2 PETRUS 2:2 - KITABI HABARI MOPIOHE

² Eleponu odito, dadaata tau mamodudua̒ dudelo lo tutumulo guguu-ruwaalo paluti boito uhe kiluwasa lonapusu limongolio. Wau huhutu lo guguu-ruwaalo boito mamohutu dadaata tau mohina Dalaalo Banari udulu-dulunga ode Allahu Taa̒ala.

2 PETRUS 2:2 ပူးပေါင်းရင်းမြစ်များ

ROMA 2:24

Todelomo Kitabi tulatulade odie, “Sababu timongoli, tau-tauwalo Yahudi, yi tanggulo Allahu Taa̒ala pilo najisilio towolota lo babaa-ngusawalo wewo.”

YUDAS 1:10

Bo wolo popoolo-hinawalo, tau-tauwala boito heloluhu totoonulalo hitua-tuawua udiila opahamua limongolio. Timongolio tutuuwauwa debo odelo bibii-natangiyalo udiila o aakali, u motota susuu-aliyaalo wolo wuntulo hilaalio. Bo tumbao̒ susuu-aliyaalo boitolo uloo̒ aantulu olimongolio.

WAHI 13:14

Wau ngoa̒amila tau tahi tumula todunia ilaakaliilio wolo momoo̒o-linggolabeyalo ulowali pilohutulio totalu lo binatangi u bohulio boito. Wau timongolio ngoa̒amilalo ilahulalio lopo tihulao̒ bui̒ tuwau lonto binatangi umaa pilaliilio lowamilo, bo debo tumutumulo.

YUDAS 1:15

mai momutoo̒ ngoa̒amila tau. Eeya mamo hukuumani tau-tauwala moleeto sababu totoonulalo huhutu limongolio u hiluusawa. Wau Tio mamo hukuumani tao̒dusa wau tajuluhaka sababu ngoa̒amila loi̒ya u mohina uiloi̒ya limongolio.”

2 PETRUS 2:15

Sababu timongolio diila mohuto modudua̒ dalalo motulidu, yi timongolio mailapalo. Timongolio lohama dalalo u diludua̒ lei Bileam walae̒e Beor omoo̒omolu. Tei Bileam botie ohilaa daa̒ moo̒tapu doi monto huhutuulio u moleeto.

1 PETRUS 2:12

Pii̒li limongoli towolota lotaa udiila motota lo Allahu Taa̒ala mamusi mopiohe daa̒, tilinggula wonubolo timongolio mopitana olimongoli odelo taa moleeto, timongolio debo musi motolo akuwo huhutumu u mopiohe, tilinggula timongolio mamomuji Allahu Taa̒ala todulahe podungga-Lio mai.

TITUSI 2:8

Pomakea mao̒ tataa-heyaalo u molinepo, udiila mowali henteo̒ lotau, alihu lawanimu mowali moolito sababu diaaluo susuu-aliyaalo mobulilo u mowali loi̒ya limongolio pasalinto.

WUNGGULI LOMONGO RASULU 24:14

Memangi musi akuo lowatia toli Tuani deu̒ watia hemolubo Allahu Taa̒ala tinene moya lamiaatia lodudua̒ pongaajali li Isa tahe anggapuo limongolio tilala. Bo watia donggo palacaya tou̒ ngoa̒amilalo u hitulade todelomo Buku lei Musa wau Buku lo Mongo nabi.

WUNGGULI LOMONGO RASULU 16:17

Taabua boito lodudua̒ tulusi wambao̒ olei Paulus wau wolami sambela wuwa-wuwaatia̒, “Tau-tauwala botie wato lo Allahu Taa̒ala Taa Laba-labaalo molaio̒! Timongolio lonao̒ mai mopoo̒taa to Mongo wutato woloolo mola pohuliilio timongoli mowali moa̒ahu!”

MATIUSI 24:24

Sababu malumenetai tahi poa̒ahua paaluti wau mongo nabi paluti. Timongolio mamokalaja mao̒ totoonulalo huhutu upolu-pulutuo̒ wau momoo̒o-linggolabewalo, wonu mowali, umati lo Allahu Taa̒ala olo.

WAHI 12:9

Naha uleidaa̒ boito tilapi ode bulemengio! Tiolo tulide panggola boito u ilunte Ibilisi meealo Rohu Moleeto, u lohimbulo ngoilanggubu dunia. Tio tilapi ode dunia wolo ngoa̒amilalo malai̒katilio.

