AMOS 4:3 - KITABI HABARI MOPIOHE

³ Timongoli madedeo̒lio ode mantahu Hermon wau pomahulolo ode bulemengio, ngota-ngota moli hiyango dingingo meeseli u meembide daa̒. Wau̒ Eeya malo tahuda mai.”

AMOS 4:3 ပူးပေါင်းရင်းမြစ်များ

YEHESKIEL 12:12

To delomo hui u modio̒lomo ti olongia limongolio mamomota boolulalio toitaato binggungio tulusi momonggato. Tau-tauwalo mamohutu huwango to dingingo meeseli alihu tio moo̒ lualai. Tio mamolau̒be matolio tilinggula diila moo̒onto dalalo u polibayaalio.

MATIUSI 16:26

Wolo untungilio ode tahingota-ngotaawa, wonu ngoilanggubu dunia botie mowali milikiilio, bo tio oolia lo tutumulio? Wolo mowali tutumulo boito tuloa̒lo lou̒ hitua-tuawua?

JEPANYA 1:18

To dulahee u moo̒tihela hapato boito Eeya mamopo bilohei mulukaa-Lio, yi ngoa̒amila hulawa wau talaa̒ limongolio diila mowali mopoa̒ahu olimongolio. Ngoilanggubu dunia mamowali maahu pobuo lotulu murukaa-Lio. Wolo tumahuo̒lo mola mapahuto-Lio totoonulalo nyawa todunia botie.

YESAYA 31:7

Mamei dungga wakutuulio timongoli ngoa̒amila mamolapi bubuu-iyaalo balaahala monto talaa̒ wau hulawa u pilohutu limongoli lohihilao wolo polupolu lodusa.

OLUO MONGO OLONGIA 25:4

dingingo meeseli lokota heiruusa lomusu. To hui boito, eleponu taulo Babel donggo hemomala kota boito, ngoa̒amila suludadu lo Yehuda loo̒lahi lotidulunga ode Lumbaya Yordan. Timongolio helohaama dalalo loli ilengi u pilomuloa wolo bubuu-ngawaalo wau uwewolio mao̒ lobele biluloa̒ saaha li olongia, tulusi yilumuala loli huhebu hulubangi u helo pohumbuta oluo lodingingo meeseli totambati boito.

OLUO MONGO OLONGIA 7:15

Timongolio demola Dutulaa Yordan. To ngohayaa̒ lo dalalo timongolio heloo̒onto pakeyangi wau pakaa-kasiyaalo ubolo hipule-pulepeyalo mao̒. Ngoa̒amila boito bolo hepilo mahulio odito wambai̒o lo taulo Siria tou̒ timongolio tilumeteo̒. Mongo utolia boito lohualingai wau helo poduloheo̒ odeli olongia.

MONGO HAKIMU 5:17

Tou̒ tei Jebulon wolei Naputali donggo hemohipate tio̒opatea totambati lo popaatea, suku Dan hihuloa̒a hia̒mbua tokaapali, suku Gad debo hibiluloa̒wa to tiimuru lo Yordan, hiambola suku Asyer hipoo̒oyonga wau diila mohuto mohei monto tambati limongolio to ngohilayaa̒ biihu pentadu.

YEREMIA 52:7

dingingo meeseli lokota ilantulu lomusu. Tou̒ hui boito, eleponu taulo Babel donggo hemomala kota boito, ngoa̒amila suludadu lo Yehuda lopolahi batanga lotidulunga ode Lumbaya Yordan. Timongolio lohama dalalo lolibaya ilengi u pilomuloa wolo bubuu-ngawaalo lobele biluloa̒ saaha li olongia, tulusi yilumualo lolibaya huhebu hulubangi u lopowumbuta dingingo meeseli mohu-mohualia lo digingo meeseli to tambati boito.

AMOS 6:7

Sababu uito timongolilo tabohu-bohulio mabintao̒lio mota ode polayahu. Popoo-tihungguwalo wau totaa-totamelumu mamopaluto.