1 YAHYA 4:16 - KITABI HABARI MOPIOHE

¹⁶ Ito lohihilao motota wau palacaya toponu lo Allahu Taa̒ala ode olanto. Allahu Taa̒ala boito ponu. Taa u tutumulio kiluwasa lo tolia̒ngo, tau boito lotituwau wolo Allahu Taa̒ala wau Allahu Taa̒ala lotituwau wolio.

1 YAHYA 4:16 ပူးပေါင်းရင်းမြစ်များ

JABURU 31:19

Pambolilo ngango lo tahi pohimbuloa u wolo batingga hemo henteo̒ taa juujulu.

YESAYA 64:4

Diipo pee̒enta mao̒ woluo talo dungohe, wau diipo pee̒enta mao̒ woluo taloo̒onto, deu̒ ngopohia Eeya, woluo ila talohutu mao̒, ode taa u hemohalapu to olio.

YAHYA 6:69

Mongo watotia mapila-lacaya wau yakini deu̒ Eeyaalo utolia tamantali lonto Allahu Taa̒ala.”

YAHYA 9:3

Ti Isa lolametao̒, “Tio pitoo̒ diila sababu dusalio lohihilao meaalo dusa lomongo dulaa̒lio, bo alihu tau mowali moo̒onto mao̒ okokawasa lo Allahu Taa̒ala mokalaja todelomo batangalio.

1 KORINTUS 2:9

Bolii̒o mao̒ sua̒li boito yito debo odelo utula-tulade todelomo Kitabi, “Wolo udiila pee̒enta iloontonga meaalo ilodungohe lomanusia, wau diila pee̒enta olo tilumoodu todelomo pikilangi lomanusia, ui-uitolo u pilodapato lo Allahu Taa̒ala ode tau-tauwalo tamotolia̒ngo o-Lio.”

1 YAHYA 3:1

Bilohi mao̒ malo odito ponu lo Allahu Taa̒ala olanto, tilinggula ito ilaku-Lio odelo mongo wala-I̒o. Wau memangi ito yito mongo walao̒ Allahu Taa̒ala. Uitolo sababuulio dunia u moleeto botie diila motota olanto, sababu dunia diila motota lo Allahu Taa̒ala.

1 YAHYA 3:16

Wolo dalalo botieelo otaawanto dudelo lou̒ motolia̒ngo ngota timongota: Ti Almasi malohudu mai tutumu-Lio olanto. Sababu uito, ito olo musi mohudu tutumulonto ode mongo wutatonto!

1 YAHYA 3:24

Ngoa̒amila taa u modungohe totoonulalo palenta lo Allahu Taa̒ala, tumumulo motituwau wolo Allahu Taa̒ala, wau Allahu Taa̒ala motituwau woli mongolio. Wau otaawanto deu̒ Allahu Taa̒ala tumutumulo lotituwau wolanto, sababu Tio malongohi mai Rohu-Lio to olanto.

1 YAHYA 4:7

Mongo wutato tao̒tolia̒ngo! Duloolo ito motolia̒nga ngota timongota, sababu tolia̒ngo asaliilio mai monto Allahu Taa̒ala. Taa u motolia̒ngo, deu̒ito-yito walao̒ Allahu Taa̒ala wau tio motota Allahu Taa̒ala.