1 YAHYA 3:6 - KITABI HABARI MOPIOHE

⁶ Ngoa̒amila tau tatumu-tumulo motituwau woli Almasi, diila mololaalaaita mohutu dusa. Taa u mohutu dusa mololaalaaita, diila pee̒enta mao̒ moo̒onto li Almasi meaalo mototaa-Lio.

1 YAHYA 3:6 ပူးပေါင်းရင်းမြစ်များ

2 KORINTUS 3:18

Masaatia bayanto ngoa̒amila diila tilau̒be lo beleu̒to, wau ito mopo bulilangao̒ otinelo mobaango tutu li Isa Eeya. Wau masababu uito ito mololaalaaita bolio̒lo mowali debo odelo Tio; lebe hihiiheo mao̒ ito mowali helebe motinelo mobaango tutu. Otinelo mobaango tutu boito monto Rohu, wau Rohu boito yito Eeya.

2 KORINTUS 4:6

Allahu Taa̒ala talo tahuda, “Mamusi monto delomo dio̒lomo mobutu mai tilango,” Allahu Taa̒ala boitolo olo tamo pobutu mai tilango boito todelomo hilaanto, alihu pikiilanginto, mowali mobaangai u momaahamu otinelo mobaango tutu lo Allahu Taa̒ala u tinetinelo tobaya li Almasi.

1 YAHYA 2:28

Oditolio, mongo walau̒, poti tatapulo tumumulo motituwau woli Almasi, alihu de tou̒ Tio meidungga mai, ito motaalua wo-Lio wolo obobuheli u lealeaatu, wau diila motituuo̒ sababu moolito.

1 YAHYA 2:3

Wonu ito modungohe papaa-lentawalo Allahu Taa̒ala, uito tuotio deu̒ ito motota lo Allahu Taa̒ala.

1 YAHYA 2:4

Taa umoloi̒ya deu̒, “Watia motota lo Allahu Taa̒ala,” bo diila modungohe to papaa-lentaa-Lio, tau boito mohimbuloa, wau Allahu Taa̒ala diaaluo todelomo hilaalio.

1 YAHYA 3:2

Mongo wutato tao̒tolia̒ngo! Ito botia yito mongo walao̒ Allahu Taa̒ala, bo owowoluwonto de diipo mopatato. Bo otaawanto deu̒ wonu ti Almasi meidungga mai, ito mamowali debo odelo Tio, sababu mamoo̒onto o-Lio todelomo owowoluwoa-Lio u otutuulio mao̒.

1 YAHYA 3:9

Taa u malowali Walao̒ Allahu Taa̒ala, diila mololaalaaita mohutu dusa, sababu pii̒li lo Allahu Taa̒ala lohihilao woluo to olio. Wau sababu Allahu Taa̒ala boito ti Paapalio, yi tio diila mowali mololaalaaita mohutu dusa.

1 YAHYA 4:8

Taa u diila motolia̒ngo, diila motota lo Allahu Taa̒ala; sababu Allahu Taa̒ala yito ponu.

1 YAHYA 5:18

Otaawanto deu̒ ngoa̒amila tau tamalowali mongo walao̒ Allahu Taa̒ala, diila molo-laalaaita hipohutua dusa, sababu Walao̒ Allahu Taa̒ala moduo̒lai olio, wau Taa Moleeto diila mowali mohutu wolo-wolo to olio.

3 YAHYA 1:11

Wutato tao̒tolia̒ngo, diila mao̒ dudui̒ wolo u moleeto. Dudui̒ mao̒ wolo u mopiohe. Taa hipohutua umopiohe yito miliki lo Allahu Taa̒ala. Wau taa hipohutua u moleeto diipo motota lo Allahu Taa̒ala.