1 YAHYA 4:8 - KITABI HABARI MOPIOHE

⁸ Taa u diila motolia̒ngo, diila motota lo Allahu Taa̒ala; sababu Allahu Taa̒ala yito ponu.

1 YAHYA 4:8 ပူးပေါင်းရင်းမြစ်များ

JABURU 86:15

Bo Eeya, yaa Eeya, Allahu Taa̒ala tamoomonua, wau tao̒odehu hilao, sabali, lealeaatu loponu wau tatapu molotolo hilao.

JABURU 86:5

Eeya mopiohu, yaa Eeya, wau ohilaa mongambungu, taa u hemodua̒ mola to Eeya debo ponuo mai lo Eeya wolo ponu u diilalo o eenggadelio.

2 KORINTUS 13:11

Pulitio mao̒, Mongo wutato, mamusi timongoli motiwengahe, wau potolo panilo mowali wimu-wimumuto ngoa̒amilalo. Tolimowalo ngoa̒amila naseehati lowatia. Mamusi timongoli ngohilao wau tumumula mopiohe wau dame. Allahu Taa̒ala Taa Laba-labaalo ponu wau tamoo-podamea boito mapee̒-pee̒enta woli mongoli.

EPESUS 2:4

Bo donggo boli udaa̒alio omuura hilaa lo Allahu Taa̒ala! Tio odito momonu mai olanto,

IBRANI 12:29

Sababu Allahu Taa̒alanto debo odelo tulu umoo̒pobu.

1 YAHYA 1:5

Uti-utieelo habari umaa ilodungohe lamiaatia lonto Wala-I̒o wau u potunggulo mai lamiaatia olimongoli: Allahu Taa̒ala boito mobaango, wau to Allahu Taa̒ala diaaluo u modio̒lomo sama-samaata.

1 YAHYA 2:4

Taa umoloi̒ya deu̒, “Watia motota lo Allahu Taa̒ala,” bo diila modungohe to papaa-lentaa-Lio, tau boito mohimbuloa, wau Allahu Taa̒ala diaaluo todelomo hilaalio.

1 YAHYA 2:9

Taa umoloi̒ya deu̒ tio woluo todelomo mobaango bo tau boito donggo molonuo̒ wutatio, tau boito donggo woluo todelomo u modio̒lomo dilumutu botia.

1 YAHYA 3:10

Utieelo hiheedio towolota lomongo walao̒ Allahu Taa̒ala wolo mongo walao̒ Ibilisi; titaalo tita diila mohutu kahandaki lo Allahu Taa̒ala, meaalo diila motolia̒ngo wutatio, yi tio diila walao̒ Allahu Taa̒ala.

1 YAHYA 3:6

Ngoa̒amila tau tatumu-tumulo motituwau woli Almasi, diila mololaalaaita mohutu dusa. Taa u mohutu dusa mololaalaaita, diila pee̒enta mao̒ moo̒onto li Almasi meaalo mototaa-Lio.

1 YAHYA 4:16

Ito lohihilao motota wau palacaya toponu lo Allahu Taa̒ala ode olanto. Allahu Taa̒ala boito ponu. Taa u tutumulio kiluwasa lo tolia̒ngo, tau boito lotituwau wolo Allahu Taa̒ala wau Allahu Taa̒ala lotituwau wolio.

1 YAHYA 4:7

Mongo wutato tao̒tolia̒ngo! Duloolo ito motolia̒nga ngota timongota, sababu tolia̒ngo asaliilio mai monto Allahu Taa̒ala. Taa u motolia̒ngo, deu̒ito-yito walao̒ Allahu Taa̒ala wau tio motota Allahu Taa̒ala.