoo̒ lo Allahu Taa̒ala. Odieelo mola tei Yoas piludui̒o lowali olongia. Lapatao̒ ti Iimamu Yoyada wolo tahidudua̒ olio loluatao̒ winulo upacala pilomudua̒ olei Yoas, tulusi ngoa̒amila tau helo tingalaa̒ leengahe, “Pomali-tutuo̒lo mola olongia!”

JABURU 45:7

Allahu Taa̒ala mongohi mai kawasa olemu u momalenta, kawasaamu moo̒ taahangi u ohiheo-hiheolo mao̒; wolo aadili yio̒ momalenta ulipumu.

JABURU 89:20

Muloololio mai daa̒ todelomo bibilohe tuwau, Eeya lotahuda mai ode wato lo Eeya utatapu wau molotolo hilao, “Wau̒ malo tulungi ngotaalio lo pahalaawani, ngotaalio lo tatilulaotu-U̒ lonto ulipu mapilo laiu̒u-U̒.

JABURU 89:36

Pee̒enta u ohiheolo mao̒ Wau̒ motadia domi tanggulu-U̒ u mantali; Wau̒ diila tamo himbulo to olei Dauda.

YESAYA 45:1

Eeya malo lulaotai olei Koresi lowali olongia; tio tilunu u mopoo̒laaheo̒ babaa-ngusawalo wau u momoli okokawasa lomongo olongia. Eeya mamomuo̒ huhuu-lubangiyalo kota de olio, diaaluo penu boli tuwau mao̒ debo heu̒heu̒uto. To olioolo Eeya lotahuda mai,

WUNGGULI LOMONGO RASULU 10:38

Otaawa limongoli deu̒ Allahu Taa̒ala malo lulaotao̒ li Isa taulo Najaret boito wau longohi o-Lio Rohullah wau kawasa. Otaawa limongoli olo deu̒ ti Isa boito malonao̒ ode tilolahepalo mao̒ helohutu u mopiohe; Tio lopoo̒luli ngoa̒amila tau tahe kiluwaasa lo Ibilisi, sababu Allahu Taa̒ala pee̒-pee̒enta wo-Lio.

BOHULO SEMUEL 10:1

Lapatao̒ tei Semuel lohama ginti tuatuanga yinulo jaitun, lapatatao̒ yinulo boito piloluatio ode yitaato lunggongee Saul, wau diliilio tei Saul sambela loloi̒ya mao̒, “Eeya malo mudaa̒ olemu lowali olongia lo Isirai̒lu umati-Lio. Yio̒ mamo malenta umati-Lio wau moduo̒la olimongolio monto mumuu-suuwaalo limongolio. Utieelo tuotio olemu deu̒ Eeya malo lulaota olemu lowali olongia to umati-Lio.

BOHULO SEMUEL 10:24

Lapatao̒ tei Semuel loloi̒ya mao̒ ode ulipu, “Uti-utieelo taulio tatilulaoto Eeya, diila o bandingilio to wolotanto ngoa̒amila.” Ngoilanggubu bangusa boito helo tingalaa̒, “Pomali-tutuo̒lo mola olongia!”

BOHULO SEMUEL 16:3

Lapatao̒ toduwalo tei Isai ode upacala pobakeyalo boito. De mapoo̒taa-U̒ mai wolo u musi pohutuomu. Taa u poi̒laalo-U̒ mai olemu boitolo, tamusi puduo̒mu mowali olongia.”