1 YAHYA 3:8 - KITABI HABARI MOPIOHE

⁸ Bo taa u mohutu dusa mololaalaaita yito walao̒ Ibilisi, sababu Ibilisi odusa tumulalo mai bohulio. Masababu uitolo Walao̒ Allahu Taa̒ala meidungga, deu̒ito-yito mai mongantulu kalaja lo Ibilisi.

1 YAHYA 3:8 ပူးပေါင်းရင်းမြစ်များ

ILOOWALI 3:15

Yio̒ wau taabua boito mamo loloonua̒, waliilio mola wau waliimu mola mamo mumuusua laito. Waliilio mola mamopo toyopu lunggongumu, wau yio̒ mamo dengeta pai̒ limongolio.”

YESAYA 27:1

Tou̒ boito Eeya mamomake wamilo Eeya u motoheeto wau molalito u mohukuumani Lewiatani, tulidu u oo̒oyohe wau libu-libude boito, wau u momate mateelo mao̒ naha lodeheto.

YIA̒APO 21:9

Yi tei Musa malohutu mao̒ tulidu lonto tombaha wau ntilangio mola toitaato wolihi ngoputu. Timii̒du taa u tilopango tulidu, mowali moluli wonu momilohe tulidu tombaha boito.

MATIUSI 12:28

Bo Wau̒ mopohinggi rohu u moleeto wolo kawasa lo Rohullah. Wau uito boliilio deu̒ Allahu Taa̒ala malo lumulo lomalenta tohuungi mongoli.

MATIUSI 13:38

Halabolu boito yito dunia botie. Bili u mopiohu boito yito tau-tauwalo tamalowali umati lo Allahu Taa̒ala. Papaa-dengowalo boito yito tau-tauwalo tahelo tiwambao̒ to Ibilisi.

MATIUSI 4:3

Ibilisi lonao̒ mai ode o-Lio wau loloi̒ya mao̒, “Yio̒ botie Walao̒ Allahu Taa̒ala, diila odito? Nte ahuli mao̒ boboo-tuwaalo botie mowali roti.”

MARKUSI 1:24

“Wuu Isa, taulo Najaret, wolo umaa pohutuwo-Mu olami? Yio̒ mai mopobinasa olami? Otaawa lami tatoonu Yio̒: Yio̒olo tamantali lonto Allahu Taa̒ala!”

LUKASI 10:18

Ti Isa lolametao̒, “Wau̒ loo̒onto Ibilisi lodehu mai lonto hulungo odelo ilato.

YAHYA 12:31

Botia maa wakutuulio dunia butoo̒lo; botia takawa-kawasa todunia botie powulidulo.

YAHYA 16:11

wau deu̒ Allahu Taa̒ala malo lumula lohukuumani mai, sababu tahidihima kawasa lodunia botie mahilu-kuumani.

YAHYA 8:44

Ibilisi wambao̒ ti paapamu, wau timongoli mohuto modudua̒ u otohilaa lipaapamu. Tumulalo mai bohulio ibilisi boito moomatea mate-mateelo mao̒. Tio diila pee̒enta mao̒ motiwambao̒ ode u otutu, sababu diaaluo u otutu to olio. Wonu tio mohimbulo, uito mawaajibu, sababu mao̒dito pii̒liilio. Tio mohimbuloa wau bungo lou̒ totoonulalo yimbulo.

ROMA 16:20

Allahu Taa̒ala talongohi salaamati ode manusia, mahua̒a mopo tambati Ibilisi towalungo lo okokawasamu wau mopo aantulu mao̒. Pohileaala dua̒ Mongo wutato laito balakatia li Isa Almasi Eeyanto!

EPESUS 2:2

Tou̒ boito timongoli lodudua̒ wuwuu-uduwaalo dunia botie; boliilio mao̒ timongoli lodungohe takawa-kawasa tobangio daa̒, deu̒ito-yito rohu u botia motolo kawasa hilaa lotau-tauwalo tadiila modungohe to Allahu Taa̒ala.

KOLOSE 2:15

Tosalipu boito ti Almasi helohutu ngoa̒amila roroo-huwaalo u hemomalenta wau okawasa lowali diilalo okawasa. Timongolio pilowali hepo bibiilohe lotaa dadaata tou̒ ti Almasi lodelo olimongolio debo odelo tawalo todelomo nonao̒ lo polemboa̒ tutuuyuta lo ohahama-Lio.

