AYUBA 42:3 - KITABI HABARI MOPIOHE

³ Eeya lohintu mai yilongola watotia buheli molingu to hikimati lo Eeya lebe-lebe pomao̒ wototia lohihilao diila motota lolo-loolo. Watotia helo bisala susuu-aliyaalo udiila opahamua lo watotia, pasali lo susuu-aliyaalo u malo moo̒linggolabu olo watotia botie.

AYUBA 42:3 ပူးပေါင်းရင်းမြစ်များ

JABURU 131:1

Lahu jiara lei Dauda. Yaa Eeya, watotia diila batingga, wau diila sombongi. Watotia diila mohilapita susuu-aliyaalo u mailaba udaa̒ meaambo mailabo mototolo ode watatia.

JABURU 139:6

Mailaba delomio ode watotia pongotota lo Eeya boito, diila ooma lo pikiilangi lowatotia.

JABURU 40:5

Potisanangilo tutu taa u palacaya to Eeya, tadiila loduduo̒ lolubo dedeewaalo, meaalo lei̒ tuulungi totaa soombongi.

AYUBA 38:2

“Tatoonu yio̒, tilinggula buheli molawalao̒ hikmati-U̒ wolo tataaheemu u mohulodu wau latabu boito?

AYUBA 5:9

Totoonulalo ilomata lo Allahu Taa̒ala polu-polutuo̒; ito diila mabo momahamu mao̒. Totoonulalo moo̒linggolabe u pilohutu-Lio mai, diila oyia̒apa wau diila opulitio.

AYUBA 11:7

Diila pongalo aakali hakeekati lo Allahu Taa̒ala mowali toneo̒mu? Diila pongalo aakali kawasa lo Eeya mambo opahaamuamu?

AYUBA 11:9

Kawasa lo Allahu Taa̒ala lebe luasi wolo dunia, wau lebe luasi wolo dunia.

AYUBA 13:1

Ngoa̒amilalo boito pee̒enta iloontongau̒ wau ilodungoheu̒ lohihilao, wau otu-otutuulo mao̒ ilopahamuau̒.