1 YAHYA 3:12 - KITABI HABARI MOPIOHE

¹² Diila mao̒ potihutu ito debo odelo tei Kain, tamalowali walao̒ Ibilisi wau lomate wutatio lohihilao yila-yilateelo mao̒. Wolo sababuulio tei Kain lomate wutatio yila-yilateelo mao̒? Sababu susuu-aliyaalo u pilohutulio yito tilala, bo susuu-aliyaalo u pilohutu lowutatio boito otutu.

1 YAHYA 3:12 ပူးပေါင်းရင်းမြစ်များ

ILOOWALI 4:25

Tei Adamu wau dilelio luli loo̒tapu walao̒ talolai̒ ngota. Uali Hawa, “Allahu Taa̒ala malongohi mai olau̒ walao̒ talolai̒ odelo tuloi̒o lei Habel, tamaa pilatelio yila-yilateelo mao̒ lei Kain.” Sababu uito ti Hawa longunte to walao̒ boito tei Set.

OLUO LO SAMUEL 13:22

Tei Absalom malo niyati daa̒ olei Amnon wau diilalo mohuto mobisala wolio sababu tio malo polokosa ti Tamar tawali-yaliilio.

JABURU 37:12

Taa moleeto hemo ranjana u moleeto totaa u mopiohu, wau momilohe olio wolo lonuo̒.

JABURU 38:20

Tau-tauwalo tahi pomusua olo watotia dadaata wau hilootola, timongolio molonuo̒ todudelo tutumulo watotia.

POHUMAYA 27:4

Oyiyingo boito diila omanusia wau mongantulu, bo motaalua wolo hiihia tatoonu tamoo̒ otongo?

POHUMAYA 29:10

Taa u tuulusi lohilao lonuo̒ lotaa u mototoa̒ngo duhu, bo diluo̒la lotaa u mopiohu.

POHUMAYA 29:27

Taa mopiohu diila sanangi wolo taa moleeto; taa moleeto molonuo̒ totaa mopiohu.

MATIUSI 13:19

Bili u lobiihuto todalalo debo odelo tau-tauwalo tahipo dungohe habari pasali woloolo mola Allahu Taa̒ala momalenta, bo diila mongalati. Ibilisi boito lonao̒ mai wau lolambata wolo umaa pilomua̒yadu todelomo hilaa limongolio.

MATIUSI 13:38

Halabolu boito yito dunia botie. Bili u mopiohu boito yito tau-tauwalo tamalowali umati lo Allahu Taa̒ala. Papaa-dengowalo boito yito tau-tauwalo tahelo tiwambao̒ to Ibilisi.

MATIUSI 23:35

Sababu uito, timongoli mamoo̒tapu hukuumani sababu polomatea yila-yilateelo mao̒ u hepilohutu limongoli ode ngoa̒amila taadiila ototala tumulalo mai polomatea yila-yilateelo mao̒ olei Habel tadiila ototala tunggula polomatea yila-yilateelo mao̒ olei Jakaria walae̒e Berekhya, tapilate limongoli yila-yilateelo mao̒ towolota Bele lo Eeya wau mesba.

MATIUSI 27:23

“Bo ololeeto wolo u pilohutu-Lio?” yilintu lei Pilaatu. Lapatao̒ timongolio tilonggo watio̒ lebe udaa̒ mao̒, “Salipua Tio!”

MATIUSI 5:37

Loi̒yaalo mao̒ wambao̒, ‘Ooo̒’ meaalo ‘Diila’ – lebe mao̒ leeto dudunggalio mai monto ibilisi.”

LUKASI 11:51

tumulalo mao̒ monto pilomatea olei Habel yila-yilatelo mao̒ demola pilomatea olei Jakaria yila-yilatelo mao̒ uilowali towolota lomesba wau Bele lo Eeya. Pomalacayalo: Tau-tauwalo tojamani botie tantu mahuku-maniyolo sababu ngoa̒amilalo boito.

