1 YAHYA 4:6 - KITABI HABARI MOPIOHE

⁶ Bo ito yito mongo walao̒ Allahu Taa̒ala; wau taa u motota lo Allahu Taa̒ala, modungohe loi̒yanto. Taa u diila miliki lo Allahu Taa̒ala, diila modungohe loi̒yanto. Odieelo mola dudelolio ito motota mao̒ hiheedio towolota lo Rohu u mongohi pongaajali u otutu, wau rohu umopo lapalo.

1 YAHYA 4:6 ပူးပေါင်းရင်းမြစ်များ

OLUO TAWARI 18:21

Rohu boito lolametao̒, ‘Wau̒ mamonao̒ wau mohutu mao̒ ngoa̒amila nabi lei Ahab mohimbulo.’ Eeya lotahuda mao̒, ‘Ooo̒, pohutualo odito, yio̒ mamoo̒ piyo olio.’ ”

YESAYA 29:10

Eeya mohutu mai olimongoli modiduto wau motuluhe meinuloto. Eeya molau̒bei mato lomongo nabi wau momeleu̒to baya lo tahi poomilohea.

YESAYA 8:20

Tameta mao̒ odie, “Dungohilo pongaajali lo Eeya! Taa udiila mobisala motuhatawa wolo pongaajali boito, diila o halaapani.”

HOSEA 4:12

Timongoli hipohilea potuhata monto ayu ngoputu! Tunggudu ngoputu hemo poo̒taa mai olemu wolo u otohilaa otaawa mao̒ limongoli! Timongoli debo odelo ngotaalio lodile taabua talowali suntali; timongoli lololaa ola-U̒ wau lohudu batanga ode ila-ila wewo.

MIKHA 2:11

Timongoli mokahandaki mai nabi tao̒hilaa mongaakali wau mohimbulo boli molaamali deu̒ timongoli maa owooluo mai lo angguru wau minumani motoheeto daata-daatalo mao̒.”

MIKHA 3:8

Bo tomimbihu batanga lowatia botie, Eeya malo luwangai olaatia wolo rohu-Lio wau kawasaa-Lio. Watia yilohia lo Eeya huhama pasali u aadili, wau olo obobuheli u mopoi̒laalo ode taulo Isirai̒lu duduu-sawaalo u mapilo hutulio.

LUKASI 10:22

Toonulalo u hitua-tuauwa mailudu mai li Paapa to olaa-Tia. Diaaluo mao̒ penu boli ngota tamotota to Walao̒, ngopohia li Paapa. Diaaluo olo tamotota li Paapa, ngopohia lo Walao̒; wau tau-tauwala too̒lita Walao̒ boito yinao mopoo̒taa li Paapa.”

YAHYA 10:16

Donggo woluo hihii-mbawaalo uwewo hakuu-U̒ olo, bo diila waiwaito todelomo himbala lohimba botie. Timongolio olo musi deloo-U̒ wau timongolio mamo dungohe sualaa-U̒. Timongolio ngoa̒amilalo mamowali ngopo himbala wolo ngota ditilio.

YAHYA 10:27

Hihii-mbaa-U̒ modungohe sualaa-U̒. Otaawa-U̒ timongolio, wau timongolio modudua̒ ola-U̒.

YAHYA 10:3

Tamoodahawa lantunga momuo̒ mao̒ huhebu to olio, wau hihii-mbawaalo mamo dudua̒ sualaalio tou̒ tio motiango timii̒du tanggulo hihii-mbawaalo boito wau modelo hihii-mbawaalo ode bulemengio.

YAHYA 13:20

Otutu banali tahuda-U̒ botie: Tatoonu taa u mololimo tailawo-U̒, mololimo ola-U̒. Wau tatoonu tamololimo ola-U̒, mololimo o-Lio tamalolao mai ola-U̒.”

YAHYA 14:17

Tio boito Rohullah tamamo poi̒laalo mai obobanali pasali lo Allahu Taa̒ala. Dunia diila loo̒tolimo o-Lio, sababu diila loo̒onto meaalo loo̒onuhe o-Lio. Bo timongoli moo̒onuhe o-Lio, sababu Tio bilu-biluloa̒ pee̒-pee̒enta woli mongoli wau tuwau woli mongoli.

YAHYA 15:26

Wau̒ mamolao mai olemu Tamoo-tulungia u asaliilio mai monto li Paapa-U̒. Tiolo Rohu tamamo poi̒laalo mai obobanali pasali lo Allahu Taa̒ala. Wonu bolo Tio meidungga mai Tio mamongohi sakusi pasali ola-U̒.

YAHYA 16:13

Bo wonu Rohu boito meidungga mai, deu̒ito-yito Tio tamopo ilaalo mai obobanali pasali lo Allahu Taa̒ala, timongoli madeloo-Lio u moo̒onuheo̒ ngoa̒amilalo obobanali. Tio diila tamotahuda monto batanga-Lio lohihilao bo motahuda mai wolo u mai̒lo dungohe-Lio, wau Tio mamo poo̒taa mai olemu wolo u mamowali todulahu momooli.

