1 YAHYA 3:7 - KITABI HABARI MOPIOHE

⁷ Mongo walau̒, diila mao̒ polulia penu boli tatoonu tamopo lapalo olimongoli. Taa u mohutu kahandaki lo Allahu Taa̒ala yito walao̒ Allahu Taa̒ala debo odelo ti Almasi yito Walao̒ Allahu Taa̒ala.

1 YAHYA 3:7 ပူးပေါင်းရင်းမြစ်များ

JABURU 106:3

Potisanangilo tutu taa u modungohe papaa-lentawalo Eeya, wau laito otutu todelomo huhutuulio.

JABURU 45:7

Allahu Taa̒ala mongohi mai kawasa olemu u momalenta, kawasaamu moo̒ taahangi u ohiheo-hiheolo mao̒; wolo aadili yio̒ momalenta ulipumu.

MATIUSI 5:20

Oditolio eelai mao̒: Timongoli diila pongalo aakali mowali umati lo Allahu Taa̒ala, wonu diila mongilabotao̒ guguu-ruwaalo agama wau tau-tauwalo Parisi todelomo sua̒li moponao̒ kahandaki lo Allahu Taa̒ala!”

LUKASI 1:75

laito taa̒luku wau hulumati o-Lio wau moposanangi hilaa-Lio ngotupa lo tutumulunto.

WUNGGULI LOMONGO RASULU 10:35

Taa u moohe to Allahu Taa̒ala wau mohutu u otutu, tau boito tolimoo lo Allahu Taa̒ala, diila paduli tio monto bangusa wolo.

ROMA 2:13

Sababu taamuli mopiiohe wolo Allahu Taa̒ala, diila bo sababu tau boito malotota butoo̒ agama lo Yahudi, bo sababu tio helohutu wolo uwoluo todelomo butoo̒ boito.

1 KORINTUS 6:9

Wolo diila otaawa limongoli deu̒ tau-tauwalo tadiila hipodudua̒ u otohilaa lo Allahu Taa̒ala diila tamowali pongawaa̒ umati lo Allahu Taa̒ala? Diila bolo oimbuloalio! Tau-tauwalo tahi pohutua huloto, tau-tauwalo tahi poluboa balaahala, tahi pojinawa, mongolo lai hisuntalia tahi pohutua huhutu umoo̒olito ode timongota pangelio,

EPESUS 5:6

Diila mao̒ timongoli o aakalia lo loloo-iyaalo utoongi. Sababu susuu-aliyaalo botieelo u mopotoodei muluka lo Allahu Taa̒ala totau-tauwalo tadiila hidungohe o-Lio.

EPESUS 5:9

Sababu monto mobaango boitolo mobutu mai totoonulalo huhutu umopiohe hidala-dalaala, aadili wau tuulusi to bibilohu Allahu Taa̒ala.

PILIPI 1:11

Tutumuli mongoli mamolepata wolo huhutu u otu-otutuulo mao̒ mopiohe u bo mowali pohutuo mao̒ otilapulo li Isa Almasi lohihilao; yi Allahu Taa̒ala mapolaio̒lo wau piluji boli puji.

IBRANI 1:8

Bo to Walao̒ boito, Allahu Taa̒ala lotahuda mao̒, “Bele biluloa̒a-Mu, oo Allahu Taa̒ala, mabakaa ohiheo-hiheolo mao̒! Pamalenta-Mu yito pamalenta u aadili.

IBRANI 7:2

Yi tei Abraham longohi mao̒ olei Melkisedek ngotayade mopulu lou̒ totoonulalo wolo uilambatio mai. (Tanggulei Melkisedek boliilio mao̒, bohu-bohulio, “Olongia Ua̒adili”; wau sababu tio olongia lonto Salem yi tanggulio boliilio mao̒ olo “Olongia Salaamati.”)

YAKOBUS 1:22

Mamusi timongoli mohutu mao̒ wolo upilo tahuda mai lo Allahu Taa̒ala, diila bo modungohe wambai̒o, tilinggula lou̒ odito timongoli mohimbulo batanga lohihilao.

YAKOBUS 2:19

Timongoli palacaya deu̒ Allahu Taa̒ala bo tuwau, diila odito? Naa, roroo-huwaalo u moleeto olo palacaya wau timongolio hulu-huluhelio lou̒ moohe!

1 PETRUS 2:24

Ti Almasi lohihilao talomanta totoonulalo dusaanto tobatanga-Lio toitaato ayu salipu, alihu ito molopato monto okokawasa lodusa, wau tumumulo modudua̒ u otohilaa lo Allahu Taa̒ala. Papaa-liyaalo li Almasi boitolo u lopoo̒luli olimongoli.

1 YAHYA 2:1

Mongo walau̒! Watia moluladei utie ode limongoli alihu timongoli diila mao̒ mohutu dusa. Bo wonu woluo tamohutu dusa, yi ito o ngotaalio tamo poduulua, deu̒ito-yito ti Isa Almasi taa̒adili boito; Tio mamo molohone mola olanto totalu lo Allahu Taa̒ala.

1 YAHYA 2:26

Tiluladei laatia utie olimongoli tomimbihu tau-tauwalo tadonggo hipo tolopania mohimbulo olimongoli.

1 YAHYA 2:29

Mai̒lotaawa limongoli deu̒ ti Almasi tilumumulo lodudua̒ u otohilaa lo Allahu Taa̒ala. Sababu uito musi otaawa mao̒ limongoli olo deu̒ timii̒du tatumumulo moduduo̒ otohilaa lo Allahu Taa̒ala yito walao̒ Allahu Taa̒ala.

1 YAHYA 3:18

Mongo walau̒! Ito diila mao̒ potolia̒ngo bo totunggilo meaalo bo toloi̒ya wambao̒. Mamusi ito motolia̒ngo wolo tolia̒ngo u tutuulio tutu, u pobukutiolo wolo huhutuunto.

1 YAHYA 3:3

Ngoa̒amila tau u ohalapani utie toli Almasi, modaha batangalio alihu otu-otutuulo mao̒ mantali, belesi monto dusa odelo woloolo mola ti Almasi mantali olo.

1 YAHYA 4:17

Ponu pilowali-Lio mai wimu-wimumuto tutu todelomo batanganto, alihu woluo buhelinto to Dulahe Pomutoa̒alo. Woluo buhelinto, sababu tutumulonto todunia botie tutuuwauwa debo odelo tutumuli Almasi.