1 YAHYA 3:5 - KITABI HABARI MOPIOHE

⁵ Otaawa limongoli deu̒ ti Almasi meidungga mai moluluta dusa lomanusia, wau deu̒ diaaluo dusa todelomo batanga-Lio.

1 YAHYA 3:5 ပူးပေါင်းရင်းမြစ်များ

HOSEA 14:2

Muli pohualingolo ode Eeya Allahu Taa̒alaamu, wuu bangusa lo Isirai̒lu! Dusamu maa loo̒sababu olimongoli leihuluto wau lodehu.

MATIUSI 1:21

Ti Maria mamotutu mai talolai̒ kikiia̒ ngota. Talolai̒ boito musi unteemu mao̒ Isa, sababu Tio mamopoa̒ahu umati-Lio monto duduu-sawaalo limongolio.”

LUKASI 23:41

Bo hukuu-maninto duulota memangi malo tuuu̒de wolo huhutuunto. Bo Tio sama-samaata diila ototala!”

LUKASI 23:47

Tou̒ polowila lo pasukani loo̒onto wolo u mailowali, tio malomuji Allahu Taa̒ala. Tulusi tio loloi̒ya, “Otutu Tio diila ototala!”

YAHYA 1:29

Loloombulio mola, tei Yahya loo̒onto li Isa lonao̒ mai ode olio. Tulusi tei Yahya loloi̒ya mao̒, “Bilohi, boi-boitolo Walao̒ Himba lo Allahu Taa̒ala tamo luluto dusa lodunia.

YAHYA 1:31

Tou̒ dipolulio mai, diila otaawa laatia tatoonu Tio boito. Lebe-lebe pomao̒ watia lonao̒ mai mopolihu wolo taluhu alihu bangusa lo Isirai̒lu moo̒onuheo̒ o-Lio.”

YAHYA 14:30

Wau̒ diilalo mobisala mai lebe dadaata mao̒ toli mongoli, sababu mawakutuulio tahidihima kawasa lodunia botie mamonao̒ mai. Bo tio diila okawasa to batanga-U̒.

YAHYA 8:46

Tatoonu towolota limongoli mowali mongohi bukuti deu̒ Wau̒ odusa? Wonu Wau̒ motahuda mai u otutu, yilongola timongoli diila palacaya ola-U̒?

2 KORINTUS 5:21

Ti Almasi diila odusa, bo Allahu Taa̒ala lohutu mai o-Lio lomanta dusanto, alihu ito muli mopiiohe wolo Allahu Taa̒ala sababu lotituwau woli Almasi.

1 TIMOTIUS 1:15

Otutu banari loi̒ya botie – sababu uito paatuti tolimoolo wau palacayalo tio̒otutua –: “Ti Isa Almasi leidungga mai ode dunia botie u lopoa̒ahu taa odusa.” Wau watiaalo taa odusa wau tamoleeta daa̒.

1 TIMOTIUS 3:16

Diaaluo penu boli ngotaa mao̒ mowali momaahu, malo odito udaa̒alio hitua-tuawua u milakusudu hetuuo̒ lo agamaanto; Tio lopo bilohei batanga todelomo rupa lomanusia, wau piloi̒laalo otutu lo Rohullah, wau iloontonga lo mamaa-lai̒katiyalo. Habarilio pilopo toliyongo towolota lo babaa-ngusawalo, wau Tio pilalacaya to ngoilanggubu dunia wau bilinta-I̒o mola ode sologa.

TITUSI 2:14

Tio malo pobake batanga-Lio olanto u lolopato olanto lonto totoonulalo u hileeta, wau lopowali olanto umati tuwau talo lopato lonto dusa wau talowali miliki-Lio wambao̒, wau tamoo̒lohu mohutu u mopiohe.

IBRANI 1:3

Tiolo tamopo tinelai odudaa̒ lo Allahu Taa̒ala ulaba-labaalo mobaango; Tiolo gambali u moilaalo monto batanga lo Allahu Taa̒ala lohihilao. Tiolo olo tamolaalai otuwau lo ngoilanggubu aalamu botie wolo kawasa lotahuda-Lio ulaba-labaalo okawasa. Lapatao̒ Tio mopoluasi manusia taa u lopatolo monto duduu-sawaalo limongolio, Tio mamo tihuloa̒ tobele biluloa̒ lo pamalenta to sologa pee̒-pee̒enta wolo Allahu Taa̒ala, Tamongawasa ulaba-labaalo malaio̒.

IBRANI 4:15

Ti Iimamu Daa̒anto boito diila iimamu tadiila moo̒ dudua̒ molaasa mao̒ totoonulalo oluluu-puhunto. Bolii̒o mao̒, Tio maili montala todelomo totoonulalo sua̒li, tutuuwauwa debo odelo ito lohihilao; bo Tio diila helohutu dusa!

IBRANI 7:26

Oditolio, ti Isa boitolo ti Iimamu Daa̒ tapalaa-luwonto. Tio mantali, to o-Lio diila odungga totala meaalo penu boli dusa wolo. Tio pilohalahu lonto tahi oduusawa, wau pilobotulo demola tambati ulebe molanggato wolo ngoa̒amilalo hulungo.

