1 YAHYA 5:6 - KITABI HABARI MOPIOHE

⁶ Ti Isa Almasilo tamei dungga mai ode dunia wolo taluhu popolihu-Lio wau wolo duhu lo opopate-Lio. Tio meidungga mai diila bo wolo taluhu wambao̒, bo wolo taluhu wau duhu. Wau Rohullah lohihilao tamongohi sakusi deu̒ uito otutu, sababu Rohu diila pee̒enta mao̒ mohimbulo.

1 YAHYA 5:6 ပူးပေါင်းရင်းမြစ်များ

YEHESKIEL 36:25

Lapatao̒ uito timongoli maputata-U̒ lo taluhee moolango, alihu timongoli belesi monto totoonulalo balaahalamu wau monto totoonulalo hitua-tuawua umalo pokootolo olimongoli.

IMAAMATI 17:11

Timii̒du nyawa lo mahaluku woluo todelomo duhulio. Sababu uito Eeya lomalentai alihu ngoa̒amila duhu potoohulo odeitaato mesba alihu duduu-sawaalo umati lulutolo-Lio. Duhu yito nyawa, molulutao̒ dusa.

JAKARIA 9:11

Eeya lotahuda ode umati-Lio, “Domi daantia u pilohutu-U̒ wolimongoli, daantia u silaaha wolo duhu bake lodewo, malopato-U̒ ulipumu tahi dutolaa todelomo polayahu debo odelo taa u leiu̒lungo todelomo ali mohengu.

MATIUSI 26:28

Sababu uti-utieelo duhu-U̒ u moposaaha daantia lo Allahu Taa̒ala – duhu u hiluwato duo̒lo taa dadaata u pongambungualo dusa limongolio.

MATIUSI 3:16

Lapatao̒ yilihualio, ti Isa hua̒a yilumualai lonto taluhu todutulaa boito. Debolo hulungo lohuo̒olo mola wau ti Isa loo̒onto Rohullah lotuhutai debo odelo bulungi poombo ode yitaa-Tio.

MARKUSI 14:24

Lapatao̒ uito ti Isa lotahuda mao̒, “Uti-utieelo duhu-U̒ u moposaaha daantia lo Allahu Taa̒ala, duhu u tiluwato ode taa dadaata.

LUKASI 22:20

Odito olo lapatao̒ lolamelo, Tio longohi mao̒ olimongolio hakati lo angguru boito wau lotahuda, “Hakati botie tutuulio tutu daantia lo Allahu Taa̒ala u bohu, u piloposaaha wolo duhu-U̒ – duhu u bilangguatai ode limongoli.”]

YAHYA 14:17

Tio boito Rohullah tamamo poi̒laalo mai obobanali pasali lo Allahu Taa̒ala. Dunia diila loo̒tolimo o-Lio, sababu diila loo̒onto meaalo loo̒onuhe o-Lio. Bo timongoli moo̒onuhe o-Lio, sababu Tio bilu-biluloa̒ pee̒-pee̒enta woli mongoli wau tuwau woli mongoli.

YAHYA 14:6

Tametao̒ li Isa, “Wau̒lo dalalo u pongo taawalo Allahu Taa̒ala wau poo̒tapulalo tutumulo. Diaaluo penu boli ngotaa mao̒ tamowali monao̒ ode Allahu Taa̒ala, wonu diila moli ola-U̒.

YAHYA 15:26

Wau̒ mamolao mai olemu Tamoo-tulungia u asaliilio mai monto li Paapa-U̒. Tiolo Rohu tamamo poi̒laalo mai obobanali pasali lo Allahu Taa̒ala. Wonu bolo Tio meidungga mai Tio mamongohi sakusi pasali ola-U̒.

YAHYA 16:13

Bo wonu Rohu boito meidungga mai, deu̒ito-yito Tio tamopo ilaalo mai obobanali pasali lo Allahu Taa̒ala, timongoli madeloo-Lio u moo̒onuheo̒ ngoa̒amilalo obobanali. Tio diila tamotahuda monto batanga-Lio lohihilao bo motahuda mai wolo u mai̒lo dungohe-Lio, wau Tio mamo poo̒taa mai olemu wolo u mamowali todulahu momooli.

