AMOS 1:3 - KITABI HABARI MOPIOHE

³ Eeya lotahuda, “Ulipu lo Damusiki mapoo̒-poo̒daata ilodusa, sababu uito Wau̒ tantu mamo hukuumani mai olimongolio. Timongolio helo pohutu taulo Gilead wolo palangi daa̒,

AMOS 1:3 ပူးပေါင်းရင်းမြစ်များ

BOHULO MONGO OLONGIA 19:17

Tatoonu wambai̒o tadiila ilopatea lei Hasael yila-yilateelo mao̒, mapateelio mate-mateelo mao̒ lei Yehu, wau timongolio taloa̒ahu lonto olei Yehu mapateelio mate-mateelo mao̒ lei Elisa.

OLUO MONGO OLONGIA 13:3

Sababu uito Eeya lomuluka mai to Isirai̒lu tilinggula Eeya lopoluli mao̒ olei Hajael olongia lo Siria wolei Benhadad walai̒o, laito helo poo̒laaheo̒ Isirai̒lu.

OLUO MONGO OLONGIA 13:7

Hilaide popaatea lo Isirai̒lu mapilo binasa li olongia lo Siria tilinggula ti Olongia Yoahas bolo maito limo lopulu lota suludadu owadala, mopulu kaleta lo popaatea, wau mopulu lolihu lota pajule.

OLUO MONGO OLONGIA 16:9

Ti Olongia Tiglat-Pileser lololimo polohone lei Ahas, tulusi heloluhu Damusiki wau loo̒kawasa mao̒ Damusiki. Ulipulio hebilintai̒o odelo tawalo ode Kir, wau olongialio, deu̒yito-yito ti Olongia Rejin, pilatelio yila-yilateelo mao̒.

OLUO MONGO OLONGIA 8:12

“Yilongola ti Tuani hilumoyongo?” yilintu mao̒ lei Hajael. “Sababu otaawau̒ ololeeto umapo hutuwomu ode taulo Isirai̒lu,” ualei Elisa, “Yio̒ mamomobu totoonulalo kotalio u obiintengi, wau mamomate-mateelo mao̒ tau-tauwalo humulalio tahipiohe daa̒, wau molingoloa̒ao̒ tahi uungea momutao̒ ombongo lo mongobualio tadonggo hi ombodaa̒wa.”

AYUBA 19:3

Wuwuulia timongoli hemohina olau̒, wau wau̒ ilalinaya limongoli lou̒ diila laasa loolito.

AYUBA 5:19

Wonu topotala monganjamu mai, laito yio̒ piloa̒ahu.

POHUMAYA 6:16

Woluo mohelupitu palakala u yilonuo̒ Eeya wau diila mowali polulii-Lio: Pii̒li u sombongi, tunggila u mohimbulo, uluu̒ u momate mateelo mao̒ taa diila ototala, wutoo̒ u momatuju susuu-aliyaalo u moleeto, oa̒ato u ali-alihu motidulunga ode u moleeto, sakusi u mololaalaaita mohimbulo, wau taa u mopotoodei polomusua to wolota lo tamani.

TAMOO-HUTUBAWA 11:2

Pobungawa mao̒ moodalimu to daahangi u hidala-dalaala; popeehulo kelekele odaata-daatalo mao̒. Sababu tau palalu mopoo̒daaha, tou̒ diipo odungga lobaala.

YESAYA 28:27

Tio diila momake podedeo̒ moto-motoheetolo mao̒ monto pakaakasi polumbetaa̒lo u molumbetaa̒ jintani moitomo meaambo loda goloba u mohilinga jintani moputio̒. Woleeto pilomakelio tunggudu u haya-haya.

YESAYA 41:15

Bilohilo, yio̒ powaliyo-U̒ debo odelo dupi taa u molumbetaa̒a, u bohu, molalito wau odungito dulo jeejeri. Yio̒ mamo lumbetaa̒a huhuu-ideyaalo wau mopoa̒antulu mao̒; huhuu-luduwaalo powaliyomu debo odelo alipo pale.

YESAYA 7:16

Sababu tou̒ diipo meidungga mai saaa̒ti boito, duduuluo lipu u hepalenta lomongo olongia tao̒ohemu boito matolaalio diila otua.