IBRANI 9:26

Sababu wonu odito, uito boliilio mao̒ Tio malo wuwuulia lodutolo tumulalo mai dunia botie pilowali. Bo ilaalolio mao̒, masaatia tojamani pulitio botie, Tio dungga-dungga mai bo pee̒enta wambai̒o mai moluluta dusa wolo mopobake batanga-Lio lohihilao.

IBRANI 9:28

Odito olo ti Almasi bo pee̒enta wamabao̒ pilodewo odelo bake u moluluta dusa lotaa dadaata. Tio mamuli meidungga mai tou̒ oluolio, diila mai mopoo̒ lapato pasali lodusa, bo mai mopoa̒ahu totau-tauwalo tahi pohimawa podungga-Lio mai.

1 PETRUS 1:18

Otaawa limongoli wolo umapilo mayali u lopo lopato olimongoli lonto tutumulo udiila ohuna upilo walisi mai linene moyamu. Bayaliilio diila hitua-tuwaua umowali moluusa debo odelo talaa̒ meaalo hulawa,

1 PETRUS 1:20

Ti Almasi tilulaoto Allahu Taa̒ala tou̒ dunia botie diipo pilowali mai. Wau to duduu-laheyaalo meidungga mai pulito lojamani botie, Tio meidungga mai ode dunia alihu timongoli poa̒ahuwolo.

1 PETRUS 2:22

Tio diila pee̒enta mao̒ helohutu dusa, wau diila pee̒enta mao̒ olo penu boli ngotaa loo̒dungohe o-Lio helo himbulo.

1 PETRUS 2:24

Ti Almasi lohihilao talomanta totoonulalo dusaanto tobatanga-Lio toitaato ayu salipu, alihu ito molopato monto okokawasa lodusa, wau tumumulo modudua̒ u otohilaa lo Allahu Taa̒ala. Papaa-liyaalo li Almasi boitolo u lopoo̒luli olimongoli.

1 PETRUS 3:18

Sababu ti Almasi lohihilao yilate bo pee̒enta wambao̒, u ohiheo-hiheolo mao̒ sababu dusa lomanusia – ngotaalio tadiila ototala, yilate ode taa ototala. Ti Almasi lohutu uito alihu Tio mowali modelo olimongoli ode Allahu Taa̒ala. Tio pilatelio yila-yilateelo mao̒ delo pohuli lobatanga, bo luli pilotumulai delo pohuli lo rohu.

1 YAHYA 1:2

Tou̒ tutumulo boito piloi̒laalo mai, amiaatia loo̒onto mao̒. Uitolo sababuulio amiaatia mongohi mai ososakusi tomimbihu olio. Amiaatia mopohabari mai olimongoli pasali lo tutumulo u tutuulio tutu wau ohiheo-hiheolo mao̒, uwoluo pee̒-pee̒enta wolo Allahu Taa̒ala, wau u mapilo ilaalo mai olamiaatia.

1 YAHYA 1:7

Bo wonu ito tumutumulo todelomo mobaango odelo woloolo mola Allahu Taa̒ala woluo todelomo mobaango, yi ito tumutumulo moa̒aita tutu, mopiohe wau dame ngota timongota, wau duhu li Isa, Wala-I̒o, mopobelesi olanto monto ngoa̒amila dusa.

1 YAHYA 2:1

Mongo walau̒! Watia moluladei utie ode limongoli alihu timongoli diila mao̒ mohutu dusa. Bo wonu woluo tamohutu dusa, yi ito o ngotaalio tamo poduulua, deu̒ito-yito ti Isa Almasi taa̒adili boito; Tio mamo molohone mola olanto totalu lo Allahu Taa̒ala.

1 YAHYA 2:2

Lou̒ motimbulude li Isa Almasi boitolo duduu-saanto ilambungu-Lio. Wau diila bo duduu-saanto wambao̒, tumbao̒ dusa ngoilanggubu umati lomanusia olo.

1 YAHYA 2:29

Mai̒lotaawa limongoli deu̒ ti Almasi tilumumulo lodudua̒ u otohilaa lo Allahu Taa̒ala. Sababu uito musi otaawa mao̒ limongoli olo deu̒ timii̒du tatumumulo moduduo̒ otohilaa lo Allahu Taa̒ala yito walao̒ Allahu Taa̒ala.

1 YAHYA 3:8

Bo taa u mohutu dusa mololaalaaita yito walao̒ Ibilisi, sababu Ibilisi odusa tumulalo mai bohulio. Masababu uitolo Walao̒ Allahu Taa̒ala meidungga, deu̒ito-yito mai mongantulu kalaja lo Ibilisi.

WAHI 1:5

wau monto li Isa Almasi sakusi taa tatapu wau molotolo hilao. Tiolo tabohu-bohulio muli pilotumulai monto opopate wau Tio olo tao̒kawasa tomongo olongia lodunia. Ti Isa momonu olanto, wau wolo opopate-Lio Tio lopo lopato olanto lonto duduusaanto,