AYUBA 7:9 - KITABI HABARI MOPIOHE

^9-10 Debo odelo heengo u lou̒le tulusi yilooli, manusia olo mate, diila tamonguli mai. Ngoa̒amila taa u pee̒enta loo̒onuhe olio, molipata olio, diialo moe̒ela olio.

AYUBA 7:9 ပူးပေါင်းရင်းမြစ်များ

OLUO LO SAMUEL 12:23

Bo botia, tou̒ tio mailate, wolo hunalio wau̒ debo mopuasa? Tingga mowali wau̒ muli mopo tumulai olio? De wau̒ mamonao̒ olo ode tambati ilowoluwoalio, bo botia tio diila tamo hualingai ode olau̒.”

OLUO LO SAMUEL 14:14

Ito ngoa̒amila maamate; ito botie debo odelo taluhu u lohuwata mola ode huta wau diilalo owimoa̒. Allahu Taa̒ala olo diila tamopo tumulai poli taa u mailate; sababu uito patutilio potala ti Tuani lowatotia motolopani mao̒ alihu taa pola-polayahu muli moo̒ walingai.

AYUBA 10:21

Diilalo mohiheo watotia monao̒ wau diilalo mohualingai, motidulunga ode lipu u modio̒lomo wau motontoyoo̒mo daa̒,

AYUBA 11:8

Kawasa lo Eeya lebe molanggato wolo dulenta daa̒; diila o aatamu wau motapumu. Kawasa lo Eeya lebe modelomo monto dunia lotaa mate, diila opahaamua sama-samaata.

AYUBA 16:22

Tataa-wunuu̒ u ilolabita diialo dadaata; bolo ngopee̒ mola wau̒ monao̒ wau diilalo mohualingai.

AYUBA 17:13

Bo dunia lomautu wambao̒ u hehalapuwou̒, mola teto wau̒ mamotuluhu todelomo u modio̒lomo.

AYUBA 17:16

Wonu bolo wau̒ molaahe mola ode dunia lotaa mate, wau̒ diilalo o halaapani.”

AYUBA 3:13

Humayaalio tou̒ boito watotia yilate, yi watotia motuluhu, wau mohuheli wolo duo̒duo̒oto,

AYUBA 30:15

Otihela hapato lohenggubei batangau̒; debo odelo hiipo dupoto, halaga lo batangau̒ lopaluto; debo odelo heengo yilumaode, mailooli lomola osanangiu̒ tutu.

AYUBA 37:11

Heengo diletohe lo Eeya wolo taluhu, wau heengo lotinelo bilaanga lo ilato.

JABURU 39:13

Dungohilo mai dua̒ lo watotia yaa Eeya, poo̒tuotilo mai polohone lowatotia; diila mao̒ potipoo̒oyo wonu watotia humoyongo. Debo odelo ngoa̒amila nenemoya lowatotia bo ngopee̒ mola watotia motihangata to Eeya.

YESAYA 26:14

Timongolio mailate wau diilalo tumumulai, aruwaalio diilalo mobongu mai. Sababu timongolio malo pulito pilopo binasa lo Eeya wau yiluluto Eeya lonto pikiilangi.

YESAYA 38:11

Loi̒yaau̒, wau̒ diilalo moo̒onto Eeya to dunia, meaambo moo̒onto manusia to dunia botie.