1 YAHYA 3:2 - KITABI HABARI MOPIOHE

² Mongo wutato tao̒tolia̒ngo! Ito botia yito mongo walao̒ Allahu Taa̒ala, bo owowoluwonto de diipo mopatato. Bo otaawanto deu̒ wonu ti Almasi meidungga mai, ito mamowali debo odelo Tio, sababu mamoo̒onto o-Lio todelomo owowoluwoa-Lio u otutuulio mao̒.

1 YAHYA 3:2 ပူးပေါင်းရင်းမြစ်များ

AYUBA 19:26

Eleponu alipuu̒ hipali-palia wau lopota, bo ngotilonggadu wau̒ obatanga, wau̒ mamo milohe Allahu Taa̒ala.

JABURU 16:11

Pobilohe mai lo Eeya olo watotia dalalo dulu-dulunga ode tutumulo; to Eeya watotia heloo̒tapu wengahu daato-daatalo mao̒ wau osanangi tutu u ohiheo-hiheolo mao̒.

JABURU 17:15

Bo watotia mamoo̒onto to Eeya sababu watotia diila ototala. Tou̒ watotia lobongu mai, owoluwoa lo Eeya helohutu hilaa lo watotia leengahu.

JABURU 31:19

Pambolilo ngango lo tahi pohimbuloa u wolo batingga hemo henteo̒ taa juujulu.

YESAYA 56:5

yi tanggulumu mae̒elaalo todelomo Bele-U̒ wau towolota lo bangusaa-U̒. Uito lebe mopiohu lou̒ omongo walao̒ talolai̒ wau taabua. Timongoli wohiya-U̒ mai tanggulo ohiheo-hiheolo mao̒ u diila tao̒lipata.”

MALEAKHI 3:2

Bo tatoonu tamoo̒ taahangi todulahu Eeya dungga-dungga mai wau mopobilohe batanga-Lio? Sababu Tio debo odelo tulu lopani tamoo-powolangoa logamu, wau debo odelo sabongi lo tamoo-muboa̒wa.

MATIUSI 5:8

Potisanangilo tutu taa mantali hilaalio; Timongolio mamoo̒onuhe Allahu Taa̒ala.

LUKASI 17:30

Odieelo mola owowoluwoalio de todulahee lo Walao̒ Manusia poi̒laalolio mai.

LUKASI 20:36

Owowoluwoa limongolio debo odelo malai̒kati, wau diila mowali mate. Timongolio yito mongo walao̒ Allahu Taa̒ala, sababu timongolio maluli bilongulio mai lonto opopate.

YAHYA 1:12

Penu boli odito debo woluo olo talo lolimo o-Lio wau palacaya o-Lio: timongolio yilohia-Lio haku lowali Walao̒ Allahu Taa̒ala,

YAHYA 11:52

Wau diila bo ode bangusa lo Yahudi wambao̒, bo olo u mongambu wau mopotuwau mao̒ mongo walao̒ Allahu Taa̒ala tamalo bubuua̒yawa.

YAHYA 17:24

Paapa, otohila laa-Tia alihu timongolio, tailudu mai li Paapa olaa-Tia, woluo pee̒-pee̒enta wolaa-Tia totambati Watia woluo, alihu timongolio moo̒onto odudaa̒ laa-Tia; deu̒ito-yito odudaa̒ uiludu mai li Paapa olaa-Tia; sababu ti Paapa lomonu olaa-Tia tou̒ dunia diipo pilowali mai.

ROMA 8:16

Rohullah pee̒-pee̒enta wolo rohunto mopoi̒laalo mai deu̒ ito yito mongo walao̒ Allahu Taa̒ala.

ROMA 8:18

Ngoa̒amila polodutolo u olaasanto masaatia botie, modudua̒ huhama lowatia, sama-samaata diila mowali pobandingiolo wolo ololaio̒ u mapoi̒laalo mai olanto.

ROMA 8:19

Ngoilanggubu aalamu malo hiwoolola hemohima wakutuulio lo Allahu Taa̒ala mopoi̒laalo mai mongo wala-I̒o.

ROMA 8:29

Timongolio tamaa tilulaoto Allahu Taa̒ala, matilantu-Lio olo lonto bohulio u lowali ngolupa wolo Wala-I̒o, deu̒ito-yito ti Isa Almasi. Lou̒ odito Walao̒ boito lowali tabohulio towolota lomongo wutato dadaata.

1 KORINTUS 13:12

Wolo u oontonganto masaatia botie yito debo odelo wolilu u modio̒lomo toinggilua. Bo ito de mahua̒a moo̒onto lou̒ mopatato. Botia diipo otaawa lowatia totoonulalo u hitua-tuawua, bo de mao̒taawa mao̒ lowatia totoonulalo u hitua-tuawua tutuuwauwa debo odelo Allahu Taa̒ala motota totoonulalo u hitua-tuawua tomimbihu batanga lowatia.

1 KORINTUS 15:49

Odelo woloolo mola ito botia yito debo odelo tei Adamu tapilowali mai monto huta, yi de ito mamowali odelo Tio tamonto sologa boito.

