1 YAHYA 4:3 - KITABI HABARI MOPIOHE

³ Bo taa diila motolo akuo sua̒li botie tomimbihu li Isa, diila o Rohullah. Tau boito o rohu monto Musu li Almasi. Wutato malo dungohu deu̒ rohu boito mamei dungga mai, wau botia tio mawoluo todelomo dunia botie.

1 YAHYA 4:3 ပူးပေါင်းရင်းမြစ်များ

MATIUSI 24:5

Sababu ngohuntua tau mamonao̒ mai lou̒ momake tanggulu-U̒ wau moloi̒ya, ‘Wau̒lo Olongia Tamoo-poa̒ahua!’ Timongolio mamongakali totaa dadaata.

1 YAHYA 2:18

Mongo walau̒, pulito lojamani malembidei! Mapiloo̒taa olimongoli tou̒ dipolulio mai deu̒ Musu li Almasi mamei dungga mai; wau botia mailumeneto dadaata tau tahelo musu li Almasi. Uito tuotio deu̒ pulito lojamani malembidei.

1 YAHYA 2:22

Tamohimbulo yito taa u moloi̒ya deu̒ ti Isa diila Olongia Tamoo-poa̒ahua tapilo danti mai lo Allahu Taa̒ala. Tau boito musu li Almasi; tio diila motolo akuo li Paapa meaalo to Walao̒.

2 YAHYA 1:7

Dadaata tamoo-himbuloa malo loo̒opo ode ngoilanggubu dunia. Timongolio yito tau-tauwalo tadiila motolo akuo deu̒ ti Isa Almasi meidungga mai ode dunia odelo ngotaalio lomanusia. Taa udebo odelo uito yito tamoo-himbuloa, wau Musu li Almasi.