AYUBA 10:9 - KITABI HABARI MOPIOHE

⁹ Ambunguolo, eelailo mai deu̒ lonto huta modudangia watotia piloh lo Eeya! Diila pongalo aakali pohutuo mai lo Eeya watotia muli mowali peyahuo̒?

AYUBA 10:9 ပူးပေါင်းရင်းမြစ်များ

ILOOWALI 2:7

Lapatao̒ Eeya Allahu Taa̒ala lohama ngoi̒di huta, lopowali mao̒ lowali ngotaalio lo manusia, tulusi lopohiipao̒ napasi u longohi tutumulo ode delomo wulingio; yi maa tilumumulai manusia boito.

ILOOWALI 3:19

Yio̒ maa mokalaja wolo tio̒opatea wau wulaatalo u mohutu huta botie mongohi mai tilapulo u hitua-tuawua, tunggula yio̒ mohualinga ode huta, sababu lonto hutaalo yio̒ pilohutu. Yio̒ pilopowali mai monto huta, wau mamuli mohualingao̒ ode huta.”

AYUBA 10:10

Yiluasia lo Eeya tiyamo lo watotia lopowali mai olo watotia wau pilopo udaa̒ lo Eeya todelomo talomo liilo lo watotia.

AYUBA 17:14

Kuubuluu̒ ilunteu̒ “Tiyamau̒”, wau luluu-wantiyalo ilunteu̒ “Tiilau̒” wau “Wutatuu̒ taabua”.

AYUBA 33:6

To Allahu Taa̒ala, yio̒ wau wau̒ diila ohiihedio lonto huta modudangia ito pilowali mai lo Eeya.

AYUBA 34:15

yi mateelo mola ngoa̒amila mahaluku u onyawa, wau manusia mowali peaahuo̒ debo odelo muloololio mai.

AYUBA 4:19

Lebelebe pomao̒ mahaluku monto huta modudangia mahaluku peaahuo̒ u mowali pitiloolo debo odelo titio̒!

AYUBA 7:21

Ambunguolo, tingga mowali Eeya mongambungu mai dusa lo watotia? Ambunguolo, tingga pongalo aakali Eeya molulutai totala lo watotia? Bolo ngopee̒ mola watotia motibalata todelomo kuubulu, wau wonu lolohu lo Eeya watotia, diila tao̒dungga lo Eeya.”

AYUBA 7:7

Ambunguolo eelailo mai, yaa Allahu Taa̒ala, tutumulo watotia bo hiipo napasi; osanangiu̒ tutu yilooli, diila lololaa mao̒ bakasi.

JABURU 103:14

Sababu otaawa lo Eeya ito botie pilowali mai monto wolo, Eeya moe̒ela mai olanto bo peaahuo̒ wambao̒.

JABURU 104:29

Wonu Eeya mopalingo, timongolio moohe; wonu hamaa lo Eeya napasilio, timongolio binasa, wau muli mowali peaahuo̒ debo odelo bohulio mai.

JABURU 106:4

Eelailo mai watotia, yaa Eeya, domi opopiohu Eeya duo̒lo umati lo Eeya, ambunguolo tulungia mai watotia olo wonu Eeya mopoa̒ahu olimongolio.

JABURU 22:15

Lotolo watotia helo pulito debo odelo taluhu u lobangguwato, ngoa̒amila tulalo watotia lolopato lonto leletualio, wau hilaa lowatotia lodidi debo odelo talu.

JABURU 25:18

Poo̒tuotilo mai dudutolo wau osuukali lowatotia, wau ambungualo mai ngoa̒amila dusa lowatotia.

JABURU 78:39

Eeya helo eela mola deu̒ timongolio bo mahaluku upanaa, debo odelo dupoto mopaluto wau diialo monguli mai.

JABURU 89:47

Tunggula omolua Eeya motituuo̒, yaa Eeya? Tunggula omolua muluka lo Eeya wali-walihuhu debo odelo tulu?

JABURU 90:3

Eeya lopoa̒hu manusia lohualinga ode asaliilio, lowali peaahuo̒ debo odelo bohulio mai.

TAMOO-HUTUBAWA 12:7

Batanganto mamuli mohualinga, mowali peaahuo̒ todunia. Napasi lo tutumulonto mamo hualinga ode Allahu Taa̒ala. Eeyaalo talongohi mai odelo wowohi.

YESAYA 45:9

Matopotala taa u mobaatata wolo Talopowali olio; tio debo odelo ulongo moluwali taa u lohutu olio. Wolo huta modudangia mohintu to tamoohutua ulongo, “Yio̒ donggo hemongola?” Wolo ulongo mohile wolo moo̒ohuu̒ deu̒ tamoohutua olio diila o ahaliilio?

YESAYA 64:7

Diaaluo talodua̒ ode Eeya, meaambo lei̒ tuulungi to Eeya, sababu Eeya loluuo̒ baya lo Eeya to olamiaatia, wau lopoluli mai olamiaatia pilobinasa lodusa lamiaatia.

YESAYA 64:8

Bo Eeya, yaa Eeya, deu̒yito-yito ti Paapa lamiaatia, amiaatia huta modudangia, wau Eeya talo powali mai olamiaatia; amiaatia ngoa̒amila yito huhutu uluu̒ lo Eeya.

YEREMIA 18:6

“Wuu umati-U̒, diila pongalo aakali Wau̒ diila mowali mohutu mai ode olemu debo odelo u pilohutu lo tamoohutua ulongo boito wolo huta modudangialio? Debo odelo huta modudangia todelomo uluu̒ lo tamoohutua ulongo, odieelo mola olo timongoli to delomo uluu̒u-U̒.

ROMA 9:21

Wolo taa u mohutu poti lo bunga boito ohaku mohutu mao̒ huta modudangia boito modudua̒ totoonulalo otohilaalio? Monto ngotopingo huta modudangia ngotopingo, tau boito ohaku mohutu mao̒ dulo dalalo poti lo bunga; tuwau umopiohe wau uwewolio udiila boti mopiohe.

2 KORINTUS 4:7

Bo halata rohu u gaaga daa̒ boito dilelo lamiaatia tobatanga lamiaatia udiila ohalaga botie upilohutu lonto huta. Lou̒ odito loilaalo mai deu̒ odudaa̒ lokawasa boito dudutuulio to Allahu Taa̒ala wau diila to lamiaatia.