1 YAHYA 4:1 - KITABI HABARI MOPIOHE

¹ Mongo wutato tao̒tolia̒ngo! Diila mao̒ palacayai to ngoa̒amila tau tahi pongakua o Rohullah, bo tesiyopo timongolio u motota mao̒ wolo Rohu uwoluo toli mongolio boito asaliilio mai lonto Allahu Taa̒ala meaalo diila. Sababu dadaata nabi paluti mabolo to utoonulalo.

1 YAHYA 4:1 ပူးပေါင်းရင်းမြစ်များ

BOHULO MONGO OLONGIA 13:18

Yi ti nabi panggola lonto Betel boito olo helo himbulo mao̒ to olio, lou̒ loloi̒ya, “Watia olo nabi odelo Ito. To palentai lo Allahu Taa̒ala olo malai̒kati ngota malo poa̒hu mai olaatia molutulao̒ wau mohinta Olanto tobele lowatia.”

POHUMAYA 14:15

Taa mohulodu yakini to motii̒du loi̒ya, taa molinepo mohutu mopoo̒daha-dahaalo mao̒.

YEREMIA 14:14

Bo Eeya lolametai, “Mongo nabi boito helodelo habari wimbulo to tanggulu-U̒; Wau̒ diila lolao olimongolio, wau diila olo longohi palenta meaambo helo tahuda ode limongolio. Ngoa̒amila bibilohu u yilungguli mongolio diila lonto ol-U̒; timongolio helo laamali susuu-aliyaalo diila ohuna u kilaangi limongolio lohihilao.

YEREMIA 23:16

Ode ulipu lo Yerusalemu, Eeya Taa Laba-labaalo kawasa lotahuda mai, “Diila mao̒ dungohi loi̒ya lomongo nabi talaito bo wambao̒ hipongohia halapani udiila ohuna. Timongolio bo hemopo tunggulo bayahu todelomo pikiilangi limongolio lohihilao wau diila tahulii-U̒.

YEREMIA 5:31

mongo nabi hipohimbuloa, mongo iimamu hipomayawa modudua̒ u otohilaa limongolio lohihilao wau timongoli umati-U̒ motohilaa lo sua̒li boito. Bo wolo u mapohutuo limongoli wonu meidungga mai dulahee pulitio?”

MARKUSI 13:21

Tou̒ boito wonu tahingota-ngotaawa moloi̒ya olimongoli, ‘Bilohi, Olongia Tamoo-poa̒ahua boito woluo teea!’ meaalo ‘Bilohi, Tio mota teto!’ – diila mao̒ palacayai tau boito.

LUKASI 12:57

“Yilongola timongoli diila molantu lohihilao wolo ubanali?

LUKASI 21:8

Ti Isa lotahuda mao̒, “Poo̒dahailo, diila bolo timongoli o aakalialio. Dadaata taa mamonao̒ mai lou̒ momake tanggulu-U̒, wau moloi̒ya, ‘Wau̒lo Tio!’ wau ‘Mawakutuulio.’ Bo timongoli diila mao̒ podudua̒ olimongolio.

WUNGGULI LOMONGO RASULU 17:11

Tau-tauwalo to Berea lebe lohuo̒ hilaa limongolio wolo tau-tauwalo to Tesalonika. Wolo sanangi lohilao timongolio helo dungohe habari pasali li Isa, wau timii̒du dulahu timongolio hemotulete Kitabi alihu motota mao̒ wolo u hepo ngaajali lei Paulus boito otutu.

WUNGGULI LOMONGO RASULU 20:29

Tou̒ tolaa mao̒ lowatia, tantulo mao̒ mamonao̒ mai sasaa-rigalaalo u mongantau tohuungi mongoli. Wau tau-tauwala tahedahaa limongoli boito mamowali mangusa lo sasaa-rigalaalo boito.

1 KORINTUS 12:10

To ngotaalio yilohia kawasa u mohutu moo̒linggolabe wau ode tawewo yilohi ponu u mopoo̒taa totoonulalo lanjana lo Allahu Taa̒ala. Ode tawewo poli Rohu boito yilohi mopomambo olio u mopo hihiihede toonu ponulo Rohullah wau toonu udiila. Woluo tailohia u mambo mobisala wolo bahasa hidala-dalaala u moo̒linggolabe, wau woluo olo tailohia u mambo motombango boliilo babaa-hasaawalo boito.

