1 YAHYA 5:1 - KITABI HABARI MOPIOHE

¹ Taa u palacaya deu̒ ti Isa yito Olongia Tamoo-poa̒ahua tapilo dantia mai lo Allahu Taa̒ala, tau boito walao̒ Allahu Taa̒ala. Taa u motolia̒ngo ngotaalio lotiyamo, motolia̒ngo walai̒o olo.

1 YAHYA 5:1 ပူးပေါင်းရင်းမြစ်များ

MATIUSI 16:16

Tei Simon Petrus lolametao̒, “Ti Paaa̒ yito Olongia Tamoo-poa̒ahua Walao̒ Allahu Taa̒ala Tatumu-tumulo.”

LUKASI 7:5

“sababu tio motolia̒ngo bungusanto wau malomongu bele potabiaalo ode lamiaatia.”

YAHYA 1:3

Ngoa̒amilalo pilowali mai lotimbulude o-Lio, wau monto ngoa̒amilalo uwoluo diaaluo mao̒ penu boli tuwau u pilowali mai wonu diila monto o-Lio.

YAHYA 15:23

Taa molonuu̒u-U̒, molonua̒ li Paapa-U̒.

YAHYA 3:3

Ti Isa lolametao̒, “Pomalacayalo, diaaluo penu boli ngotaa mao̒ tamowali pongawaa̒ umati lo Allahu Taa̒ala, wonu tio diila muli potutuolio mai.”

YAHYA 6:69

Mongo watotia mapila-lacaya wau yakini deu̒ Eeyaalo utolia tamantali lonto Allahu Taa̒ala.”

YAHYA 8:42

Lapatao̒ ti Isa lotahuda ode limongolio, “Humayaalio Allahu Taa̒ala boito ti Paapamu, timongoli mamo tolia̒nga ola-U̒, sababu Wau̒ dungga-dungga mai lonto Allahu Taa̒ala. Wau̒ dungga-dungga mai diila wolo hilaa-U̒ lohihilao, bo Tiolo tamalolao mai ola-U̒.

WUNGGULI LOMONGO RASULU 8:36

Tohuungo lononao̒, timongolio malei dungga ode tambati tuwau u otaluhu. Pegawee boito malo loi̒ya, “Bilohi uito otaluhu! Donggo wolo poli ukuulangi u mopolihu olaatia?” [

WUNGGULI LOMONGO RASULU 8:37

Tei Pilipus loloi̒ya mao̒, “Wonu ti Tuani palacaya wolo lealeaatu lohilao, ti Tuani mowali lihuwalo.” “Watia palacaya deu̒ ti Isa Almasi yito Walao̒ Allahu Taa̒ala,” loi̒ya mao̒ lopogawee talailaio̒ lonto Etiopia boito.]

YAKOBUS 1:18

Tou̒ hilaa-Lio lohihilao Tio lopowali mai olanto mongo wala-I̒o lotimbulude to tahudaa-Lio u otutu. Tio lohutu mai uito alihu ito moo̒tapu tambati ulaba-labaalo mopiohu towolota lo ngoa̒amila mahaluku u pilowali-Lio.

1 PETRUS 1:3

Duloolo ito mosukuru mola ode Allahu Taa̒ala, ti Paapa Eeyanto Isa Almasi! Malo odito ponu-Lio olanto, uito sababuulio Tio longohi mai olanto tutumulo bohu, lou̒ luli lopotumulai li Isa Almasi lonto opopate. Utie mongohi mai olanto halapani u motoheeto.

1 YAHYA 2:10

Taa u motolia̒ngo wutatio, tumutumulo todelomo mobaango tilinggula diaaluo penu boli hitua-tuawua to olio u mamoo̒ sababu taawewo modehu ode delomo dusa.

1 YAHYA 2:29

Mai̒lotaawa limongoli deu̒ ti Almasi tilumumulo lodudua̒ u otohilaa lo Allahu Taa̒ala. Sababu uito musi otaawa mao̒ limongoli olo deu̒ timii̒du tatumumulo moduduo̒ otohilaa lo Allahu Taa̒ala yito walao̒ Allahu Taa̒ala.

1 YAHYA 3:14

Otaawanto deu̒ ito mailumualo lonto opopate, wau lolimbata ode tutumulo. Otaawanto uito, sababu ito motolia̒ngo timongota lo wutatonto. Taa u diila motolia̒ngo, boliilio mao̒ donggo ilokawasa lo opopate.

1 YAHYA 3:17

Wonu ngotaalio talebe-lebe moo̒onto wutatio u ilodiaa̒a, bo diila mohuto motulungi wutatio boito, woloolo mola tau boito mowali moloi̒ya deu̒ tio motolia̒ngo Allahu Taa̒ala?

1 YAHYA 3:9

Taa u malowali Walao̒ Allahu Taa̒ala, diila mololaalaaita mohutu dusa, sababu pii̒li lo Allahu Taa̒ala lohihilao woluo to olio. Wau sababu Allahu Taa̒ala boito ti Paapalio, yi tio diila mowali mololaalaaita mohutu dusa.

1 YAHYA 4:2

Odieelo mola pohuliilio timongoli motota mao̒ wolo uito Rohullah meaalo diila: Taa umotolo akuo deu̒ ti Isa Almasi dungga-dungga mai ode dunia odelo manusia, tau boito o Rohu udungga-dungga mai monto Allahu Taa̒ala.

1 YAHYA 4:20

Wonu ngotaalio moloi̒ya, “Watia motolia̒ngo Allahu Taa̒ala,” bo tio diila motolia̒ngo wutatio, tau boito mohimbuloa. Sababu taa udiila motolia̒ngo wutatio tailoo-ntongalio, diila pongalo aakali mowali motolia̒ngo Allahu Taa̒ala tadiila iloontongalio.

1 YAHYA 4:7

Mongo wutato tao̒tolia̒ngo! Duloolo ito motolia̒nga ngota timongota, sababu tolia̒ngo asaliilio mai monto Allahu Taa̒ala. Taa u motolia̒ngo, deu̒ito-yito walao̒ Allahu Taa̒ala wau tio motota Allahu Taa̒ala.

1 YAHYA 5:18

Otaawanto deu̒ ngoa̒amila tau tamalowali mongo walao̒ Allahu Taa̒ala, diila molo-laalaaita hipohutua dusa, sababu Walao̒ Allahu Taa̒ala moduo̒lai olio, wau Taa Moleeto diila mowali mohutu wolo-wolo to olio.

1 YAHYA 5:4

Sababu timii̒du walao̒ Allahu Taa̒ala mambo mopoo̒laahe dunia u moleeta botie. Wau ito mopoo̒laahe dunia wolo iimaninto.

1 YAHYA 5:5

Tatoonu tamowali mopoo̒laahe dunia? Bo taa palacaya deu̒ ti Isa yito Walao̒ Allahu Taa̒ala.