1 YAHYA 3:16 - KITABI HABARI MOPIOHE

¹⁶ Wolo dalalo botieelo otaawanto dudelo lou̒ motolia̒ngo ngota timongota: Ti Almasi malohudu mai tutumu-Lio olanto. Sababu uito, ito olo musi mohudu tutumulonto ode mongo wutatonto!

1 YAHYA 3:16 ပူးပေါင်းရင်းမြစ်များ

EPESUS 5:2

Tutumuli mongoli mamusi napasiyalo wolo tolia̒ngo, debo odelo ti Almasi olo lomonu olanto. Tio lopo bake batanga-Lio olanto, odelo tuwaulio lodewo umoonu wau moo̒sanangi hilaa lo Allahu Taa̒ala.

YAHYA 13:34

Palenta bohu wohi-U̒ mai olemu: Tolia̒ngilo ngota timongota, debo odelo Wau̒ motolia̒ngai olimongoli odito olo timongoli musi mototoo-lia̒nga.

YAHYA 3:16

Sababu Allahu Taa̒ala odito momonu mai manusia todunia botie, tilinggula Allahu Taa̒ala longohi mai Wala-I̒o tatuwa-tuwaulo, alihu timii̒du taa palacaya o-Lio diila binasa, bo moo̒tapu tutumulo ututuulio tutu wau ohiheo-hiheolo mao̒.

ROMA 5:8

Bo Allahu Taa̒ala lopoi̒laalo mai ponu-Lio olanto tou̒ ti Isa Almasi yilate ode olanto tou̒ ito donggo taa odusa.

WAHI 1:5

wau monto li Isa Almasi sakusi taa tatapu wau molotolo hilao. Tiolo tabohu-bohulio muli pilotumulai monto opopate wau Tio olo tao̒kawasa tomongo olongia lodunia. Ti Isa momonu olanto, wau wolo opopate-Lio Tio lopo lopato olanto lonto duduusaanto,

1 PETRUS 3:18

Sababu ti Almasi lohihilao yilate bo pee̒enta wambao̒, u ohiheo-hiheolo mao̒ sababu dusa lomanusia – ngotaalio tadiila ototala, yilate ode taa ototala. Ti Almasi lohutu uito alihu Tio mowali modelo olimongoli ode Allahu Taa̒ala. Tio pilatelio yila-yilateelo mao̒ delo pohuli lobatanga, bo luli pilotumulai delo pohuli lo rohu.

MATIUSI 20:28

Tutuuwauwa debo odelo Walao̒ Manusia boito olo; Tio dungga-dungga mai diila mei̒baaya, bo mai momaya, wau mohudu nyawa-Lio u mopo lopato totaa dadaata.”

WUNGGULI LOMONGO RASULU 20:28

Mamusi timongoli modaha batanga wau dahai mao̒ olo ngoa̒amila jamaa̒ u mailudu mai lo Rohullah olimongoli upei̒ dahaa-Lio; sababu timongoli mapiludu-I̒o lowali tamoo-ngimatoa jamaa̒ lo Allahu Taa̒ala boito debo odelo diti hemodaha himbalio, sababu Allahu Taa̒ala malo powali mai jamaa̒ boito milikii-Lio lohihilao lotimbulude to ilopate lo Wala-I̒o lohihilao.

EPESUS 5:25

Wuu dile talolai, tolia̒ngi mao̒ dilemu, tutuuwauwa debo odelo ti Almasi momonu jamaa̒ wau lopo bake batanga-Lio ode jamaa̒ boito.

TITUSI 2:13

Botia ito donggo hemohima Dulahe u hehalaa-puwonto boito; to Dulahe boito dunia mamoo̒onto odudaa̒ li Isa Almasi, deu̒ito-yito Allahu Taa̒ala Taa Laba-labaalo udaa̒, wau Olongia Tamoo-poa̒ahua olanto.

ROMA 16:4

Timongolio bolo ngopee̒ yilate sababu ohilaa mopoa̒ahu olaatia. Watia helo sukuru mola olimongolio – wau diila bo wambao̒ watia, bo ngoa̒amila jamaa̒ bangusa wewo tadiila Yahudi olo helo sukuru mola olimongolio.

1 YAHYA 2:6

Titaalo tita moloi̒ya deu̒ tio tumutumulo motituwau wolo Allahu Taa̒ala, tio musi tumumulo modudua̒ liyodu li Almasi.

PILIPI 2:17

Tanu watia mapateelio mate-mateelo mao̒ wau duhu laatia mowali debo odelo bake pilopao̒ toitaato lou̒ wolo u pilodewo limongoli ode Allahu Taa̒ala odelo tuoto deu̒ timongoli palacaya to o-Lio. Wonu memangi uito musi odito, watia mosukuru mola tosua̒li boito wau modudua̒ motiwengahe woli mongoli.

WAHI 5:9

Timongolio hemo polahu mola lahu tuwau u bohu: “Yio̒ paatuti mohama mao̒ buku boito wau momoo̒ sesee-heliilio. Sababu Yio̒ mapilatelio yila-yilateelo mao̒, wau wolo opopate-Mu, manusia monto totoonulalo suku, bahasa, lipu wau bangusa matilali-Mu ode Allahu Taa̒ala.

1 PETRUS 2:24

Ti Almasi lohihilao talomanta totoonulalo dusaanto tobatanga-Lio toitaato ayu salipu, alihu ito molopato monto okokawasa lodusa, wau tumumulo modudua̒ u otohilaa lo Allahu Taa̒ala. Papaa-liyaalo li Almasi boitolo u lopoo̒luli olimongoli.

1 PETRUS 1:18

Otaawa limongoli wolo umapilo mayali u lopo lopato olimongoli lonto tutumulo udiila ohuna upilo walisi mai linene moyamu. Bayaliilio diila hitua-tuwaua umowali moluusa debo odelo talaa̒ meaalo hulawa,

PILIPI 2:30

Duo̒lo polohuna daa̒ tokalaja li Almasi, tio bolo ngopee̒ yilate; tio helo podutu nyawalio u longohi tulungi olaatia to tangguli mongoli.

YAHYA 10:11

Wau̒lo diti tamopiohu. Diti tamopiohu mongohi nyawalio ode hihii-mbalio.

1 TESALONIKA 2:8

Sababu tolia̒ngo lamiaatia, amiaatia dapadapato mongohi mai olimongoli diila bo wambao̒ Habari Mopiohe u monto Allahu Taa̒ala boito, bo tutumulo lamiaatia olo. Sababu amiaatia motolia̒ngo daa̒ olimongoli!

1 YAHYA 2:9

Taa umoloi̒ya deu̒ tio woluo todelomo mobaango bo tau boito donggo molonuo̒ wutatio, tau boito donggo woluo todelomo u modio̒lomo dilumutu botia.

2 KORINTUS 4:12

Utie boliilio deu̒ todelomo batanga lamiaatia opopate donggo moo̒olohu moponao̒ lo duludelio, bo amiaatia meengahe deu̒ tutumuloolo udonggo moo̒oloohu todelomo batanga limongoli.