1 KORINTUS 2:9

Bolii̒o mao̒ sua̒li boito yito debo odelo utula-tulade todelomo Kitabi, “Wolo udiila pee̒enta iloontonga meaalo ilodungohe lomanusia, wau diila pee̒enta olo tilumoodu todelomo pikilangi lomanusia, ui-uitolo u pilodapato lo Allahu Taa̒ala ode tau-tauwalo tamotolia̒ngo o-Lio.”

2 KORINTUS 3:18

Masaatia bayanto ngoa̒amila diila tilau̒be lo beleu̒to, wau ito mopo bulilangao̒ otinelo mobaango tutu li Isa Eeya. Wau masababu uito ito mololaalaaita bolio̒lo mowali debo odelo Tio; lebe hihiiheo mao̒ ito mowali helebe motinelo mobaango tutu. Otinelo mobaango tutu boito monto Rohu, wau Rohu boito yito Eeya.

2 KORINTUS 4:17

Wau osuusa udiila de mangolo botie, u ilolaasawa lamiaatia u donggo pohu-pohutu, mamongohi mai tilapulo olamiaatia tuwaulio osanangi tutu upolu-polutuo̒ wau bakaa. Osanangi tutu boito lebe udaa̒ mao̒ wonu pobandingio mola wolo osuusa boito lohihilao.

GALATIA 3:26

Sababu timongoli palacaya li Isa Almasi, yi timongoli lotituwau wo-Lio; wau masababu uito timongoli mowali mongo walao̒ Allahu Taa̒ala.

GALATIA 4:6

Sababu timongoli yito mongo walao̒ Allahu Taa̒ala, Allahu Taa̒ala lopoa̒hu mai Rohu lo Wala-I̒o tilumuwoto ode delomo hilaa lo Wutato wau hilaa lowatia, deu̒ito-yito Rohu u mongibode, “Paapa, oo Paapau̒.”

PILIPI 3:21

Batanganto u molulupuhu wau mowali moa̒antulu botie, mamowali debo odelo batanga-Lio lohihilao u molaio̒. Tio mowali mohutu mai uito sababu Tio motolo miliki kawasa umopo taa̒luku totoonulalo u hitua-tuawaua.

KOLOSE 3:4

Naa, pobutua mai lo tutumulo tutu limongoli yito ti Almasi wau de wonu Tio oontonga, timongoli olo mamo tibilohe pee̒-pee̒enta wo-Lio todelomo odudaa̒-Lio!

IBRANI 9:28

Odito olo ti Almasi bo pee̒enta wamabao̒ pilodewo odelo bake u moluluta dusa lotaa dadaata. Tio mamuli meidungga mai tou̒ oluolio, diila mai mopoo̒ lapato pasali lodusa, bo mai mopoa̒ahu totau-tauwalo tahi pohimawa podungga-Lio mai.

2 PETRUS 1:4

Wolo dudelo boitolo Allahu Taa̒ala longohi mai olanto babaa-lakatiyalo upolu-polutuo̒ daa̒ wau ohalaga umapilo danti-Lio mai. Wolo babaa-lakatiyalo boito timongoli mowali molopato monto totoonulalo ilohilaa moleeto moporuusa todunia botie, wau timongoli mololimo pii̒li u ilahi.

1 YAHYA 2:28

Oditolio, mongo walau̒, poti tatapulo tumumulo motituwau woli Almasi, alihu de tou̒ Tio meidungga mai, ito motaalua wo-Lio wolo obobuheli u lealeaatu, wau diila motituuo̒ sababu moolito.

1 YAHYA 2:7

Mongo wutato tao̒tolia̒ngo! U tiluladei laatia botie diila odelo palenta u bohu. Utie palenta deedelo umapilo tunggulai olimongoli anggadu timongoli tumulalo mai palacaya li Almasi; uitolo habari monto Allahu Taa̒ala umaa ilodungohe limongoli tou̒ dipolulio mai.

1 YAHYA 3:1

Bilohi mao̒ malo odito ponu lo Allahu Taa̒ala olanto, tilinggula ito ilaku-Lio odelo mongo wala-I̒o. Wau memangi ito yito mongo walao̒ Allahu Taa̒ala. Uitolo sababuulio dunia u moleeto botie diila motota olanto, sababu dunia diila motota lo Allahu Taa̒ala.

1 YAHYA 3:10

Utieelo hiheedio towolota lomongo walao̒ Allahu Taa̒ala wolo mongo walao̒ Ibilisi; titaalo tita diila mohutu kahandaki lo Allahu Taa̒ala, meaalo diila motolia̒ngo wutatio, yi tio diila walao̒ Allahu Taa̒ala.

1 YAHYA 3:21

Oditolio, mongo wutatuu̒, tao̒tolia̒ngo, wonu hilaanto diila mopotala olanto, ito mowali motaalua lo Allahu Taa̒ala wolo obobuheli.

1 YAHYA 5:1

Taa u palacaya deu̒ ti Isa yito Olongia Tamoo-poa̒ahua tapilo dantia mai lo Allahu Taa̒ala, tau boito walao̒ Allahu Taa̒ala. Taa u motolia̒ngo ngotaalio lotiyamo, motolia̒ngo walai̒o olo.

WAHI 2:28

Timongolio mamo lolimo poliyama tiimuru monto ola-U̒.

WAHI 22:4

wau moo̒onto baya-Lio. Tanggu-Lio matuladulo tobaya limongolio.