YESAYA 7:8

sababu Siria diila lebe molotola wolo Damusiki tiilo lokotaalio, wau Damusiki diila lebe molotola woli Olongia Rejin. Hiambola todelomo wakutu wolomo pulaa limo lotaunu mola, Isirai̒lu mamotayade duluo tilinggula diila moo̒ taahangi odelo bangusa.

YESAYA 8:4

Sababu tou̒ walao̒ boito diipo motuuu̒de mola udaa̒ u unteelo ‘Paapa’ wau ‘Maama’, ngoa̒amila okokaya lo Damusiki wau ngoa̒amila barangi yilahu lo Samaria mabintao̒lio odeli olongia lo Asyur.”

AMOS 1:11

Eeya lotahuda, “Ulipu lo Edom mapoo̒-poo̒daata ilodusa, sababu uito Wau̒ tantu mamo hukuumani mai olimongolio. Lou̒ diila odehu hilao, timongolio maloluhu taulo Isirai̒lu, mongo wutati mongolio. Timongolio tulusi moingo, wau debo hemoniyati.

AMOS 1:13

Eeya lotahuda, “Bangusa lo Amon mapoo̒-poo̒daata ilodusa, sababu uito Wau̒ mamo hukuumani mai olimongolio. Tou̒ lopaatea u lopoluasi lipulio, timongolio helo mutaa̒a ombongo lo mongobua tahi ombodaa̒wa to Gilead.

AMOS 1:6

Eeya lotahuda, “Ulipu lo Gasa mapoo̒-poo̒daata ilodusa, sababu uito Wau̒ tantu mamo hukuumani mai olimongolio. Timongolio malo mintaa̒ bangusa tuwau ngoa̒amilalo, wau helo potali odelo wato ode taulo Edom.

AMOS 1:9

Eeya lotahuda, “Ulipu lo Tirus mapoo̒-poo̒daata ilodusa, sababu uito Wau̒ tantu mamo hukuumani mai olimongolio. Timongolio malo mintaa̒ bangusa tuwau ngoa̒amilalo ode polayahu, wau lohudu ode Edom; timongolio malo lambanga danti lo polo sahaabati.

AMOS 2:1

Eeya lotahuda, “Ulipu lo Moab mapoo̒-poo̒daata ilodusa, sababu uito Wau̒ tantu mamo hukuumani mai olimongolio. Timongolio helohina li Olongia Edom tamailate boito, wolo lomonggali kuubululio wau lohama tutuu-laloolio wau lomobu mao̒ lowali wahu.

AMOS 2:4

Eeya lotahuda, “Taulo Yehuda mapoo̒-poo̒daata ilodusa, sababu uito Wau̒ tantu mamo hukuumani mai olimongolio. Timongolio helo lambanga papaa-lentaa-U̒ wau diila lomandungi popoo-ngaajali-U̒. Timongoilo pilopo lapalo lo ila-ila wewo u hetuboo loluuhuru limongolio.

AMOS 2:6

Eeya lotahuda, “Taulo Isirai̒lu mapoo̒-poo̒daata ilodusa, sababu uito Wau̒ tantu mamo hukuumani mai olimongolio. Taa motulidu hale tadiila udiila loo̒ powalingao̒ u bilulotalio, mapilotali limongolio lowali wato. Odito olo hepilohutu limongolio ode taa mosikini tadiila loo̒baayali bilolilio, eleponu bololi boito bo ngohalaga wapidu oa̒ato ngopanggalo.

JAKARIA 9:1

Uti-utieelo tahuli lo Eeya. Eeya malolantu mai u mohukuumani lipu Hadrakh wau kota lo Damusiki. Diila bo wambao̒ susuu-kuwaalo Isirai̒lu, bo olo tiilo lokota Siria yito miliki lo Eeya.

JAKARIA 9:2

Hamat u sisiipatia wolo Hadrakh olo miliki lo Eeya, odito olo kokoo-tawaalo Tirus wau Sidon wolo totoonulalo owolaato todelomo ilimi hitua-tuawua lo ulipulio.