AMOS 5:3 - KITABI HABARI MOPIOHE

³ Eeya Taa Laba-labaalo molanggato lotahuda, “Kota tuwau to Isirai̒lu longambu mai ngolihu lota pajule, bo taluli lohualingai bo wambao̒ ngohetuto lota; kota uwewo longambu mai ngohetuto lota, taluli lohualingai bo mopulu lota.”

AMOS 5:3 ပူးပေါင်းရင်းမြစ်များ

JABURU 144:14

Pohileaala dua̒ ngoa̒amila sapinto motonggalao̒ wau diaaluo u mooli meaambo eenggila. Pohileaala dua̒ diila odungohe wuwaatio̒ modutolo to dadaa-lalaalo lo kotaanto.

YESAYA 1:9

Humayaalio Eeya Taa Laba-labaalo kawasa diila lolopata deengolo lota ode olanto, ito mabilinaasa sama-samaata, debo odelo Sodom wau Gomora.

YESAYA 10:22

Penu boli taulo Isirai̒lu botia daatalio tutuuwauwa wolo bootua lo hungayo todeheto, bo ngoolo wambai̒o tamuli mohualingo. Hukuumani lo Eeya malembidei, wau memangi paatuti wau aadili bangusa boito pobinasaalo.

YESAYA 6:13

Tumbao̒ wonu towolota mopulu lota donggo woluo ngota tamotitolaa tolipu boito, tio olo mapobinasaalo. Bo debo odelo bungo lo luluo̒ wonu luodulo donggo woluo tuodio, odito olo bangusa boito debo woluo labitio u mowali bohulo umati tamantali.”

YEHESKIEL 12:16

Ngotayade kikiio̒ limongolio mapoa̒ahuwo-U̒ monto popaatea, monto polobiti, wau wembelo lo ngongoto, alihu to huungo babaa-ngusawalo deli boito timongolio mamongalati deu̒ timongolio malohutu u kootolo daa̒. Yi timongolio mamomasisi deu̒ Wau̒ulo Eeya.”

AMOS 6:9

Wonu bolo donggo woluo mopulu lota tahituua̒ todelomo bele ngowale, timongolio maamate olo.

ROMA 9:27

Ti Nabi Yesaya loloi̒ya wolo piduduto tomimbihu bangusa lo Isirai̒lu, “Penu boli jumulaa bangusa lo Isirai̒lu daatalio debo odelo hungayo topentadu, bo ngoi̒di wambao̒ tamaa moa̒ahu;

TINGULI 28:62

Eleponu boli jumulaa limongoli madebo odelo daata lo poliyama tohulungo, bo ngoi̒di wamabi̒o towolota limongoli tadonggo hitumula, sababu timongoli diila modungohe to Eeya Allahu Taa̒ala limongoli.

TINGULI 28:63

Debo odelo Eeya sanangi mongohi mai u maa̒amulu ode limongoli wau moduhengai jumulaa limongoli, Tio masanangi mopobinasa wau mopo loolopu olimongoli. Timongoli mainggilolio monto lipu udiilalo mohiheo potibiluloa̒ limongoli.

TINGULI 4:27

Eeya mamopo bubuua̒yawa olimongoli towolota lo babaa-ngusawalo wewo wau bo ngoi̒di towolota limongoli tadebo tumu-tumulo.