1 YAHYA 3:9 - KITABI HABARI MOPIOHE

⁹ Taa u malowali Walao̒ Allahu Taa̒ala, diila mololaalaaita mohutu dusa, sababu pii̒li lo Allahu Taa̒ala lohihilao woluo to olio. Wau sababu Allahu Taa̒ala boito ti Paapalio, yi tio diila mowali mololaalaaita mohutu dusa.

1 YAHYA 3:9 ပူးပေါင်းရင်းမြစ်များ

AYUBA 19:28

‘Woloolo mola dudelolio ito modau̒wa olio?’ Timongoli hemo lolohe alaasani u mohutu palakala.

JABURU 119:3

Potisanangilo tutu taa u tumu-tumulo modudua̒ kahandaki lo Eeya, wau diila mohutu u moleeto.

IMAAMATI 11:37

Wonu pate boito modehu toitaato bili umapo mua̒yadeo̒, yi bili boito debo belesi.

MATIUSI 7:18

Bungo lo ayu u molomiodu diila moo̒wohi hungo u moleeto, wau bungo lo ayu udiila molomiodu diila moo̒wohi hungo u mopiohe.

YAHYA 1:13

tapilo tutulio mai diila lonto manusia, sababu tutumula bohu boito lonto Allahu Taa̒ala asaliilio.

YAHYA 3:3

Ti Isa lolametao̒, “Pomalacayalo, diaaluo penu boli ngotaa mao̒ tamowali pongawaa̒ umati lo Allahu Taa̒ala, wonu tio diila muli potutuolio mai.”

WUNGGULI LOMONGO RASULU 4:20

Sababu amiaatia diila mowali mohuheli mobisala tomimbihu wolo u mai̒loontonga wau ilodungohe lamiaatia lohihilao.”

ROMA 6:2

Tantu diila! Dusa diilalo okawasa to olanto, oditolio, diila pongalo aakali ito tumumulo mololaalaaita mohutu dusa?

GALATIA 5:17

Sababu u otohilaa lomanusia bubuu-lemenga lou̒ otohilaa lo Rohullah, wau u otohilaa lo Rohullah bubuu-lemenga lou̒ otohilaa lomanusia. Duduuluwolo tinggai bubuu-lemenga, tilinggula timongoli diila moo̒hutu wolo u otohilaa limongoli.

TITUSI 1:2

Pongaajali boito patopatoa̒ to halapani deu̒ ito mamololimo tutumulo u tutuulio tutu wau ohiheo-hiheolo mao̒. Allahu Taa̒ala malo danti mai tutumulo boito tou̒ diipo bohulo jamani – wau Allahu Taa̒ala diila pongalo aakali mohimbulo.

1 PETRUS 1:23

Sababu motimbulude totahuda lo Allahu Taa̒ala tatumu-tumulo wau ubakaa boito, timongoli mapilowali manusia bohu u diila pilotutu mai lomanusia, bo li Paapa tabakaa.

1 YAHYA 2:29

Mai̒lotaawa limongoli deu̒ ti Almasi tilumumulo lodudua̒ u otohilaa lo Allahu Taa̒ala. Sababu uito musi otaawa mao̒ limongoli olo deu̒ timii̒du tatumumulo moduduo̒ otohilaa lo Allahu Taa̒ala yito walao̒ Allahu Taa̒ala.

1 YAHYA 3:6

Ngoa̒amila tau tatumu-tumulo motituwau woli Almasi, diila mololaalaaita mohutu dusa. Taa u mohutu dusa mololaalaaita, diila pee̒enta mao̒ moo̒onto li Almasi meaalo mototaa-Lio.

1 YAHYA 4:7

Mongo wutato tao̒tolia̒ngo! Duloolo ito motolia̒nga ngota timongota, sababu tolia̒ngo asaliilio mai monto Allahu Taa̒ala. Taa u motolia̒ngo, deu̒ito-yito walao̒ Allahu Taa̒ala wau tio motota Allahu Taa̒ala.

1 YAHYA 5:1

Taa u palacaya deu̒ ti Isa yito Olongia Tamoo-poa̒ahua tapilo dantia mai lo Allahu Taa̒ala, tau boito walao̒ Allahu Taa̒ala. Taa u motolia̒ngo ngotaalio lotiyamo, motolia̒ngo walai̒o olo.

1 YAHYA 5:18

Otaawanto deu̒ ngoa̒amila tau tamalowali mongo walao̒ Allahu Taa̒ala, diila molo-laalaaita hipohutua dusa, sababu Walao̒ Allahu Taa̒ala moduo̒lai olio, wau Taa Moleeto diila mowali mohutu wolo-wolo to olio.

1 YAHYA 5:4

Sababu timii̒du walao̒ Allahu Taa̒ala mambo mopoo̒laahe dunia u moleeta botie. Wau ito mopoo̒laahe dunia wolo iimaninto.

3 YAHYA 1:11

Wutato tao̒tolia̒ngo, diila mao̒ dudui̒ wolo u moleeto. Dudui̒ mao̒ wolo u mopiohe. Taa hipohutua umopiohe yito miliki lo Allahu Taa̒ala. Wau taa hipohutua u moleeto diipo motota lo Allahu Taa̒ala.