YAHYA 3:5

Ti Isa lolametao̒, “Otutu banali tahuda-U̒ botie: Wonu tau diila potutuolio mai monto taluhu wau monto Rohullah, tau boito diila mowali pongawaa̒ umati lo Allahu Taa̒ala.

YAHYA 4:10

Ti Isa lolametao̒, “Humayaalio otaawamu wowohi mai lo Allahu Taa̒ala wau tatoonu talohile taluhu olemu, tantuulo mao̒ yio̒ lohihilao tamohile uilumolo to o-Lio, wau Tio mamongohi mai olemu taluhu lo tutumulo.”

YAHYA 4:14

“bo taa mongilu taluhu u mawohi-U̒ mai madiilalo mototoa̒ngo poli ohiheo-hiheolo mao̒. Sababu tahulu u mawohi-U̒ boito mamowali mato lotaluhu todelomo batangalio u mopentelai ode bulemengio wau mongohi olio tutumulo ututuulio tutu wau ohiheo-hiheolo mao̒.”

YAHYA 6:55

Sababu tapu-U̒ tutuulio tutu ua̒alo, wau duhu-U̒ tutuulio tutu minumani.

WUNGGULI LOMONGO RASULU 8:36

Tohuungo lononao̒, timongolio malei dungga ode tambati tuwau u otaluhu. Pegawee boito malo loi̒ya, “Bilohi uito otaluhu! Donggo wolo poli ukuulangi u mopolihu olaatia?” [

ROMA 3:25

Allahu Taa̒ala lopobake mai li Isa Almasi alihu wolo opopate-Lio boito manusia poi̒laalolo molopato monto totala wonu timongolio palacaya o-Lio. Allahu Taa̒ala lohutu odito u mopo bilohei o adili-Lio. Sababu tou̒ yilalu mola masilabalia lo Allahu Taa̒ala duduu-sawaalo manusia, tilinggula Tio diila lohukuumani mai olimongolio.

EPESUS 1:7

Sababu, lo opopate li Almasi, ito yilopatio lo Allahu Taa̒ala, bolilio mao̒ Tio malo ngambungu olanto lonto duduu-saanto.

1 TIMOTIUS 3:16

Diaaluo penu boli ngotaa mao̒ mowali momaahu, malo odito udaa̒alio hitua-tuawua u milakusudu hetuuo̒ lo agamaanto; Tio lopo bilohei batanga todelomo rupa lomanusia, wau piloi̒laalo otutu lo Rohullah, wau iloontonga lo mamaa-lai̒katiyalo. Habarilio pilopo toliyongo towolota lo babaa-ngusawalo, wau Tio pilalacaya to ngoilanggubu dunia wau bilinta-I̒o mola ode sologa.

TITUSI 3:5

Tio lopoa̒ahu mai olanto, diila sababu ito malohutu hitua-tuawua umopiohe, bo sababu Tio lohihilao momonu olanto. Tio lopoa̒ahu mai olaanto lotimbulude to Rohullah, talongohi mai olanto pilotutu bohu wau tutumulo bohu wolo dalala lopobelesi olanto.

IBRANI 10:29

Malo lebe mobuuhetao̒ hukuumani u musi podehuwolo totaa u hemo dutadutaa̒ Walao̒ Allahu Taa̒ala. Tau boito hemo nganggapu hina duhu daantia lo Allahu Taa̒ala, deu̒ito-yito opopate li Almasi tamo poo̒belesi monto dusa. Tio mohina Rohu tamoongohia odehu hilao̒.

IBRANI 12:24

Timongoli monao̒ mai motaalua li Isa, Potimbuludelo ode daantia u bohu boito; timongoli motaalua lo putato duhu u pongaku to susuu-aliyaalo ulebe mopiohe daa̒ lou̒ pilongakua loduhu lei Habel.

