BOHULO MONGO OLONGIA 1:25 - KITABI HABARI MOPIOHE

²⁵ To dulahulo botie tio malo podewo dadaata himba, sapi ulai̒ wau walao̒ sapi u hiliingohe. Ngoa̒amila walao̒ talolai̒ li Baginda matiloduolio. Wau olo mongo eyaanggu diti lo popaatea li Baginda, wau ti Iimamu Abyatar. Timongolio masaatia donggo hemohutu potihunggu wolio wau hitingalaa̒ meengahu, ‘Pomali-tutuo̒lo mola Olongia Adonia!’

BOHULO MONGO OLONGIA 1:25 ပူးပေါင်းရင်းမြစ်များ

OLUO LO SAMUEL 16:16

Tou̒ tei Husai sahabati lei Dauda tadebo molotolo hilao boito lodungaya wolei Absalom, tei Husai malo tingalao̒, “Pomali-tutuo̒lo mola olongia! Pomali-tutuo̒lo mola olongia!”

BOHULO MONGO OLONGIA 1:19

Tio malo podewo dadaata himba, sapi ulai̒ wau walao̒ sapi u hiliingohe. Tio olo malo loduo ode potihunggu boito walao̒ mongo lolai̒ li Baginda woli Iimamu Abyatar wolei Yoab, eyaanggu diti lo popaatea li Baginda. Bo, tio diila loloduo olei Salomo.

BOHULO MONGO OLONGIA 1:24

Tei Natan maloloi̒ya, “Paduka Taa Molamahu, wolo ti Baginda malo pomalalumu mola deu̒ tei Adonia mamo buulota woli Baginda mowali olongia?

BOHULO MONGO OLONGIA 1:34

Mola teto tei Jadok wolei Natan musi momudua̒a olio mowali olongia lo Isirai̒lu. Lapatao̒ uito timongoli musi mopotingohe mola toroompeti motingalaa̒ meengahu, ‘Pomali-tutuo̒lo mola Olongia Salomo!’

BOHULO MONGO OLONGIA 1:39

Lapatao̒ tei Jadok lohama tambati lowinulo jaitun umaa dilelolio mai lonto Keme lo Eeya, tulusi lomudua̒a olei Salomo wolo lomake winulo boito. Torompeti olo mapilo tingohio mola wau ngoa̒amila tawoluo teto helo tingalaa̒ meengahu, “Pomili-tutuo̒lo mola Olongia Salomo!”

BOHULO MONGO OLONGIA 1:9

Tou̒ dulahee tuwau to tambati u ilunte Botu Tulidu totili butu lotaluhu En-Rogel, tei Adonia helo podewo bake lohimba, sapi ulai̒ wau walao̒ sapi u hiliingohe. Tio helo loduo walao̒ mongo lolai̒ li Olongia Dauda uwewo, wau mongo pogawee lobele biluloa̒ saaha li olongio lonto suku Yehuda ode potihunggu lobake boito.

BOHULO MONGO OLONGIA 2:15

Tei Adonia lolametao̒, “Otaawa li Ibu deu̒ wawatiaalo patutilio mowali olongia; uito u hehaarapuo lo ngoilanggubu Isirai̒lu. Bo ulotoduo mai yito u bolii̒o mao̒; deu̒ tawali-yali lowatia talowali olongia, sababu makilahandaki lo Eeya odito.

OLUO MONGO OLONGIA 11:12

Lapatao̒ uito tei Yoyada lodelo olei Yoas ode bulemengio, tulusi lopopasi makuta to lunggongio, wau lohudu mao̒ olio buku Butoo̒ lo Allahu Taa̒ala. Tei Yoas piludui̒o lowali olongia wau sua̒li boito pilopo malalumu mola ode ulipu. Ngoa̒amila helo laa̒apa uluu̒ wau hiwaatia̒ meengahu, “Pomali tutuo̒lo mola olongia!”

OLUO MONGO OLONGIA 11:14

Tio loo̒onto oli olongia bohu boito tihutihula tohuhebu potuwotalo ode Bele lo Eeya tou̒toonu tio piludui̒o, hepilalita lomongo polowila wau tamoo-hipawa torompeti. Ngoilanggubu ulipu hitingalaa̒ meengahu sambela hemo potingohe mola torompeti. Wolo lawa-lawalo ti Atalya longaidinga pakeyangilio, wau longuatio̒, “Hiyanati! Hiyanati!”

OLUO MONGO OLONGIA 9:13

Lolamemeta mongo tamani lei Yehu helo lopato jumba limongolio wau lomua̒adeo̒ to tutuua̒du totalu lei Yehu. Lapatao̒ timongolio lohiipa mola torompeti wau longuatio̒, “Tei Yehu olongia!”

BOHULO TAWARI 29:13

Botia, yaa Allahu Taa̒ala lo mongowatotia, mongowatotia molapalao̒ oduo̒lo ode Eeya, wau mongowatotia momuji mola tanggulo Eeya u udaa̒.

BOHULO TAWARI 29:21

Todulahee wumbutio mola timongolio longolotao̒ binatangi u hepilodewo debo odelo bake ode Eeya, tulusi hetilayadio ode ngoilanggubu ulipu. Ngopohia mao̒ leeto woluo ngolihu sapi ulai, ngolihu himba ulai wau ngolihu himba buboto u ilolotio wau yilalango lealeatulo mao̒ toitaato mesba. Timongolio olo helo podewo mola angguru u pilopo wajibu ode babaa-keyaalo boito.

OLUO TAWARI 23:11

Lapatao̒ uito tei Yoyada lodelo olei Yoas yilumualo, tulusi lopohuli makuta to lunggongio, wau lohudu mao̒ olio buku Butoo̒ lo Allahu Taa̒ala. Odieelo mola tei Yoas piludui̒o lowali olongia. Lapatao̒ ti Iimamu Yoyada wolo tahidudua̒ olio loluatao̒ winulo upacala pilomudua̒ olei Yoas, tulusi ngoa̒amila tau helo tingalaa̒ leengahe, “Pomali-tutuo̒lo mola olongia!”

MATIUSI 21:9

Taa dadaata u hinao̒wa totalu wau towulea li Isa hiwatia̒, “Pomali-tutuo̒olo mola Walae̒e Dauda! Mabala-balakatilo Tio tadungga-dungga mai to tanggulo Eeya! Pomujilo mola Allahu Taa̒ala Taa Laba-labaalo molanggato!”

MATIUSI 22:4

Lapatao̒ ti olongia boito luli lopoa̒hu mota tahi pomayalio wewo. Loi̒yalio mao̒ olimongolio: ‘Potunggula mao̒ ode tau-tauwalo tatiloduo boito: Upohinta to potihunggu malei dapato. Sapi, wau walao̒ sapiu̒ u pulito mopiohe mai̒loloto. Ngoa̒amila malei dapato. Matoduwolo ode potihunggu lonika!’

LUKASI 19:38

Timongolio malo nguatio̒, “Mabala-balakatilo Olongia tadungga-dungga mai to tanggulo Eeya! Salaamati tosologa, wau ilopujialo mola Allahu Taa̒ala!”

BOHULO SEMUEL 10:24

Lapatao̒ tei Semuel loloi̒ya mao̒ ode ulipu, “Uti-utieelo taulio tatilulaoto Eeya, diila o bandingilio to wolotanto ngoa̒amila.” Ngoilanggubu bangusa boito helo tingalaa̒, “Pomali-tutuo̒lo mola olongia!”