1 TIMOTIUS 3:16

Diaaluo penu boli ngotaa mao̒ mowali momaahu, malo odito udaa̒alio hitua-tuawua u milakusudu hetuuo̒ lo agamaanto; Tio lopo bilohei batanga todelomo rupa lomanusia, wau piloi̒laalo otutu lo Rohullah, wau iloontonga lo mamaa-lai̒katiyalo. Habarilio pilopo toliyongo towolota lo babaa-ngusawalo, wau Tio pilalacaya to ngoilanggubu dunia wau bilinta-I̒o mola ode sologa.

IBRANI 2:14

Masababu tau-tauwalo walaa̒ boito, deu̒ito-yito mahaluku lomanusia tamowali mate, yi ti Isa lohihilao lowali tutuuwauwa woli mongolio wau tumutumulo todelomo owowoluwoa lomanusia. Tio lohutu odito, alihu wolo opopate-Lio Tio mowali mopoa̒ntulu Ibilisi u motolo kawasa to opopate.

IBRANI 9:26

Sababu wonu odito, uito boliilio mao̒ Tio malo wuwuulia lodutolo tumulalo mai dunia botie pilowali. Bo ilaalolio mao̒, masaatia tojamani pulitio botie, Tio dungga-dungga mai bo pee̒enta wambai̒o mai moluluta dusa wolo mopobake batanga-Lio lohihilao.

2 PETRUS 2:4

Mamaa-lai̒katiyalo tao̒dusa olo diila poluli lo Allahu Taa̒ala molopato monto hukumani, bo debo pomahu-Lio ode delomo naraka. Timongolio potuwoto-Lio ode delomo pangato u modio̒lomo u tahangia-Lio mola teto dilumutu Dulahe Pomutoa̒lo.

1 YAHYA 1:2

Tou̒ tutumulo boito piloi̒laalo mai, amiaatia loo̒onto mao̒. Uitolo sababuulio amiaatia mongohi mai ososakusi tomimbihu olio. Amiaatia mopohabari mai olimongoli pasali lo tutumulo u tutuulio tutu wau ohiheo-hiheolo mao̒, uwoluo pee̒-pee̒enta wolo Allahu Taa̒ala, wau u mapilo ilaalo mai olamiaatia.

1 YAHYA 3:10

Utieelo hiheedio towolota lomongo walao̒ Allahu Taa̒ala wolo mongo walao̒ Ibilisi; titaalo tita diila mohutu kahandaki lo Allahu Taa̒ala, meaalo diila motolia̒ngo wutatio, yi tio diila walao̒ Allahu Taa̒ala.

1 YAHYA 3:5

Otaawa limongoli deu̒ ti Almasi meidungga mai moluluta dusa lomanusia, wau deu̒ diaaluo dusa todelomo batanga-Lio.

1 YAHYA 5:19

Otaawanto deu̒ ito haku lo Allahu Taa̒ala, eleponu ngoilanggubu dunia botie to walungo kawasa lo Taa Moleeto.

YUDAS 1:6

Eelai mola olo mamaa-lai̒katiyalo tailimbata eenggade lo okokawasa limongolio, tilinggula lonao̒ lololaa mao̒ tambati pilo tibiluloa̒ limongolio. Allahu Taa̒ala lomungu mamaa-lai̒katiyalo boito wolo lante ubakaa, todelomo tambati u modio̒lomo to walungo huta. Mola teto timongolio tataahangi tulusi dilumutu hukuumani podehuwolo odeitaati mongolio de to Dulahe upolu-polutuo̒ boito.

WAHI 20:10

Lapatao̒ Ibilisi u mohimbulo olimongolio boito, pomahulo-Lio ode delomo auhu tulu wau walirangi. Teteetolo tambatilio lo binatangi wau nabi paluti boito pomahulolo meimulo. Timongolio masikisaa-Lio hui wau dulahu u ohiheo-hiheolo mao̒.

WAHI 20:15

Tau-tauwalo tadiila hitulade tanggulio todelomo Buku lo Taa Tumutumulo, pilomahulo ode delomo auhu lotulu.