1 YAHYA 5:3 - KITABI HABARI MOPIOHE

³ Sababu, motolia̒ngo to Allahu Taa̒ala boliilio mao̒ modungohe totoonulalo palentaa-Lio. Wau totoonulalo palenta-Lio diila mobuheeto olanto.

1 YAHYA 5:3 ပူးပေါင်းရင်းမြစ်များ

OLUO MONGO OLONGIA 18:6

wau tatapu molotolo hilao to o-Lio. Diila pee̒enta mao̒ tio helo luwali to Eeya. Totoonulalo palenta lo Eeya uilohi lotimbulude olei Musa, hedilungohe lei Hiskia lou̒ tio̒otutua.

JABURU 119:140

Danti lo Eeya motoheto wau mowali yakiniyalo, otohilaa daa̒ lowatotia.

JABURU 119:45

Yi watotia matumumula wolo molopato, sababu hemo tolopani modungoheo̒ pongaajali lo Eeya.

PILOTIMUA̒TA 20:6

Bo Wau̒ mopo bilohei ponu-U̒ ode helihu-lihua wali mai lotau-tauwalo tahipo tolia̒ngowa ola-U̒ wau modungohe palentaa-U̒.

POHUMAYA 3:17

Hikimati moo̒hutu tutumulumu sanangi wau aamani sontosa boli maa̒amulu.

DANIALI 9:4

Totoonulalo dusa lobangusa lowatia hei̒laku lowatia to Eeya Allahu Taa̒ala lowatia. Loi̒ya lowatia, “Eeya Allahu Taa̒ala, Eeya udaa̒, wau mongowatotia mohulumati to Eeya. Eeya laito moe̒ela mai daantia lo Eeya wau hemo pobilohei ponu lo Eeya udiila opulitio ode limongolio tamo tolia̒nga to Eeya wau hemohutu wolo u pomalentai lo Eeya.

MIKHA 6:8

Diila! Eeya malo poi̒laalo mai olanto wolo u mopiohe. U pohilee-Lio wolo moo̒ohuu̒ monto olaanto yito alihu ito motihutu aadili, laito mongamali laasa tolia̒ngo, wau wolo dupadupapa lohilao tumumula motituwau wolo Allahu Taa̒alanto.

MATIUSI 23:4

Timongolio hemohile wolo moo̒ohuu̒ susuu-aliyaalo u mototolo wau hemongohi wuwuu-uduwaalo u hibuuheta, bo penu boli ngoi̒di mao̒ timongolio diila hipo tulungia tahemo ponao̒ uito.

YAHYA 14:15

“Wonu timongoli motolia̒ngu-U̒, timongoli mamo dudua̒ totoonulalo palentaa-U̒.

YAHYA 15:10

Wonu timongoli moponao̒ ngoa̒amila palentaa-U̒, timongoli debo tatapu wau molotolo hilao toponu-U̒. Tutuuwauwa debo odelo Wau̒ debo molotolo hilao toponu li Paapa-U̒ sababu loponao̒ ngoa̒amila palentaa-Lio.

YAHYA 15:14

Timongoli mongo sahabati-U̒, wonu timongoli mohutu mao̒ wolo upilo malenta-U̒ mai olimongoli.

ROMA 7:12

Butoo̒ lo agama bungolio mai monto Allahu Taa̒ala, wau timii̒du palenta todelomo butoo̒ boito dudunggaalio mai monto Allahu Taa̒ala, oditolio aadili wau mopiohe.

ROMA 7:22

Batini lowatia motohilaa tobutoo̒ Allahu Taa̒ala,

TINGULI 5:10

Bo Wau̒ mopo bilohei ponu-U̒ ode hilihu-lihua wali monto tau-tauwalo tamo tolia̒nga ola-U̒ wau modungohe palentaa-U̒

TINGULI 7:9

Eelai mao̒ deu̒ Eeya Allahu Taa̒ala limongoli yito tatuwa-tuwaulo Allahu Taa̒ala, wau Tio Allahu Taa̒ala utatapu wau molotolo hilao. Eeya mopoo̒polu dantilio wau mopobilohei ponu-Lio utatapu tunggula ngolihu mola wali ode taa u motolia̒nga o-Lio wau modungohe totoonulalo palentaa-Lio.

IBRANI 8:10

Bo botia utieelo daantia u mapo hutuwo-U̒ wolo umati lo Isirai̒lu to duduu-laheyaalo u mamei dungga mai, tahuda lo Eeya: Wau̒ mamo podutu butoo̒o-U̒ todelomo pikiilangi limongolio, wau moluladeo̒ todelomo hilaa limongolio. Wau̒ mamowali Allahu Taa̒ala limongolio, wau timongolio mamowali umati-U̒.

1 YAHYA 2:3

Wonu ito modungohe papaa-lentawalo Allahu Taa̒ala, uito tuotio deu̒ ito motota lo Allahu Taa̒ala.

2 YAHYA 1:6

Motolia̒ngo boliilio mao̒ tumumulo modudua̒ totoonulalo palenta lo Allahu Taa̒ala. Wau palenta umaa ilodungohe limongoli tumulalo mai bohulio yito deu̒ timongoli musi tumumulo lou̒ motolia̒nga ngota timongota.