1 YAHYA 4:12 - KITABI HABARI MOPIOHE

¹² Diaaluo penu boli ngota mao̒ tapee̒enta loo̒onto Allahu Taa̒ala, bo wonu ito mototoo-lia̒nga, Allahu Taa̒ala motituwau wolanto wau ponu-Lio mowali wimu-wimumuto tutu todelomo batanganto.

1 YAHYA 4:12 ပူးပေါင်းရင်းမြစ်များ

ILOOWALI 32:30

Lapatao̒ ualei Yako, “Watia malo dunggaya baya wolo Allahu Taa̒ala, wau watia donggo tumu-tumulo.” Kalana uito iluntelio tambati boito Pniel.

PILOTIMUA̒TA 33:20

Baya-U̒ diila tapo bilohu-U̒ olemu, sababu diila pongalo aakali tau moo̒onto ola-U̒, wau debo tumu-tumulo.

YIA̒APO 12:8

Wau Wau̒ helo bisala wolio tataalua baya, wolo mopatato wau diila wolo tataapulawa. Tumbao̒ baya-U̒ maa iloontongalio! Yilongola timongoli buheli moluwali olei Musa, wato-U̒ boito?”

YAHYA 1:18

Diaaluo tapee̒enta mao̒ loo̒onto Allahu Taa̒ala, ngopohia Walao̒ tuwa-tuwaulo lo Allahu Taa̒ala, u tutuuwauwa wolo Allahu Taa̒ala wau mohulanga daa̒ wo-Lio. Tiolo talo poi̒laalo mai Allahu Taa̒ala to olanto.

1 KORINTUS 13:13

Oditolio, tosaaa̒ti botie woluo tolo sua̒li u debo musi pohutuwonto; palacaya, mohalapu wau mototoo-lia̒ngo. Ulebe polohuna daa̒ lou̒ toto-totolulo boito yito motolia̒ngo tau-tauwalo wewo.

1 TIMOTIUS 1:17

Allahu Taa̒ala, Olongia lo totoonulalo jamani, paatuti hurumatiolo wau pujiolo laito, sababu Tiolo tao̒ hiheo-hiheolo mao̒, tadiila oontonga wau tatuwa-tuwaulo! Amin.

1 TIMOTIUS 6:16

Tiolo wambao̒ tadiila mowali kawasaalio lo opopate; Tio tumutumulo todelomo tinelo udiila mowali tahudelo boli lo tatoonu. Diaaluo penu boli ngotaa mao̒ manusia tamaa pee̒enta loo̒onto o-Lio, meaalo mowali moo̒onto o-Lio. To o-Liolo hulumati wau kawasa u ohiheo-hiheolo mao̒! Amin.

IBRANI 11:27

Sababu o iimani, yi tei Musa lololaa mao̒ Masiri lou̒ diila lolaasa yiloohe to oyiyingo li olongia. Tei Musa lomaju lotidulunga ode patujulio debo odelo tio maloo̒onto Allahu Taa̒ala tadiila oontonga boito.

1 YAHYA 2:5

Bo taa u modungohe tahuda lo Allahu Taa̒ala, tau boito motolia̒ngo Allahu Taa̒ala lou̒ wimu-wimumuto tutu. Uitolo tuotio deu̒ ito tumutumulo motituwau wolo Allahu Taa̒ala.

1 YAHYA 3:24

Ngoa̒amila taa u modungohe totoonulalo palenta lo Allahu Taa̒ala, tumumulo motituwau wolo Allahu Taa̒ala, wau Allahu Taa̒ala motituwau woli mongolio. Wau otaawanto deu̒ Allahu Taa̒ala tumutumulo lotituwau wolanto, sababu Tio malongohi mai Rohu-Lio to olanto.

1 YAHYA 4:16

Ito lohihilao motota wau palacaya toponu lo Allahu Taa̒ala ode olanto. Allahu Taa̒ala boito ponu. Taa u tutumulio kiluwasa lo tolia̒ngo, tau boito lotituwau wolo Allahu Taa̒ala wau Allahu Taa̒ala lotituwau wolio.

1 YAHYA 4:20

Wonu ngotaalio moloi̒ya, “Watia motolia̒ngo Allahu Taa̒ala,” bo tio diila motolia̒ngo wutatio, tau boito mohimbuloa. Sababu taa udiila motolia̒ngo wutatio tailoo-ntongalio, diila pongalo aakali mowali motolia̒ngo Allahu Taa̒ala tadiila iloontongalio.

1 YAHYA 4:6

Bo ito yito mongo walao̒ Allahu Taa̒ala; wau taa u motota lo Allahu Taa̒ala, modungohe loi̒yanto. Taa u diila miliki lo Allahu Taa̒ala, diila modungohe loi̒yanto. Odieelo mola dudelolio ito motota mao̒ hiheedio towolota lo Rohu u mongohi pongaajali u otutu, wau rohu umopo lapalo.