AYUBA 8:3 - KITABI HABARI MOPIOHE

³ Allahu Taa̒ala diila pee̒enta mao̒ mopobenggo u aadili; diila pee̒enta mao̒ diila momata moponao̒ u otutu.

AYUBA 8:3 ပူးပေါင်းရင်းမြစ်များ

ILOOWALI 18:25

Ambunguolo diila bolo patea mate-mateelo mao̒ tau-tauwalo tadiila ototala boito pee̒-pee̒enta wolo tao̒totala. Ambunguolo yaa Eeyaa! Sababu wonu Eeya mopohutu mao̒ uito, taa diila ototala tantuulo mao̒ maa ohukumania pee̒-pee̒enta wolo tao̒totala. Diila pongalo aakali hakimu lo ngoilanggubu aalamu mohutu udiila aadili!”

OLUO TAWARI 19:7

Timongoli musi moohe to Eeya, wau mopoo̒daha-dahaalo mao̒ wonu mohutu, sababu Eeya Allahu Taa̒alanto molonuo̒ totaa u hemohutu diila juujulu, tahe motiwambao̒ meaambo tahe mololimo sooloi̒.”

AYUBA 10:3

Wolo paedaalio wonu Eeya modeehei odie, wau molapi tilapulo ilomata lo Eeya lohihilao? Wolo paedaalio wonu Eeya moboowo mai huhama wau ranjana lo tahileeta?

AYUBA 19:6

Ototai mao̒ deu̒ wau̒ donggo hesikisaa mai lo Allahu Taa̒ala, wau yilau̒po todelomo taalo Eeya.

AYUBA 19:7

Wau̒ helomanja-manja sababu opoparangi lo Eeya boito, bo diaaluo penu boli ngotaa mao̒ helo poo̒tuota olau̒. “Tou̒toonu u aadili,” wuwaatiu̒, bo diaaluo talo dungohe olau̒.

AYUBA 21:15

To pikiilangi mola limongolio, “Momaya to Allahu Taa̒ala diila ohunalio, wau modua̒ mola to Olio diila opae̒daalio.

AYUBA 21:20

Poluliyalo mao̒ taa odusa momanta dusalio lohihilao, poluliyalo mao̒ olasaalio muluka lo Allahu Taa̒ala Taa Laba-labaalo molanggato.

AYUBA 34:5

Ualei Ayuba mao̒, ‘Diaaluo totala to olau̒, bo Allahu Taa̒ala diila lohuto longohi mai wolo u aadili to olau̒.

AYUBA 35:13

Diila ohuna timongolio monguatio̒ tio̒opatea; Taa Laba-labaalo kawasa diila momilohei meaalo modungohe olimongolio.

AYUBA 36:23

Tatoonu tamowali molantu dalalo to Eeya meaalo buheli mopotulude to Eeya hemohutu totala?

AYUBA 36:3

Pongototau̒ luasi; mapohunaau̒ mai uito u mopo bukuti mao̒ deu̒ aadiliilo Talopowali mai olau̒.

AYUBA 37:23

Otutu udaa̒ kawasa lo Allahu Taa̒alanto; diila mambo ito mohimbedo̒ to Eeya, Eeya juujulu wau aadili laito; diila pee̒enta mao̒ Eeya helodeehe manusia.

AYUBA 4:17

‘Wolo pongalo aakali manusia diila ototala totalu lo Allahu Taa̒ala? Wolo pongalo aakali tio diila o aibu tomato lo Talo powali mai olio?

AYUBA 40:8

Wolo mapaahumu oa̒adili-U̒, wau mopoo̒tutu batangamu wolo mopotala ola-U̒?

JABURU 89:14

Malo odito udaa̒ kawasa lo Eeya, wau malo odito polu-polutuo̒ olootolo Eeya!

JABURU 99:4

Okokawasa duo̒lo Eeya, Olongia tai̒lohilao to butoo̒; Eeya malopolaia̒ u otutu; Eeya helo ponao̒ butoo̒ oa̒adili to Isirai̒lu.

YEHESKIEL 18:25

Otanu woluo tamoloi̒ya odie, ‘Huhutu lo Eeya tilaala.’ Dungohiilo, wuu taulo Isirai̒lu! Tingga tilaala huhutuu-U̒? Timongolilo tatilaala.

YEHESKIEL 33:17

Bo bangusa boito hemoloi̒ya deu̒ huhutuu-U̒ boito diila aadili! Lebe-lebe pomao̒ huhutu limongoliolo u diila aadili.

YEHESKIEL 33:20

Eleponu odito bangusa lo Isirai̒lu hiemoloi̒ya deu̒ huhutuu-U̒ diila aadili. Otutu, Wau̒ mamomutoo̒ olimongolio ngota-ngota modudua̒ huhutuulio.”

DANIALI 9:14

Eeya, oo Eeya Allahu Taa̒ala lo mongowatotia, malo hukumani mai to mongowatotia wolo baala u mapilo dapato lo Eeya; huhutu lo Eeya laito tuhaata wau aadili, bo mongowatotia diila modungohe suala lo Eeya.

ROMA 2:5

Bo timongoli baaa̒ngiola wau diila mohuto molomelo. Masababu uito timongoli lohihilaolo talohutu hukuumani limongoli heo̒duhenga mola buheetio to Dulahe Kiama, wonu Allahu Taa̒ala mopoilaalo mai mulukaa-Lio wau mopodehu hukuumani u aadili.

TINGULI 32:4

Eeya Tamoo-duulua olemu tamolotolo boli buheli, ilomata-Lio ngoa̒amilalo wimu-wimumuto, wau ngoa̒amila dala-Lio aadili. Allahu Taa̒ala limongoli tatapu wau molotolo hilao, diaaluo udiila juujulu to Olio, Tio hemohutu mai u mopiohe wau otutu.

WAHI 15:3

Wau timongolio hipolahua lahu lei Musa, wato lo Allahu Taa̒ala wau lahu lo Walao̒ Himba. Odie mola tingohio, “Eeya, Allahu Taa̒ala Laba-labaalo kawasa, donggo boli udaa̒ wau linggolabio huhuu-hutuwaalo Eeya! Olongia lo totoonulalo bangusa, donggo boli aadili wau otutu huhuu-hutuwaalo Eeya!

WAHI 16:7

Lapatao̒ watia loo̒dungohe suala lonto mesba loloi̒ya mai, “Eeya, Allahu Taa̒ala Laba-labaalo kawasa, otutu wau aadiliilo mola totoonulalo hukuumani u pilodehu mai lo Eeya!”