1 YAHYA 3:3 - KITABI HABARI MOPIOHE

³ Ngoa̒amila tau u ohalapani utie toli Almasi, modaha batangalio alihu otu-otutuulo mao̒ mantali, belesi monto dusa odelo woloolo mola ti Almasi mantali olo.

1 YAHYA 3:3 ပူးပေါင်းရင်းမြစ်များ

OLUO LO SAMUEL 22:27

To taa umantali pilopo bilohei lo Eeya batanga lo Eeya umantali, bo taa u moleeto milusua lo Eeya.

MATIUSI 5:48

Allahu Taa̒ala limongoli tosologa momonu mai ngoa̒amila tau wolo wimu-wimumuto ngoa̒milalo. Timongoli olo musi odito.”

LUKASI 6:36

Mamusi timongoli odehu hilao debo odelo ti Paapamu olo odehu hilao!”

YAHYA 17:19

U polohuna daa̒ olimongolio, Watia mohudu mola batanga odelo tolomudu miliki li Paapa, alihu timongolio olo mowali tolomodu miliki li Paapa moli obobanali.

WUNGGULI LOMONGO RASULU 15:9

Allahu Taa̒ala diila lopo hihiihede olanto woli mongolio. Allahu Taa̒ala lopo mantali hilaa limongolio sababu timongolio palacaya.

ROMA 15:12

Wau utie olo uiloi̒ya lei Yesaya, “Monto waliilio lei Isai malumenetai tahingota-ngotaawa tamaa momalenta babaa-ngusawalo; to o-Liolo babaa-ngusawalo boito mamo tiwunelo.”

2 KORINTUS 7:1

Mongo wutato tao̒tolia̒ngo! Ngoa̒amila danti boito pilodulungo ode olanto. Masababu uito wajibulio ito mopo belesi batanga monto totoonulalo umoo̒ kootolo jiwa wau batanganto. Mamusi ito mohe to Allahu Taa̒ala, alihu ito mowali tumumulo tolomodu ode o-Lio lou̒ molimomoto ngoa̒amilalo.

KOLOSE 1:5

Timongoli palacaya wau timongoli motolia̒ngo, sababu timongoli hemo tiwunela tou̒ wolo umaa podapato lo Allahu Taa̒ala tosologa olimongoli. Timongoli maloo̒ dungohu pasali losua̒li boito, tou̒ Habari Mopiohe u otutu pilo tunggulai ode limongoli.

2 TESALONIKA 2:16

Pohileaala dua̒ Eeyanto Isa Almasi lohihilao, wau Allahu Taa̒ala ti Paapanto moliyango wau mopoo̒ lotolo hilaa limongoli, alihu timongoli mowali mokalaja wau mopohabari wolo u mopiohe. Sababu Allahu Taa̒ala momonu olanto, wau sababu opopiohu hilaa-Lio Tio mohutu mai olanto tatapu wau molotolo hilao, wau mohalapu u mopiohe.

TITUSI 3:7

alihu wolo odehu hilaa li Isa, ito muli mopiiohe wolo Allahu Taa̒ala wau ito moo̒toduo mai tutumulo u tutuulio tutu wau ohiheo-hiheolo mao̒ u hehala-halapuwonto.

IBRANI 12:14

Potolo panilo u tumumulo lou̒ mopiohe wau dame wolo taa ngoa̒amila. Potolo panilo olo u tumumulo mantali, tolomodu ode Eeya. Sababu diaaluo penu boli ngotaa mao̒ mowali moo̒onto Eeya wonu tio diila tumumulo debo odelo uito.

IBRANI 6:18

Dulo sua̒li boito diila mowali mobolio̒: Allahu Taa̒ala diila pongalo aakali mohimbulo tomimbihu danti wau tadia-Lio. Sababu uito, ito tamaa lotiduo̒la to Allahu Taa̒ala, yiluntula-Lio daa̒ u motidihu tio̒otutua to halapani ubua̒-bua̒adu to talunto.

IBRANI 7:26

Oditolio, ti Isa boitolo ti Iimamu Daa̒ tapalaa-luwonto. Tio mantali, to o-Lio diila odungga totala meaalo penu boli dusa wolo. Tio pilohalahu lonto tahi oduusawa, wau pilobotulo demola tambati ulebe molanggato wolo ngoa̒amilalo hulungo.

YAKOBUS 4:8

Tahudeelo Allahu Taa̒ala, wau Allahu Taa̒ala olo mamo tahudei olimongoli. Pobelesia mao̒ uluu̒mu, timongoli taa odusa! Powolanga mola hilaamu, timongoli u tango-tango lohilao.

1 PETRUS 1:15

Bolii̒o mao̒, mamusi timongoli mantali todelomo totoonulalo hitua-tuawua u pohutuo limongoli, tutuuwauwa debo odelo Allahu Taa̒ala tamalo tianga olimongoli boito mantali.

1 PETRUS 1:3

Duloolo ito mosukuru mola ode Allahu Taa̒ala, ti Paapa Eeyanto Isa Almasi! Malo odito ponu-Lio olanto, uito sababuulio Tio longohi mai olanto tutumulo bohu, lou̒ luli lopotumulai li Isa Almasi lonto opopate. Utie mongohi mai olanto halapani u motoheeto.

2 PETRUS 1:4

Wolo dudelo boitolo Allahu Taa̒ala longohi mai olanto babaa-lakatiyalo upolu-polutuo̒ daa̒ wau ohalaga umapilo danti-Lio mai. Wolo babaa-lakatiyalo boito timongoli mowali molopato monto totoonulalo ilohilaa moleeto moporuusa todunia botie, wau timongoli mololimo pii̒li u ilahi.

2 PETRUS 3:14

Sababu uito, Mongo wutato tao̒tolia̒ngo, tou̒ timongoli donggo hemohima Dulahe boito, potolo panilo tio̒otutua u tumumulo mantali wau diila oa̒aibu totalu lo Allahu Taa̒ala. Wau taalai mao̒ wumbuta u mopiohe wolo Allahu Taa̒ala.

1 YAHYA 2:6

Titaalo tita moloi̒ya deu̒ tio tumutumulo motituwau wolo Allahu Taa̒ala, tio musi tumumulo modudua̒ liyodu li Almasi.

1 YAHYA 4:17

Ponu pilowali-Lio mai wimu-wimumuto tutu todelomo batanganto, alihu woluo buhelinto to Dulahe Pomutoa̒alo. Woluo buhelinto, sababu tutumulonto todunia botie tutuuwauwa debo odelo tutumuli Almasi.