Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 YAHYA 3:1 - KITABI HABARI MOPIOHE

1 Bilohi mao̒ malo odito ponu lo Allahu Taa̒ala olanto, tilinggula ito ilaku-Lio odelo mongo wala-I̒o. Wau memangi ito yito mongo walao̒ Allahu Taa̒ala. Uitolo sababuulio dunia u moleeto botie diila motota olanto, sababu dunia diila motota lo Allahu Taa̒ala.

အခန်းကိုကြည့်ပါ။ ကော်ပီ




1 YAHYA 3:1
33 ပူးပေါင်းရင်းမြစ်များ  

Tumbao̒ Eeya helohutu mai lebe mopioheo̒ leeto, yaa Eeya Taa Laba-labaalo molanggato; Eeya malodanti mai tomimbihu wali mola lo watotia tomaasa udungga-dungga mai. Wau pilopo bilohei lo Eeya sua̒li boito ode watotia, eleponu watotia bo manusia wambao̒, yaa Eeya Taa Laba-labaalo molanggato!


Pambolilo ngango lo tahi pohimbuloa u wolo batingga hemo henteo̒ taa juujulu.


Eeya lotahuda mai, “Isirai̒lu, Wau̒ motohilaa mololimo olemu odelo walau̒u-U̒, wau mongohi mai olemu lipu u moo̒sanangi, lipu u mopiohe daa̒ to ngoilanggubu dunia. Wau̒ motohilaa alihu yio̒ molanggula ola-U̒ paapa, wau diilalo molahi monto ola-U̒.


Bangusa lo Isirai̒lu mamowali mola dadaata wau daatalio debo odelo hungayo to deheto, tilinggula diilalo otonggade meaalo oyia̒apo. Botia Allahu Taa̒ala lotahuda ode limongolio, “Timongoli diila umati-U̒,” bo mamei dungga wakutuulio Tio mamotahuda mai ode limongolio, “Wau̒lo Allahu Taa̒ala tatumu-tumulo wau timongoli mongo walau̒u-U̒!”


Owowoluwoa limongolio debo odelo malai̒kati, wau diila mowali mate. Timongolio yito mongo walao̒ Allahu Taa̒ala, sababu timongolio maluli bilongulio mai lonto opopate.


Penu boli odito debo woluo olo talo lolimo o-Lio wau palacaya o-Lio: timongolio yilohia-Lio haku lowali Walao̒ Allahu Taa̒ala,


Wau diila bo ode bangusa lo Yahudi wambao̒, bo olo u mongambu wau mopotuwau mao̒ mongo walao̒ Allahu Taa̒ala tamalo bubuua̒yawa.


Ngoa̒amilalo boito mapohutuo limongolio ode limongoli, sababu timongoli muri-U̒, sababu timongolio diila moo̒onuhe o-Lio talolao mai ola-U̒.


Timongolio mohutu mai uito olemu sababu timongolio diipo moo̒onuhe li Paapa-U̒ meaalo ola-U̒.


Paapa taa̒adili! Dunia diila moo̒onuhe li Paapa; bo Watia moo̒onuhe li Paapa; wau tau-tauwala botie motota deu̒ ti Paapa talolao mai olaa-Tia.


Sababu Allahu Taa̒ala odito momonu mai manusia todunia botie, tilinggula Allahu Taa̒ala longohi mai Wala-I̒o tatuwa-tuwaulo, alihu timii̒du taa palacaya o-Lio diila binasa, bo moo̒tapu tutumulo ututuulio tutu wau ohiheo-hiheolo mao̒.


Bo Allahu Taa̒ala lopoi̒laalo mai ponu-Lio olanto tou̒ ti Isa Almasi yilate ode olanto tou̒ ito donggo taa odusa.


Ngoilanggubu aalamu malo hiwoolola hemohima wakutuulio lo Allahu Taa̒ala mopoi̒laalo mai mongo wala-I̒o.


deu̒ towakutu tuwau aalamu mapo lopatolo monto kawasa umoo̒ aantulu wau mamodudua̒ lopato-Lio wau pou̒daa̒alo pee̒-pee̒enta wolo mongo walao̒ Allahu Taa̒ala.


Wala-I̒o lohihilao diila pilolee̒-Lio mai, bo tumbao̒ yiludu-Lio mai u polohuna daa̒ ode olanto ngoa̒amila; uwalita, Tio diila tamohudu mai de olanto totoonulalo hitua-tuawua uwewolio?


Wau̒ mamowali ti Paapamu, wau timongoli mamowali mongo walau̒u-U̒, odieelo mola tahuda lo Eeya Taa Laba-labaalo kawasa.”


Sababu timongoli palacaya li Isa Almasi, yi timongoli lotituwau wo-Lio; wau masababu uito timongoli mowali mongo walao̒ Allahu Taa̒ala.


Wonu timongoli miliki li Almasi, yi timongoli yito wali lei Abraham. Wau timongoli mamololimo wolo upilo danti mai lo Allahu Taa̒ala.


“Timongoli yito umati lo Eeya Allahu Taa̒ala limongoli. Oditolio tou̒ timongoli motilimi duo̒lo taamate, diila mao̒ palia batanga limongoli meaalo monguluhe to ambahu tau̒ lo lunggongumu debo odelo hepohutuo lo babaa-ngusawalo wewo.


Sababu timongoli mailate, wau tutumuli mongoli tutuuo̒ pee̒-pee̒enta woli Almasi todelomo Allahu Taa̒ala.


Utieelo hiheedio towolota lomongo walao̒ Allahu Taa̒ala wolo mongo walao̒ Ibilisi; titaalo tita diila mohutu kahandaki lo Allahu Taa̒ala, meaalo diila motolia̒ngo wutatio, yi tio diila walao̒ Allahu Taa̒ala.


Mongo wutato tao̒tolia̒ngo! Ito botia yito mongo walao̒ Allahu Taa̒ala, bo owowoluwonto de diipo mopatato. Bo otaawanto deu̒ wonu ti Almasi meidungga mai, ito mamowali debo odelo Tio, sababu mamoo̒onto o-Lio todelomo owowoluwoa-Lio u otutuulio mao̒.


Ponu pilowali-Lio mai wimu-wimumuto tutu todelomo batanganto, alihu woluo buhelinto to Dulahe Pomutoa̒alo. Woluo buhelinto, sababu tutumulonto todunia botie tutuuwauwa debo odelo tutumuli Almasi.


Tau-tauwalo taloo̒haama mamololimo susuu-aliyaalo boito monto ola-U̒. Wau̒ mamowali Allahu Taa̒alaalio, wau tio mowali walau̒u-U̒.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