2 PETRUS 2:21

Lebe mopiohe tau-tauwalo debo odelo uito diila pee̒enta mao̒ motota dalalo u otutu monto Allahu Taa̒ala, lou̒ timongolio motota mao̒, bo lapatao̒ diila mohuto modudua̒ papaa-lentawalo uilohi mai lo Allahu Taa̒ala to limongolio.

TITUSI 2:5

mowali molinepo, tumutumulo mantali mowali tiilo to dileya umopiohu wau taa̒luku todilelio. Lou̒ odito diaaluo taa mowali mohentea̒ habari monto Allahu Taa̒ala.

1 TIMOTIUS 5:14

Uitolo sababuulio otohilaau̒ alihu mongo janda himuudawa muli monika, umoo̒ toduo mai walao̒ wau mongulusi dileaalio, alihu totoonulalo diila ohiyango u mopobuli-buliilo tanggulunto.

WUNGGULI LOMONGO RASULU 19:9

Bo dengolo lota towolota lotau-tauwala boito baa̒ngiola wau diila mohuto palacaya. Totalu lo ngoa̒amila tahia̒mbua teto hilantia̒ limongolio pongaajali pasali lanjana lo Allahu Taa̒ala, mopoa̒ahu manusia motimbulude li Isa. Masababu uito tei Paulus lololaa mao̒ olimongolio, tulusi lonao̒ wolo tahidudua̒ li Isa ode huwali leidaa̒ lokulia lei Tiranus. Mota teto ngohui-ngohui tio helo susuu-alia wolo tau-tauwalo.

WUNGGULI LOMONGO RASULU 18:26

Wolo buheli tei Apolos malo lumula lobisala tobele potabiaalo wau tou̒ tei Priskila woli Akwila lodungohe pongaa-jaliilio, timongolio malodelo olio ode bele. Mola teto timongolio lotombangao̒ olio wolo lebe tiluhata mao̒ pasali patuju lo Allahu Taa̒ala u mopoa̒ahu mai manusia motimbulude li Isa.

WUNGGULI LOMONGO RASULU 14:2

Bo tau-tauwalo Yahudi tadiila mohuto palacaya, helo popatu totau-tauwalo tadiila Yahudi, tilunggula timongolio malo lonuo̒ totau-tauwalo tapalacaya li Isa.

WUNGGULI LOMONGO RASULU 13:10

lapatao̒ loloi̒ya mao̒, “Wuu tamoo-himbuloa tutu, walao̒ jahanama! Yio̒ musu lo totoonulalo umopiohe. Yilongola yio̒ diila mohuheli mongantulu patuju lo Allahu Taa̒ala u mopoa̒ahu manusia?

YAHYA 14:6

Tametao̒ li Isa, “Wau̒lo dalalo u pongo taawalo Allahu Taa̒ala wau poo̒tapulalo tutumulo. Diaaluo penu boli ngotaa mao̒ tamowali monao̒ ode Allahu Taa̒ala, wonu diila moli ola-U̒.

MARKUSI 13:22

Sababu tahi poa̒ahua paluti wau mongo nabi paluti mamei dungga mai. Timongolio mamo kalaja mai huhuu-tuwaalo upolu-polutuo̒ wau momoo̒-linggolabeyalo u mohimbulo wonu potala mowali, umati lo Allahu Taa̒ala olo.

MARKUSI 12:14

Timongolio lonao̒ mai odeli Isa wau loloi̒ya, “Paaa̒ Guru, otaawa lamiaatia deu̒ ti Paaa̒ juujulu wau diila paduli boli huhama lo tatoonu. Ti Paaa̒ helo ngaajali wolo juujulu pasali kahandaki lo Allahu Taa̒ala ode manusia, sababu ti Paaa̒ diila momilohe tau. Naa, nte polelea mai li Paaa̒ olamiaatia, ‘Modudua̒ wuu̒du lo agamanto, tingga mowali momayali beya odeli Kaisali meaalo diila? Wolo ito musi momayali beya boito, meaalo diila?’ ”

MATIUSI 22:16

Yi timongolio malolao to tahidudua̒ olimongolio odeli Isa pee̒-pee̒enta wolo dengolo lota pongawaa̒ lopalatei lei Herodes. Tau-tauwalo boito loloi̒ya mao̒ odeli Isa, “Paaa̒ Guru, otaawa lami ti Paaa̒ ohilaa motulidu. Ti Paaa̒ malo ngaajali lou̒ juujuru tomimbihu kahandaki lo Allahu Taa̒ala ode manusia, lou̒ diila momandungi boli huhaama lo tatoonu. Sababu ti Paaa̒ diila momilohe tau.

