1 YAHYA 4:7 - KITABI HABARI MOPIOHE

⁷ Mongo wutato tao̒tolia̒ngo! Duloolo ito motolia̒nga ngota timongota, sababu tolia̒ngo asaliilio mai monto Allahu Taa̒ala. Taa u motolia̒ngo, deu̒ito-yito walao̒ Allahu Taa̒ala wau tio motota Allahu Taa̒ala.

1 YAHYA 4:7 ပူးပေါင်းရင်းမြစ်များ

YAHYA 13:34

Palenta bohu wohi-U̒ mai olemu: Tolia̒ngilo ngota timongota, debo odelo Wau̒ motolia̒ngai olimongoli odito olo timongoli musi mototoo-lia̒nga.

YAHYA 17:3

Uti-utieelo tutumulo ututuulio tutu wau ohiheo-hiheolo mao̒; alihu tau motota li Paapa, tuwa-tuwaulo Allahu Taa̒ala tabanali, wau moo̒onuhe li Isa Almasi tailao mai li Paapa.

1 KORINTUS 8:3

Bo taa u otu-otutuulo mao̒ motolia̒ngo to Allahu Taa̒ala, tio otaawa lo Allahu Taa̒ala.

2 KORINTUS 4:6

Allahu Taa̒ala talo tahuda, “Mamusi monto delomo dio̒lomo mobutu mai tilango,” Allahu Taa̒ala boitolo olo tamo pobutu mai tilango boito todelomo hilaanto, alihu pikiilanginto, mowali mobaangai u momaahamu otinelo mobaango tutu lo Allahu Taa̒ala u tinetinelo tobaya li Almasi.

GALATIA 4:9

Bo botia timongoli motota lo Allahu Taa̒ala, meaalo lebe tuhata mao̒, Allahu Taa̒ala motota olimongoli. Naa, yilongola timongoli mohuto muli mohualinga ode roroo-huwaala lodunia botie, u molulupuhu wau mosikini? Yilongola timongoli mohuto muli pohutulio wato lo roroo-huwaalo boito?

GALATIA 5:22

Bolii̒o mao̒, wonu tau-tauwalo dilelo lo Rohullah, tilapulio yito: Timongolio mototoo-lia̒nga, timongolio meengahe, timongolio oduo̒ota lohilao, timongolio sabali wau obudi, timongolio mopiohe ode taa wewo, timongolio tatapu wau molotolo hilao,

TINGULI 30:6

Timongoli wau wali mola limongoli mawohiya-Lio hilaa u moduduo̒, tilinggula timongoli motolia̒nga to Eeya Allahu Taa̒ala limongoli wolo lealeaatu lohilao wau mowali tulusi motibiluloa̒ tolipu boito.

2 TIMOTIUS 1:7

Sababu Rohu uilohi mai lo Allahu Taa̒ala olanto, diila Rohu u mopowali olanto mowali moohe. Bolii̒o mao̒ Rohullah boito mopowali olanto mowali molotolo, polupolu lo tolia̒ngo wau mowali mongotongo batanga.

1 PETRUS 1:22

Sababu timongoli lodungohe to pongaajali lo Allahu Taa̒ala, yi timongoli lopo belesi batanga wau timongoli lotolia̒nga tau-tauwalo tango iimani lou̒ ihilasi. Sababu uito, mamusi timongoli motolia̒nga ngota timongota wolo lealeaatu lohilao.

1 YAHYA 2:10

Taa u motolia̒ngo wutatio, tumutumulo todelomo mobaango tilinggula diaaluo penu boli hitua-tuawua to olio u mamoo̒ sababu taawewo modehu ode delomo dusa.

1 YAHYA 2:29

Mai̒lotaawa limongoli deu̒ ti Almasi tilumumulo lodudua̒ u otohilaa lo Allahu Taa̒ala. Sababu uito musi otaawa mao̒ limongoli olo deu̒ timii̒du tatumumulo moduduo̒ otohilaa lo Allahu Taa̒ala yito walao̒ Allahu Taa̒ala.

1 YAHYA 2:3

Wonu ito modungohe papaa-lentawalo Allahu Taa̒ala, uito tuotio deu̒ ito motota lo Allahu Taa̒ala.

1 YAHYA 2:4

Taa umoloi̒ya deu̒, “Watia motota lo Allahu Taa̒ala,” bo diila modungohe to papaa-lentaa-Lio, tau boito mohimbuloa, wau Allahu Taa̒ala diaaluo todelomo hilaalio.

1 YAHYA 2:7

Mongo wutato tao̒tolia̒ngo! U tiluladei laatia botie diila odelo palenta u bohu. Utie palenta deedelo umapilo tunggulai olimongoli anggadu timongoli tumulalo mai palacaya li Almasi; uitolo habari monto Allahu Taa̒ala umaa ilodungohe limongoli tou̒ dipolulio mai.

1 YAHYA 3:9

Taa u malowali Walao̒ Allahu Taa̒ala, diila mololaalaaita mohutu dusa, sababu pii̒li lo Allahu Taa̒ala lohihilao woluo to olio. Wau sababu Allahu Taa̒ala boito ti Paapalio, yi tio diila mowali mololaalaaita mohutu dusa.

1 YAHYA 4:11

Mongo wutato tao̒tolia̒ngo, wonu Allahu Taa̒ala momonu daa̒ olanto ito olo musi motolia̒nga ngotaa timongota.

1 YAHYA 4:12

Diaaluo penu boli ngota mao̒ tapee̒enta loo̒onto Allahu Taa̒ala, bo wonu ito mototoo-lia̒nga, Allahu Taa̒ala motituwau wolanto wau ponu-Lio mowali wimu-wimumuto tutu todelomo batanganto.

1 YAHYA 4:16

Ito lohihilao motota wau palacaya toponu lo Allahu Taa̒ala ode olanto. Allahu Taa̒ala boito ponu. Taa u tutumulio kiluwasa lo tolia̒ngo, tau boito lotituwau wolo Allahu Taa̒ala wau Allahu Taa̒ala lotituwau wolio.

1 YAHYA 4:20

Wonu ngotaalio moloi̒ya, “Watia motolia̒ngo Allahu Taa̒ala,” bo tio diila motolia̒ngo wutatio, tau boito mohimbuloa. Sababu taa udiila motolia̒ngo wutatio tailoo-ntongalio, diila pongalo aakali mowali motolia̒ngo Allahu Taa̒ala tadiila iloontongalio.

1 YAHYA 4:8

Taa u diila motolia̒ngo, diila motota lo Allahu Taa̒ala; sababu Allahu Taa̒ala yito ponu.

1 YAHYA 5:1

Taa u palacaya deu̒ ti Isa yito Olongia Tamoo-poa̒ahua tapilo dantia mai lo Allahu Taa̒ala, tau boito walao̒ Allahu Taa̒ala. Taa u motolia̒ngo ngotaalio lotiyamo, motolia̒ngo walai̒o olo.

2 YAHYA 1:5

Sababu uito, Ibu, pohile lowatia lou̒ tio̒otutua alihu ito ngoa̒amila mototoo-lia̒nga. U tiloo̒owoli mai lowatia botie diila tuwaulio lopalenta u bohu; palenta botie mailohi mai olanto tumulalo bohulio ito palacaya.