1 YAHYA 3:4 - KITABI HABARI MOPIOHE

⁴ Taa u mohutu dusa, molambanga butoo̒ Allahu Taa̒ala; sababu dusa yito totala tobutoo̒ Allahu Taa̒ala.

1 YAHYA 3:4 ပူးပေါင်းရင်းမြစ်များ

BOHULO MONGO OLONGIA 8:47

pohileaala dua̒ Eeya modungohe dua̒ limongolio. Wonu bolo tolipu boito timongolio mololaa mao̒ duduu-sawaalo limongolio, wau modua̒ mola ode Eeya sambela motolongaku mao̒ deu̒ timongolio mailodusa wau helohutu u moleeto, ambunguolo dungohilo mai dua̒ limongolio, yaa Eeya.

BOHULO TAWARI 10:13

Tei Saul yilate sababu tio diila tatapu wau molotolo hilao to Eeya, wau diila lodungohe totoonulalo palentaa-Lio. Tio diila helohile potuhata lonto Eeya, bo lonto roroo-huwaalo lotaa mailate. Sababu uito Eeya lohukuumani mai olio wau lohudu yilaidialio odelei Dauda walae̒e Isai.

OLUO TAWARI 24:20

Lapatao̒ Rohullah longaawasa mai olei Jakaria walai̒ Iimamu Yoyada. Tei Jakaria helo tibiloheo̒ totalu lo ulipu, tulusi longiibode, “Eeya Allahu Taa̒ala lotahuda mai, ‘Yilongola timongoli diila helo dungohe totoonulalo palentaa-U̒ bo heloo̒ topotala batangamu lohihilao. Timongoli diila helo mandungi ola-U̒, yi timongoli olo diila pandungoyo-U̒ mai!’ ”

YESAYA 53:8

Tio tilaahangiao wau ilaadili, lapatao̒ dilelo wau hilukuu-manilio mate. Diaaluo tamaa pandungi to paladio; tio yilate sababu dusa lo bangusaanto.

DANIALI 9:11

Ngoilanggubu Isirai̒lu malo lambanga bubuu too̒waalo Eeya wau diila lohuto helo dungohe suala lo Eeya. Mongowatotia mai̒lodusa to Eeya, wau sababu uito pilopo dungga mai lo Eeya ode mongowatotia laa̒anati u malei tuladee todelomo Buku lei Musa, wato lo Eeya.

YIA̒APO 15:31

sababu tio moluwali to Eeya wau wolo sangaja molambanga palenta lo Eeya. Tau boito mate sababu totalaalio lohihilao.

MATIUSI 5:19

Masababu uito, titaalo tita tamo lambanga tala tuwau lo papaa-lentaalo boito, penu boli pulito ukikiio̒ wau mongaajali mao̒ taawewo mohutu olo u odito, mamowali tapulito ukikiio̒ towolota umati lo Allahu Taa̒ala. Bolii̒o mao̒, titaalo tita tamoponao̒ papaa-lentaalo boito wau mongaajali taawewo mohutu u odito olo, mamowali udaa̒ towolota umati lo Allahu Taa̒ala.

WUNGGULI LOMONGO RASULU 23:3

Yi tei Paulus loloi̒ya mao̒ odeli iimamu daa̒ boito, “Allahu Taa̒ala tantuulo mamo lambali mai olemu taa munapiki tadiila tio̒otutua mantali! Ito lotihuloa̒a teto lomutoa̒ olaatia lodudua̒ butoe̒e Musa, lebe-lebe pomao̒ Ito lohihilao malo lambanga butoo̒ boito lou̒ lopoa̒hu tau lolambali olaatia!”

ROMA 3:20

Sababu diaaluo penu boli ngotaa mao̒ mowali mopiiohe wolo Allahu Taa̒ala masababu tau boito helohutu susuu-aliyaalo uwoluo todelomo butoo̒ lo agama. Bolii̒o mao̒ butoo̒ boito bo mopobilohei tomanusia deu̒ manusia odusa.

ROMA 4:15

Butoo̒ agama lo Yahudi mopodungga mai hukuumani lo Allahu Taa̒ala. Bo wonu butoo̒ diaaluo, yi totala olo diaaluo.

2 KORINTUS 12:21

Watia moohe diila bolo tou̒ watia de monao̒ mai Allahu Taa̒ala mamopo dupapa olaatia totalu limongoli wau watia mahumoyongo sababu dadaata towolota limongoli tao̒dusa muloololio mai, diila helo bolio̒ wau diila lohuheli hemohutu totoonulalo huhutu limongolio u huloto, kootolo wau diila paatuti.

YAKOBUS 5:15

Wonu dua̒ limongolio potunggulo wolo yakini, Eeya mamo poo̒luli mai tamo ngongoto boito, wau mongambungu duduu-sawaalo u mapilo hutulio.

1 YAHYA 5:17

Ngoa̒amila huhutu u talatala yito dusa, bo woluo dusa udiila moo̒sababu tau oolia lo tutumulo u tutuulio tutu wau ohiheo-hiheolo mao̒ boito.

BOHULO SEMUEL 15:24

Loo̒dungohe uito tei Saul longaku to olei Semuel, ualio mao̒, “Memangi watia mailodusa. Watia helo lambanga palenta lo Eeya wau lomalonga potuhata li Paaa̒. Watia moohe to tahidudua̒ olaatia lapatao̒ tilolimo lowatia hihiile limongolio.