IBRANI 13:20

Allahu Taa̒ala malo potumulai li Isa Eeyanto lonto opopate. Sababu opopate-Lio boito Tio masaatia lowali Diti Daa̒ de olanto, deu̒ito-yito hihii-mbaa-Lio. Opopate-Lio boito olo loposaaha mai daantia ohiheo-hiheolo mao̒ u pilohutu lo Allahu Taa̒ala wolanto.

IBRANI 9:14

Naa, wonu duhu wau peaahuo̒ boito moo̒ pobelesi onajisi lo tau-tauwalo boito, tidiyolo mao̒ duhu li Almasi! Lotimbulude to Rohu ubakaa ti Almasi lopodewo batanga-Lio lohihilao ode Allahu Taa̒ala odelo bake wimu-wimumuto tutu. Duhu-Lio lopobelesi hilaa u maloo̒tapu tinelo Eeya de olanto lonto upacala lo agama udiila ohuna, alihu ito mowali momaya Allahu Taa̒ala tatumu-tumulo.

IBRANI 9:7

U tumuwotao̒ ode ambahu delomio daa̒ lokema boito boti iimamu molamahu wambao̒. Tio mohutu uito bo pee̒enta ngotaunu. Uito pohutuolio lou̒ modelo duhu u podewolo ode Allahu Taa̒ala sababu batangalio lohihilao wau sababu duduu-sawaalo u pilohutu lou̒ diila mongalati lo umati-Lio.

1 PETRUS 3:21

Naa, ilowali boito debo odelo pohumaya lo popolihu u masaatia botie mopoa̒ahu olimongoli. Popolihu botie diila tala tuwau lo upacala mopoo̒ belesi wawao̒ monto ngoa̒amila u hikootoloa, bo debo odelo dantimu to Allahu Taa̒ala monto hilaa u maloo̒tapu tinelo Eeya u mopiohu. Popolihu boito mopoa̒ahu olimongoli sababu ti Isa Almasi maluli tilumumulai lonto opopate,

1 YAHYA 1:7

Bo wonu ito tumutumulo todelomo mobaango odelo woloolo mola Allahu Taa̒ala woluo todelomo mobaango, yi ito tumutumulo moa̒aita tutu, mopiohe wau dame ngota timongota, wau duhu li Isa, Wala-I̒o, mopobelesi olanto monto ngoa̒amila dusa.

1 YAHYA 4:10

Utieelo tolia̒ngo: Diila ito tamalo tolia̒ngo Allahu Taa̒ala, bo Allahu Taa̒ala talomonu mai olanto wau lolao Wala-I̒o alihu motimbulude to o-Lio ito moo̒tapu ambungu monto duduu-saanto.

WAHI 1:5

wau monto li Isa Almasi sakusi taa tatapu wau molotolo hilao. Tiolo tabohu-bohulio muli pilotumulai monto opopate wau Tio olo tao̒kawasa tomongo olongia lodunia. Ti Isa momonu olanto, wau wolo opopate-Lio Tio lopo lopato olanto lonto duduusaanto,

WAHI 5:9

Timongolio hemo polahu mola lahu tuwau u bohu: “Yio̒ paatuti mohama mao̒ buku boito wau momoo̒ sesee-heliilio. Sababu Yio̒ mapilatelio yila-yilateelo mao̒, wau wolo opopate-Mu, manusia monto totoonulalo suku, bahasa, lipu wau bangusa matilali-Mu ode Allahu Taa̒ala.

WAHI 7:14

“Diila otaawa lowatia, Tuani. Ti Tuani lohihilao tamotota,” tametao̒ lowatia. Yi ualio mai olaatia, “Utieelo tau-tauwalo tamaa loa̒ahu loli maasa lo alinaaya ulaba-labaalo tutu. Timongolio malo moboa̒a jumba limongolio wau lohutu mao̒ lowali loputio̒ wolo duhu lo Walao̒ Himba boito.