3 YAHYA 1:2 - KITABI HABARI MOPIOHE

² modua̒ mola pohileaala dua̒ Wutato seseehati, wau ngoa̒amilalo hipiiohe wolemu, tutuuwauwa debo odelo nyawamu piopiohe wambai̒o.

3 YAHYA 1:2 ပူးပေါင်းရင်းမြစ်များ

MATIUSI 9:12

Ti Isa loo̒dungohe yiyintu limongolio boito tulusi lolametao̒, “Taa seehati diila momalalu dokuteli, bo taa u mongongoto wambao̒.

PILIPI 2:27

Memangi otutu tio mongongoto tunggula ngopee̒ yilate. Bo Allahu Taa̒ala lomonu olio; wau diila bo to olio wambao̒, bo to olaatia olo, alihu watia diilalo lebe suukali mao̒.

PILIPI 2:4

Poo̒tuota mao̒ polohuna daa̒ lotaa wewo; diila bo polohuna daa̒ batanga lohihilao.

2 TESALONIKA 1:3

Mongo wutato, amiaatia laito musi molapali mola oduo̒lo ode Allahu Taa̒ala sababu timongoli. Wau memangi patutilio amiaatia mohutu mao̒ odito, sababu timongoli helebe palacaya li Almasi, wau timongoli helebe motolia̒nga ngota timongota.

2 TESALONIKA 2:13

Mongo wutato tapilonu lo Eeya! Amiaatia laito musi molapali mola oduo̒lo ode Allahu Taa̒ala tomimbihu olimongoli, sababu tou̒ bohuliolo mai Allahu Taa̒ala malo lulaota olimongoli u piloa̒ahu. Sua̒li boito lotoduo mai tou̒ wolo u kilalaja lo Rohullah olimongoli u lopowali olimongoli umati lo Allahu Taa̒ala tamantali wau masababu timongoli palacaya tohabari u otutu lonto Allahu Taa̒ala.

YAKOBUS 5:12

Ulebe polohuna daa̒, deu̒ito-yito: Diila mao̒ potadia, mopio domi hulungo, meaalo domi dunia, meaalo penu boli domi wolo wambai̒o. Loi̒yaalo mao̒ “Joo” wonu patujumu joo, wau “Diila” wonu patujumu diila; alihu timongoli diila mao̒ podehuwalo hukuumani lo Allahu Taa̒ala.

1 PETRUS 4:8

Lebe mao̒ lou̒ totoonulalo u hitua-tuawua, mamusi timongoli tio̒otutua motolia̒nga ngota timongota, sababu wolo mototoo lia̒nga boito timongoli mamoti dapato olo u mongangaa-mbungua.

2 PETRUS 3:18

Mamusi timongoli helebe moo̒laasa ponu li Isa Almasi, Eeya wau Olongia Tamoo-poa̒ahua olanto, wau mamusi timongoli olo helebe motota o-Lio. Ilopujiaalo mola Tio, botia wau dilumutu ohiheo-hiheolo mao̒! Amin. Hulumati lamiaatia, Petrus 9

3 YAHYA 1:1

Wutato Gayus tao̒tolia̒ngo! Watia, tau̒wa lojamaa̒, tatio̒otutua motolia̒ngumu,

WAHI 2:9

Otaawa-U̒ totoonulalo polodutolo limongoli; otaawa-U̒ timongoli mosikini – bo otutuulio mao̒ timongoli kaya! Otaawa-U̒ pipii-tanawalo u pilomukai̒o olimongoli lotau-tauwalo tahi pongakua batangalio Yahudi, lebe-lebe pomao̒ diila; timongolio yito umati lo Ibilisi!