MATIUSI 7:14

Bo meepito wau mototolo huhebu wau dalalo u modelo tau ode tutumulo. Wau bo ngoi̒di taa u moo̒tapu mao̒.”

JABURU 18:21

Eeya lomaalasi mai huhutuuu̒ u otutu; Eeya lobalakati mai olau̒ sababu wau̒ diila ototala.

WAHI 13:8

Binatangi boito matuboo lo ngoa̒amila taa utumu-tumulo toitaato dunia, ngopohia tau-tauwalo u tanggulio malei daputali tou̒ dunia diipo pilowali mai, todelomo buku taa tumu-tumulo miliki lo Walao̒ Himba umaa iloloto.

2 PETRUS 2:12

Bo guguu-ruwaalo boito, mailaba! Timongolio debo odelo binatangi upilotutu mai u wau̒polo wau pateelo mate-mateelo mao̒ wambai̒o. Timongolio diila hemo mikilangi bo wambao̒ mohutu modudua̒ naluri, tilinggula timongolio heloluhu susuu-aliyalo udiila o pahamualio wolo tataa-heyalo umohina. Sababu uito ode huhuu-hutuwaalo limongolio lohihilao, timongolio mabinasa debo odelo totoonulalo binatangi mongantau.

YEREMIA 6:16

Eeya lotahuda mai to umati-Lio, “Tihuloolo to titiili-tangowalo dalalo, wau poo̒tuotalo tio̒otutua! Yintua mao̒ dadaa-lalaalo u muloololio mai daa̒, wau toonu u mopiohe daa̒ to wolotalio. Dudui̒lo dalalo boito, alihu timongoli tumumula duo̒duo̒oto.” Bo timongolio loloi̒ya, “Diila, amiaatia diila mohuto modudua̒ dalalo boito!”

YESAYA 35:8

Mola teto mawoluo dalala daa̒, “Dalalo dulu-dulunga ode u moa̒ahu” tanggulio. Taa odusa diila tamolibaya mola teto, taa mohulodu diila tamopo lapaalo totaa u molibaya mao̒.

ILOOWALI 19:5

Timongolio helo ngiibode olei Lot, wau lohintu mao̒, “Tou̒toonu tau-tauwalo talonao̒ mai helo titihui to belemu? Wudua mai timongolio, alihu ami mowali mou̒lambohe woli mongolio?”

WUNGGULI LOMONGO RASULU 22:4

Watia helo ngalinaya tunggula yilate tahidudua̒ to pongaajali bohu boito. Timongolio ngoa̒amila, mopio mongo lolai̒ meaambo mongobua, heilau̒po lowatia wau pilopo tuwoto laatia ode tutupa.

2 PETRUS 2:7

Bo tei Loti tapiloa̒ahu, sababu tio lodudua̒ u otohilaa lo Allahu Taa̒ala; tio lodutolo laba-labaalo sababu pii̒li udiila lotuu̒de wolo tau-tauwalo tahi ruusawa.

2 PETRUS 2:18

Timongolio helohutu poopolo-ilaalowalo u hilangga-langgata wau toongi; napusu u huloto pilomake limongolio huna mopo topotala totau-tauwalo taboheli wambao̒ lolopato lonto awoota lotaa hitumula yilapalo.

YUDAS 1:4

Sababu lou̒ diila otaawanto, woluo tau-tauwalo omakusudu utantu-tantu u tumuwotai ode huunginto. Timongolio yito tahi luusawa u hemo poboboolio̒ habari pasali odehu hilao lo Allahu Taa̒alanto, u moo̒tapu hiyango mopomukao̒ wuntulo hilao u moo̒ohuu̒ limongolio. Wau timongolio diila mololimo li Isa Almasi, tuwa-tuwaulo tao̒kawasa wau Eeyaanto. Anggadu muloololio mai hukuumani ode limongolio maa nilubuwati lo Kitabi.

YUDAS 1:7

Eelai mola olo kota lo Sodom wau Gomora wau kokoo-tawaalo topalitio, u tuangio helohutu susuu-aliyaalo debo odelo u pilohutu lo mamaa-lai̒katiyalo boito. Timongolio helohutu susuu-aliyaalo u huloto wau moleeto, tilinggula timongolio silikisaa wolo hukuumani lotulu u ohiheo-hiheolo mao̒, u powaliyolo odelo poe̒ela duo̒lo taa ngoa̒amila.