AYUBA 8:9 - KITABI HABARI MOPIOHE

⁹ Tutumulunto bo limbulimbu, ito diila motota lolo-loolo; duduu-lahunto debo odelo wolilu wamabai̒o.

AYUBA 8:9 ပူးပေါင်းရင်းမြစ်များ

ILOOWALI 47:9

Tametao̒ lei Yako, “Watotia matilu-mumulo ngohetuto tolo pulu lotaunu odelo taa lonao̒ deu̒ toonulalo mao̒ lou̒ diila opatuju. Tutumulo lowatotia boito polupolu lou̒ suukali wau limbu-limbu wonu pobandingio mola wolo umulu loluuhuru lowatotia odelo taa lonao̒ deu̒ toonulalo mao̒ lou̒ diila opatuju.”

BOHULO TAWARI 29:15

Otaawa lo Eeya, yaa Eeyaau̒, deu̒ debo odelo mongo loluuhuru lo mongowatotia, mongowatotia olo helo libaaya to tutumulo botie odelo tahe lonao̒ mai wau tau deli. Tutumulo mongowatotia odelo wolilu u yilumaodeo̒, wau mongowatotia diila loo̒hei lonto opopate.

OLUO TAWARI 10:6

Lapatao̒ tei Rehabeam helohile potua tomongo panggola tamaa pee̒enta lowali tamoo-nasehatia olei Salomo tiyamo lei Rehabeam, “Woloolo mola wau̒ musi molametao̒ totau-tauwala boito?” yilintu mao̒ lei Rehabeam. “Wolo potua limongoli?”

AYUBA 14:1

Tumulalo mao̒ manusia boito pilotutu mai molulupuhu, diila olootolo; tutumulio limbulimbu wau polupolu lodutolo.

AYUBA 14:2

Tio motumbingai wau mololante debo odelo bunga; mooli debo odelo wolilu, tulusi diduu̒.

AYUBA 32:7

To pikiiilangiu̒ mola, timongolilo tamusi mobisala, talebe mohuhula mola musi molayadeo̒ hikimatilio.

AYUBA 7:6

Tutumuluu̒ udiila o halaapani boito lolinggahu lotidulungo ode pulitio, lebe molinggahe wolo tamooheola moponao̒ lo sikuciilio.

AYUBA 8:10

Podungohulo loi̒ya lotaa aaripu omoo̒omolu boito, timongolio longohi mai pongaajali botie olemu,

JABURU 102:11

sababu Eeya malomintaa̒ wau lopomahula olo watotia todelomo omuluka lo Eeya uwali-walihuhu.

JABURU 102:12

Tutumulo watotia lopaluto debo odelo wolilu tou̒ lolaango; watotia malo lolante debo odelo huo̒yoto.

JABURU 144:4

Manusia boito debo odelo ngohiipo dupoto, debo odelo wolilu lopaluto, odi-oditolo mola tutumulio.

JABURU 39:5

“Yaa Eeya, poo̒taalo mai omolua watotia mate alihu otaawa lowatotia malo odito limbuo̒ tutumulo watotia.”

JABURU 82:5

Timongoli diila motota lolo-loolo, hihuulode wau yilapalo, sababu timongoli, yi uu̒udu lotaa dadaata lowali ambulati.

JABURU 90:4

To Eeya ngolihu lotaunu debo odelo ngohui, dulahee olaango malo paluto; debo odelo tuwaulio lotayade u modaha tou̒ hui.