1 KORINTUS 14:29

Duulota meaalo toulota tao̒habari monto Allahu Taa̒ala mamusi mopo tunggulo habari boito tou̒ taawewo donggo hemo mikiilangi mola mopio-mopiohulo mao̒ u molanto wolo uiloi̒ya boito.

1 TESALONIKA 5:20

Diila mao̒ anggapua gambangi hahaa-baliyaalo uilohi mai lo Rohullah.

1 TESALONIKA 5:21

Totoonulalo u hitua-tuawua musi tesiyolo, wau umopiohe musi dudua̒lo.

2 TESALONIKA 2:2

Diila mao̒ polamemeto molingu meaalo balisa sababu woluolio habari deu̒ malei dungga dulahio lo Eeya Isa muli meidungga mai. Tanu habari boito asaliilio mai monto tuwaulio lo nubuwati, meaalo monto tuwaulio lo pongaajali, meaalo mowaliilio woluo tamoloi̒ya deu̒ amiaatia mapee̒enta lolulade u odito todelomo tala tuwau lotulade lamiaatia.

1 TIMOTIUS 4:1

Rohullah wolo pintalo lotahuda mai deu̒ to mamaa-sawaalo umamei dungga mai, ngotayadu tau mamolapi iimanilio, momaahe li Almasi. Timongolio mamo dungohe to roroo-huwaalo umopo lapalo wau modudua̒ popoo-ngajaliyalo lorohu u moleeto,

2 TIMOTIUS 3:13

Hiambola tau-tauwalo tahileeta wau tau-tauwalo tahipo himbuloa malebe moleetao̒. Timongolio mohimbulo totaa wewo lebe-lebe pomao̒ penu boli timongolio lohihilao ilowimbuloa olo.

2 PETRUS 2:1

Tou̒ yilalu mao̒ towolota umati lo Allahu Taa̒ala mailumeneto mongo nabi paluti. Odito olo to wolotamu malumenetai guguu-ruwaalo paluti. Timongolio mamopo tuwotai totoonulalo pongajali udiila otutu, umoo̒ binasa tau. Wau timongolio mamomaahu tao̒kawasa tamalo pobebasi olimongolio. Lou̒ odito timongolio mopodungga mai obobinasa tobatanga lohihilao, u mamodeehe olimongolio lou̒ molamemeto.

1 YAHYA 2:18

Mongo walau̒, pulito lojamani malembidei! Mapiloo̒taa olimongoli tou̒ dipolulio mai deu̒ Musu li Almasi mamei dungga mai; wau botia mailumeneto dadaata tau tahelo musu li Almasi. Uito tuotio deu̒ pulito lojamani malembidei.

1 YAHYA 2:7

Mongo wutato tao̒tolia̒ngo! U tiluladei laatia botie diila odelo palenta u bohu. Utie palenta deedelo umapilo tunggulai olimongoli anggadu timongoli tumulalo mai palacaya li Almasi; uitolo habari monto Allahu Taa̒ala umaa ilodungohe limongoli tou̒ dipolulio mai.

2 YAHYA 1:7

Dadaata tamoo-himbuloa malo loo̒opo ode ngoilanggubu dunia. Timongolio yito tau-tauwalo tadiila motolo akuo deu̒ ti Isa Almasi meidungga mai ode dunia odelo ngotaalio lomanusia. Taa udebo odelo uito yito tamoo-himbuloa, wau Musu li Almasi.

3 YAHYA 1:11

Wutato tao̒tolia̒ngo, diila mao̒ dudui̒ wolo u moleeto. Dudui̒ mao̒ wolo u mopiohe. Taa hipohutua umopiohe yito miliki lo Allahu Taa̒ala. Wau taa hipohutua u moleeto diipo motota lo Allahu Taa̒ala.

WAHI 2:2

Otaawa-U̒ wolo u hepohutuo limongoli: Timongoli hipo kalajawa tio̒otutua wau timongoli sabali daa̒. Otaawa-U̒ deu̒ timongoli diila mongohi hilao totaa moleeto. Wau tau-tauwalo tahi pongakua batangalio rasulu lebe-lebe pomao̒ diila, matilesi limongoli, wau lotapu limongoli deu̒ timongolio mohimbuloa.