YAHYA 10:32

Boti Isa lotahuda mao̒ olimongolio, “Timongoli maloo̒onto ola-U̒ helohutu dadaata kalaja umopiohu, uiludu mai li Paapa ola-U̒. Monto ngoa̒amila kalaja boito, toonu umoo̒ sababu olimongoli ohilaa momai̒ ola-U̒?”

YAHYA 8:40

Wau̒ mopo tunggulai olemu obobanali u ilodungohe-U̒ lonto Allahu Taa̒ala, bo timongoli ohilaa momate ola-U̒ mate-mateelo mao̒. Tei Abraham diila lohutu debo odelo uito!

YAHYA 8:41

Timongoli helohutu wolo upilohutu lipaapamu lohihilao.” Tametao̒ limongolio, “Amiaatia diila mongo walao̒ haramu. Ti Paapa lamiaatia bo ngota, deu̒ito-yito Allahu Taa̒ala lohihilao.”

WUNGGULI LOMONGO RASULU 7:52

Wolo woluo nabi tadiila ilalinaya linenemoya limongoli? Timongolio helomate mongo utolia lo Allahu Taa̒ala yila-yilateelo mao̒ u muloololio mai daa̒ malopo malalumu deu̒ Wato lo Allahu Taa̒ala tao̒tutu boito madungga-dungga mai. Wau botia timongoli lohiyanati wau lomate yila-yilateelo mao̒ Wato lo Allahu Taa̒ala boito.

1 TESALONIKA 2:14

Mongo wutato, sua̒li uilaasa limongoli mai̒lo laaasawa olo lo jajaa-maa̒alo Allahu Taa̒ala to Yudea talowali miliki li Almasi. Timongoli loo̒laasa polodutolo lonto wimbihu bangusa limongoli lohihilao, tutuuwauwa debo odelo ilolaasawa lo jajaa-maa̒alo Allahu Taa̒ala to Yudea boito towimbihu tau-tauwalo Yahudi.

IBRANI 11:4

Sababu o iimani, yi tei Habel lopodewo ode Allahu Taa̒ala bake ulebe mopioheo̒ wolo bake lei Kain. Sababu iimanilio boito, tei Habel tilolimo lo Allahu Taa̒ala odelo taa u mopiohe, sababu malo ilaalo deu̒ Allahu Taa̒ala lololimo pilodewolio. Tei Habel mailate, bo sababu iimanilio boito, yi tio donggo bisabisala dilumutu botia.

IBRANI 12:24

Timongoli monao̒ mai motaalua li Isa, Potimbuludelo ode daantia u bohu boito; timongoli motaalua lo putato duhu u pongaku to susuu-aliyaalo ulebe mopiohe daa̒ lou̒ pilongakua loduhu lei Habel.

1 PETRUS 4:4

Botia taa u diila motota lo Eeya, hilinggolabe deu̒ timongoli diila lodudua̒ tutumulo debo odelo timongolio, heloo̒laasa dusa lou̒ diila o eenggadelio. Uitolo sababuulio timongolio helohina olimongoli.

1 YAHYA 3:8

Bo taa u mohutu dusa mololaalaaita yito walao̒ Ibilisi, sababu Ibilisi odusa tumulalo mai bohulio. Masababu uitolo Walao̒ Allahu Taa̒ala meidungga, deu̒ito-yito mai mongantulu kalaja lo Ibilisi.

YUDAS 1:11

Tilopotala timongolio! Timongolio malo dudua̒ dalaalio lei Kain. Alihu moo̒tapu doi, timongolio helopo topotala batanga ode lumbaya umoo̒ lapalo, tutuuwauwa debo odelo tei Bileam. Wau timongolio olo ilaantululio sababu helo malakalo debo odelo tei Korah.

WAHI 17:6

Lapatao̒ watia loo̒onto deu̒ taabua boito hiluwoaa̒ wolo duhu umati lo Allahu Taa̒ala wau duhu lotau-tauwalo tapilate yila-yilateelo mao̒ sababu tatapu wau molotolo hilao toli li Isa. Tou̒ watia loo̒onto taabua boito, watia lolinggolabu daa̒.