1 YAHYA 4:9 - KITABI HABARI MOPIOHE

⁹ Allahu Taa̒ala malo pobilohei deu̒ Tio lomonu olanto wolo lolao mai Wala-I̒o tatuwa-tuwaulo ode delomo dunia alihu ito moo̒toduo tutumulo motimbulude to Wala-I̒o boito.

1 YAHYA 4:9 ပူးပေါင်းရင်းမြစ်များ

ILOOWALI 22:2

Tahuda mao̒ lo Allahu Taa̒ala “Ponao̒lo ode huta lo Moria wolei Isihaka, walau̒mu tatuwa-tuwaulo, tao̒ tolia̒ngumu daa̒. Mola teto, to hui̒dee tuwau u mapotunuwo-U̒ mai olemu podewoa mao̒ walau̒mu odelo bake yilalango ode ola-U̒.”

JABURU 2:7

Uali olongia, “Wau̒ ohilaa mopo malalumu mola wolo u matilantu mai lo Eeya. Tahudaa-Lio olau̒, ‘Yio̒ walau̒u-U̒ talolai̒, todulahee botie Wau̒ mowali Tiyamamu.

MARKUSI 12:6

Donggo tatoonu poli tamowali laololio botia lotaa ohuu̒wo lo ilengi boito? Bolo ngota wambao̒, deu̒ito-yito walai̒o lohihilao taa otolia̒ngio. Oditolio pulitio mao̒ tio malo poa̒hu mota walai̒o boito ode tahi pokalajawa ilengi boito. ‘To pikilangilio tantu walai̒o mahulumatio mai limongolio.’

LUKASI 4:18

“Rohu lo Eeya woluo to ola-U̒, sababu Tio malo muduo̒ ola-U̒ mopohabari Habari Mopiohe ode taa mosikini. Tio lalao mai ola-U̒ mopo malalumu polobebasi totaa leitawalo wau mopoo̒luli totaa pitoo̒: u mopobebasi taa hideehe

YAHYA 10:10

Tamootao̒wa monao̒ mai bo mai motao̒, mai momate mate-mateelo mao̒ wau mai mongantulu. Bo Wau̒ dungga-dungga mai alihu manusia moo̒tapu tutumulo – tutumulo laba-labaalo daata.

YAHYA 14:6

Tametao̒ li Isa, “Wau̒lo dalalo u pongo taawalo Allahu Taa̒ala wau poo̒tapulalo tutumulo. Diaaluo penu boli ngotaa mao̒ tamowali monao̒ ode Allahu Taa̒ala, wonu diila moli ola-U̒.

YAHYA 3:16

Sababu Allahu Taa̒ala odito momonu mai manusia todunia botie, tilinggula Allahu Taa̒ala longohi mai Wala-I̒o tatuwa-tuwaulo, alihu timii̒du taa palacaya o-Lio diila binasa, bo moo̒tapu tutumulo ututuulio tutu wau ohiheo-hiheolo mao̒.

YAHYA 3:18

Taa palacaya o-Lio diila hukuu-maniyola. Bo taa diila palacaya mahi lukuumani lo Allahu Taa̒ala, sababu tio diila palacaya to Walao̒ Allahu Taa̒ala tatuwa-tuwaulo.

YAHYA 5:23

Allahu Taa̒ala lohutu uito alihu ngoa̒amila tau mohulumati to Walao̒ debo odelo timongolio mohulumati to Allahu Taa̒ala. Taa diila mohulumati to Walao̒ diila mohulumati olo to Allahu Taa̒ala tamalolao mai to Walao̒.

YAHYA 6:29

Ti Isa lolametao̒, “Utieelo u otohilaa lo Allahu Taa̒ala monto olimongoli: pomalacayalo o-Lio tailao mai lo Allahu Taa̒ala.”

YAHYA 6:51

Wau̒lo roti u lotuhutai lonto sologa – roti u mongohi tutumulo. Taa u molamela roti botie matumumulo ohiheo-hiheolo mao̒. Roti u mawohi-U̒ ode tutumulo manusia todunia ui-uitolo tapu-U̒.”

YAHYA 6:57

Allahu Taa̒ala tatumu-tumulo boito, lolao mai ola-U̒ wau Wau̒ olo tumumulo monto Allahu Taa̒ala. Odito olo taa u molamelo tapu-U̒ matumumulo monto ola-U̒.

YAHYA 8:29

Wau Tio tamalolao mai ola-U̒ woluo wola-U̒. Diila pee̒enta mao̒ Tio mopoluli ola-U̒ tutuuwau, sababu Wau̒ laito hemohutu wolo umoo̒ sanangi hilaa-Lio.”

YAHYA 8:42

Lapatao̒ ti Isa lotahuda ode limongolio, “Humayaalio Allahu Taa̒ala boito ti Paapamu, timongoli mamo tolia̒nga ola-U̒, sababu Wau̒ dungga-dungga mai lonto Allahu Taa̒ala. Wau̒ dungga-dungga mai diila wolo hilaa-U̒ lohihilao, bo Tiolo tamalolao mai ola-U̒.

YAHYA 9:3

Ti Isa lolametao̒, “Tio pitoo̒ diila sababu dusalio lohihilao meaalo dusa lomongo dulaa̒lio, bo alihu tau mowali moo̒onto mao̒ okokawasa lo Allahu Taa̒ala mokalaja todelomo batangalio.

ROMA 8:32

Wala-I̒o lohihilao diila pilolee̒-Lio mai, bo tumbao̒ yiludu-Lio mai u polohuna daa̒ ode olanto ngoa̒amila; uwalita, Tio diila tamohudu mai de olanto totoonulalo hitua-tuawua uwewolio?

IBRANI 1:5

Diila pee̒enta mao̒ Allahu Taa̒ala helo tahuda odie penu boli ode ngotaalio lo malai̒kati, “Yio̒olo Wala-U̒; todulahe botie Wau̒ mowali ti Paapamu.” Diila pee̒enta mao̒ Allahu Taa̒ala helo tahuda odie penu boli tomimbihu malai̒kati toonu olo, “Wau̒ mamowali ti Paapa-Lio, wau Tio mamowali Wala-U̒.”

1 YAHYA 3:16

Wolo dalalo botieelo otaawanto dudelo lou̒ motolia̒ngo ngota timongota: Ti Almasi malohudu mai tutumu-Lio olanto. Sababu uito, ito olo musi mohudu tutumulonto ode mongo wutatonto!

1 YAHYA 4:10

Utieelo tolia̒ngo: Diila ito tamalo tolia̒ngo Allahu Taa̒ala, bo Allahu Taa̒ala talomonu mai olanto wau lolao Wala-I̒o alihu motimbulude to o-Lio ito moo̒tapu ambungu monto duduu-saanto.

1 YAHYA 4:16

Ito lohihilao motota wau palacaya toponu lo Allahu Taa̒ala ode olanto. Allahu Taa̒ala boito ponu. Taa u tutumulio kiluwasa lo tolia̒ngo, tau boito lotituwau wolo Allahu Taa̒ala wau Allahu Taa̒ala lotituwau wolio.

1 YAHYA 5:11

Uti-utieelo ososakusi boito: Allahu Taa̒ala malongohi mai olanto tutumulo u tutuulio tutu wau ohiheo-hiheolo mao̒, wau Wala-I̒o yito pilobutua mai lo tutumulo boito.

1 YAHYA 5:13

Watia loluladei olimongoli tapalacaya to Walao̒ Allahu Taa̒ala, alihu otaawa limongoli deu̒ timongoli mai̒lo tutumulo u tutuulio tutu wau ohiheo-hiheolo mao̒.