1 YAHYA 4:4 - KITABI HABARI MOPIOHE

⁴ Bo Mongo walau̒, timongoli haku lo Allahu Taa̒ala. Timongoli malo olaaheo̒ tomongo nabi paluti; sababu Rohu uwoluo toli mongoli lebe okawasa wolo rohu uwoluo totau-tauwalo miliki lodunia botie.

1 YAHYA 4:4 ပူးပေါင်းရင်းမြစ်များ

YAHYA 12:31

Botia maa wakutuulio dunia butoo̒lo; botia takawa-kawasa todunia botie powulidulo.

YAHYA 14:30

Wau̒ diilalo mobisala mai lebe dadaata mao̒ toli mongoli, sababu mawakutuulio tahidihima kawasa lodunia botie mamonao̒ mai. Bo tio diila okawasa to batanga-U̒.

YAHYA 16:11

wau deu̒ Allahu Taa̒ala malo lumula lohukuumani mai, sababu tahidihima kawasa lodunia botie mahilu-kuumani.

YAHYA 17:23

Watia woli mongolio, wau ti Paapa wolaa-Tia; alihu timongolio otu-otutuulo mao̒ tuwau. Yi dunia mamotota mao̒ deu̒ ti Paapaalo talolao mai olaa-Tia, wau deu̒ ti Paapa momonu olimongolio debo odelo ti Paapa lomonu olaa-Tia.

ROMA 8:31

Wolo umowali loi̒yanto botia pasali lou̒ ngoa̒amilalo boito? Wonu Allahu Taa̒ala motiwambao̒ ode olanto, tatoonu tamowali moluwali olanto?

ROMA 8:37

Diila! Tumbao̒ todelomo u ngoa̒amilalo boito ito mamoo̒hama wolo wimu-wimumuto ngoa̒amilalo sababu Tio talomonu olanto!

1 KORINTUS 2:12

Wau ito diila yilohia-Lio mai rohu lodunia botie, bo Rohu ulonto Allahu Taa̒ala, alihu otaawanto ngoa̒amila u mailohi lo Allahu Taa̒ala olanto.

1 KORINTUS 6:13

Woluo olo talo loi̒ya deu̒ ua̒alo yito duo̒lo ombongo, wau ombongo yito duo̒lo ua̒alo. Bo duduuluwolo mapo diaaluo lo Allahu Taa̒ala. Batanga lomanusia diila mowali pomake u mopowoluo mai wumbuta u huloto, bo duo̒lo momaya to Eeya wambao̒. Wau Eeya mamolaala batanga boito.

2 KORINTUS 4:4

Ila moleeto umotolo kawasa dunia botie moheu̒ta pikiilangi lotau-tauwalo tadiila palacaya boito. Tiolo tamo monto-montola olimongolio alihu timongolio diila moo̒onto tilango monto Habari Mopiohe boito tomimbihu odudaa̒ li Almasi, tadebo odelo bayahu lo Allahu Taa̒ala.

2 KORINTUS 6:16

Wolo wumbutalio towolota Bele lo Eeya wolo bele lo balaahala? Ito botie Bele lo Eeya, deu̒ito-yito Allahu Taa̒ala tatumu-tumulo. Allahu Taa̒ala lohihilao lotahuda, “Wau̒ mamo tibiluloa̒ tohuungi mongolio, wau tumumulo pee̒-pee̒enta woli mongolio. Wau̒ mamowali Allahu Taa̒ala limongolio, wau timongolio mamowali umati-U̒.

EPESUS 2:2

Tou̒ boito timongoli lodudua̒ wuwuu-uduwaalo dunia botie; boliilio mao̒ timongoli lodungohe takawa-kawasa tobangio daa̒, deu̒ito-yito rohu u botia motolo kawasa hilaa lotau-tauwalo tadiila modungohe to Allahu Taa̒ala.

EPESUS 3:17

Pohileaalo dua̒ sababu timongoli palacaya li Almasi, ti Almasi motibiluloa̒ todelomo hilaa limongoli, wau tutumuli mongoli pilopo daasali wau kiluwasa lo tolia̒ngo.

EPESUS 6:10

Pulitio mao̒, mamusi timongoli mowali molotolo wolo olootolo u lotapu limongoli lonto kawasa lo Eeya, sababu timongoli lotituwau wo-Lio.

1 YAHYA 2:1

Mongo walau̒! Watia moluladei utie ode limongoli alihu timongoli diila mao̒ mohutu dusa. Bo wonu woluo tamohutu dusa, yi ito o ngotaalio tamo poduulua, deu̒ito-yito ti Isa Almasi taa̒adili boito; Tio mamo molohone mola olanto totalu lo Allahu Taa̒ala.

1 YAHYA 2:13

Watia loluladei olimongoli, Mongo dulaa̒, sababu timongoli mototaa-Lio tamawoluo tumulalo mai bohulio daa̒. Watia loluladei olimongoli Taa himuudawa, sababu timongoli malo poo̒laaheo̒ Taa Moleeto.

1 YAHYA 3:20

Otaawanto, deu̒ wonu ito potaala lo hilaanto, pongotota lo Allahu Taa̒ala lebe udaa̒ wolo pongotota lo hilaanto, wau deu̒ otaawa-Lio totoonulalo u hitua-tuawua.

1 YAHYA 3:24

Ngoa̒amila taa u modungohe totoonulalo palenta lo Allahu Taa̒ala, tumumulo motituwau wolo Allahu Taa̒ala, wau Allahu Taa̒ala motituwau woli mongolio. Wau otaawanto deu̒ Allahu Taa̒ala tumutumulo lotituwau wolanto, sababu Tio malongohi mai Rohu-Lio to olanto.

1 YAHYA 4:13

Masababu Allahu Taa̒ala malongohi mai olanto Rohu-Lio, yi otaawanto deu̒ ito maa tilumumulo lotituwau wolo Allahu Taa̒ala, wau Allahu Taa̒ala tilumumulo lotituwau wolanto.

1 YAHYA 4:16

Ito lohihilao motota wau palacaya toponu lo Allahu Taa̒ala ode olanto. Allahu Taa̒ala boito ponu. Taa u tutumulio kiluwasa lo tolia̒ngo, tau boito lotituwau wolo Allahu Taa̒ala wau Allahu Taa̒ala lotituwau wolio.

1 YAHYA 4:6

Bo ito yito mongo walao̒ Allahu Taa̒ala; wau taa u motota lo Allahu Taa̒ala, modungohe loi̒yanto. Taa u diila miliki lo Allahu Taa̒ala, diila modungohe loi̒yanto. Odieelo mola dudelolio ito motota mao̒ hiheedio towolota lo Rohu u mongohi pongaajali u otutu, wau rohu umopo lapalo.

1 YAHYA 5:19

Otaawanto deu̒ ito haku lo Allahu Taa̒ala, eleponu ngoilanggubu dunia botie to walungo kawasa lo Taa Moleeto.

1 YAHYA 5:4

Sababu timii̒du walao̒ Allahu Taa̒ala mambo mopoo̒laahe dunia u moleeta botie. Wau ito mopoo̒laahe dunia wolo iimaninto.

WAHI 12:11

Mongo wutatonto maloo̒ laaheo̒ olio wolo duhu lo Walao̒ Himba boito, wau wolo habari u otutu lonto Allahu Taa̒ala u pilohabari limongolio. Timongolio iloheela lohilao mopobake nyawa limongolio tunggula mate.