AYUBA 26:7 - KITABI HABARI MOPIOHE

⁷ Allahu Taa̒ala lomua̒de mola hulungo toitaato auhe daa̒, wau lopo ntayunga dunia tohuwali udaa̒ koosongi.

AYUBA 26:7 ပူးပေါင်းရင်းမြစ်များ

AYUBA 9:8

Bilua̒du Eeya dulente daa̒ lou̒ diila bilantua; dilu-dilutaa̒a-Lio wulea naha lodeheto.

YESAYA 40:22

Taa lopowali olio hulohuloa̒a tokadera toitaato bola lodunia, ulipulio oontonga kikio̒ debo odelo bulita. Eeya lomua̒de hulungo debo odelo kaingi, wau lopohuli mao̒ debo odelo kema u potibiluloa̒lo.

YESAYA 42:5

Eeya Allahu Taa̒ala lopowali wau lomua̒de hulungo; Eeya lopowali dunia wau totoonulalo u lobutu toitaatio. Eeya longohi mai manusia napasi tutumulo wau nyawa. Eeya lopo tunggulai tahuli botie ode wato-Lio,

JABURU 24:2

Eeya lopodutu wumbatio toitaato deheto, wau lopo tihulao̒ toitaato taluhee u modelomo.

YESAYA 40:26

Pomilohulo mola ode hulungo, wau poo̒tuotalo! Tatoonu talopowali popoo-liyamaalo? Eeya talo ngaatulu olimongolio debo odelo pasuukani, Otaawa lo Eeya jumulaa limongolio ngoa̒amila, wau motianga ngota-ngota wolo tanggulio. Diaaluo penu boli tuwau mao̒ u yilooli, sababu udaa̒alio kawasa lo Eeya!

AYUBA 38:6

Woloolo mola wowoo-lihiyaalo polumude dunia tihutihula motoheto? Tatoonu talo podutu botu podulungo dunia wolo motoheto,

JABURU 89:12

Hulungo wau dunia yito miliki lo Eeya, dunia wau totoonulalo tuangio pilowali mai lo Eeya.

JAKARIA 12:1

Uti-utieelo tahuli lo Eeya tomimbihu Isirai̒lu. Eeya talo pobua̒de hulungo, lopowali dunia wau longohi tutumulo ode manusia, lotahuda mai,

JABURU 89:13

Eeyaalo talo powali mai tilaya wau huliaalio, Hui̒dee Tabor wau Hermon helo tingalaa̒ mola leengahu to Eeya.

YESAYA 40:21

Ualita diila otaawamu wau diila ilodungohe, wau diila piloo̒taalio olemu tumulalo muloololio mai? Ualita yio̒ diila mongalati monto bohulio woloolo mola bohulio lodunia?