YAHYA 18:37

Yi tei Pilatus lohintu mao̒ o-Lio, “Wonu odito, Yio̒ botie olongia?” Ti Isa lolametao̒, “Yio̒ loloi̒ya deu̒ Wau̒ botie olongia. Wau̒ pilotutulio wau dungga-dungga mai ode dunia wolo makusudu tuwau, deu̒ito-yito mai mongohi sakusi pasali lo obobanali. Taa monto obobanali boito mamo dungohe ola-U̒.”

YAHYA 20:21

Lapatao̒ ti Isa pee̒entapo lotahuda mao̒ olimongolio, “Salamu moa̒ahu olemu. Debo odelo ti Paapa-U̒ lolao mai ola-U̒, odito olo Wau̒ mamolao olimongoli.”

YAHYA 8:19

“Ti Paapa-Mu boito tou̒toonu?” loi̒ya mao̒ limongolio. Ti Isa lolametao̒, “Timongoli diila moo̒onuhe ola-U̒ meaambo li Paapa-U̒. Humayaalio timongoli olo moo̒onuhe ola-U̒, maatantu timongoli moo̒onuhe li Paapa-U̒.”

YAHYA 8:23

Lapatao̒ ti Isa lotahuda mao̒ ode limongolio, “Timongoli dungga-dungga mai lonto walungo; bo Wau̒ dungga-dungga mai lonto yitaato. Timongoli lonto dunia; Wau̒ diila lonto dunia.

ROMA 1:1

Mongo wutato ngoa̒amila to Roma tapilonua lo Allahu Taa̒ala wau tamaa tiliango Allahu Taa̒ala u lowali umati-Lio. Allahu Taa̒ala malo lulaoto wau lomuduo̒ olaatia tolomodu u mopohabari Habari Mopiohe monto Allahu Taa̒ala.

ROMA 11:8

Sababu todelomo Kitabi tulatulade odie, “Allahu Taa̒ala lohutu hilaa wau pikiilangi limongolio lowali abalo; wau tunggula botia mato limongolio diila moo̒onto wau bulonga limongolio diila moo̒dungohu.”

1 KORINTUS 14:37

Wonu woluo tamolaasa oponu umopo tunggulo habari monto Allahu Taa̒ala, meaalo tio oponu uwewolio monto Rohullah, tau boito musi mongalati deu̒ wolo u tiluladei lowatia botie yito palenta lonto Eeya.

2 KORINTUS 10:7

Mamusi timongoli mongalati to owowoluwoa u otutuulio mao̒. Wonu tahingota-ngotawa yakini deu̒ tio miliki li Almasi, mamusi tio mopoe̒elao̒ batangalio lohihilao wau mongalati deu̒ amiaatia olo miliki li Almasi debo odelo tio.

2 TESALONIKA 1:8

wau wolo tulu ulei̒-lei̒ita. Tio motuhutai u mohukuumani tau-tauwalo tadiili hipo mandungia Allahu Taa̒ala wau tadiila motohilaa tumumulo motuuu̒de wolo Habari Mopiohe pasali li Isa Eeyanto.

1 TIMOTIUS 4:1

Rohullah wolo pintalo lotahuda mai deu̒ to mamaa-sawaalo umamei dungga mai, ngotayadu tau mamolapi iimanilio, momaahe li Almasi. Timongolio mamo dungohe to roroo-huwaalo umopo lapalo wau modudua̒ popoo-ngajaliyalo lorohu u moleeto,

2 PETRUS 3:2

Watia mopoa̒hu mai alihu timongoli mamoe̒ela mola loloo-iyaalo u muloololio mai yiloi̒ya lomongo nabi lo Allahu Taa̒ala, wau palenta lo Eeya, Olongia Tamoo-poa̒ahua, upilo tunggulio olimongoli lotimbulude tomongo rasulu.

1 YAHYA 4:1

Mongo wutato tao̒tolia̒ngo! Diila mao̒ palacayai to ngoa̒amila tau tahi pongakua o Rohullah, bo tesiyopo timongolio u motota mao̒ wolo Rohu uwoluo toli mongolio boito asaliilio mai lonto Allahu Taa̒ala meaalo diila. Sababu dadaata nabi paluti mabolo to utoonulalo.

1 YAHYA 4:4

Bo Mongo walau̒, timongoli haku lo Allahu Taa̒ala. Timongoli malo olaaheo̒ tomongo nabi paluti; sababu Rohu uwoluo toli mongoli lebe okawasa wolo rohu uwoluo totau-tauwalo miliki lodunia botie.

1 YAHYA 4:8

Taa u diila motolia̒ngo, diila motota lo Allahu Taa̒ala; sababu Allahu Taa̒ala yito ponu.

1 YAHYA 5:19

Otaawanto deu̒ ito haku lo Allahu Taa̒ala, eleponu ngoilanggubu dunia botie to walungo kawasa lo Taa Moleeto.

YUDAS 1:17

Bo mongo wutatuu̒ tao̒tolia̒ngo, eelai mola mawolo u muloololio mai uiloi̒ya lomongo rasulu lo Eeyaanto Isa Almasi.