2 YAHYA 1:3 - KITABI HABARI MOPIOHE

³ Pohileaala dua̒ ito wohia-Lio mai balakati, odehu hilao̒ wau salaamati lo Allahu Taa̒ala ti Paapanto, wau li Isa Almasi Walai̒ Paapa boito. Pohileaala dua̒ ngoa̒amilalo boito milikiyonto wolo hilaa tio̒otutua wau belesi wau wolo tolia̒ngo.

2 YAHYA 1:3 ပူးပေါင်းရင်းမြစ်များ

JAKARIA 8:19

“Puasa u pohutuwola todelomo hulalo opaatio, olimolio, opitulio, wau opululio mamowali lalaa-meyangiyalo u polupolu lou̒ wengahu wau sanangi duo̒lo ulipu lo Yehuda. Tolia̒ngilo daa̒ u otutu wau dame!”

ROMA 1:7

Uito sababuulio watia loluladei olimongoli. Pohileaala dua̒ Allahu Taa̒ala ti Paapanto wau ti Isa Almasi mongohi mai balakati wau salaamati olimongoli.

GALATIA 5:6

Sababu wonu ito malo tituwau woli Isa Almasi, sua̒li modudua̒ meaalo diila modudua̒ wuu̒du lotuuna diilalo mowali sua̒li. U polohuna daa̒ bo palacaya wambao̒ li Almasi, wau uito oontonga todelomo tolia̒ngonto ode taawewo.

1 TIMOTIUS 1:14

Wau tumbao̒ watia hiluntua daa̒ odehu hilaa lo Eeyanto. Tio longohi mai owalia laatia u palacaya o-Lio wau motolia̒ngo ngota timongota. Owalia boito yilohi-Lio olanto ngoa̒amila tamalo tituwau woli Isa Almasi.

2 TIMOTIUS 1:13

Dudui̒ mao̒ lou̒ tio̒otutua pongaajali u otutu u mailohiu̒ mai olemu. Wau mamusi yio̒ debo motidihu to iimani wau tolia̒ngo u malowali milikinto sababu lotituwau woli Isa Almasi.

1 YAHYA 4:10

Utieelo tolia̒ngo: Diila ito tamalo tolia̒ngo Allahu Taa̒ala, bo Allahu Taa̒ala talomonu mai olanto wau lolao Wala-I̒o alihu motimbulude to o-Lio ito moo̒tapu ambungu monto duduu-saanto.

2 YAHYA 1:1

Odeli Ibu tatilulaoto Allahu Taa̒ala, wau ode mongo walai̒ Ibu. Tulade botie lonto olaatia, tau̒wa lojamaa̒ tatio̒otutua motolia̒ngo olimongoli. Diila bo watia wambao̒, bo ngoa̒amila taa u motota lo Allahu Taa̒ala tao̒tutu, motolia̒ngo olimongoli olo.