1 YAHYA 2:7 - KITABI HABARI MOPIOHE

⁷ Mongo wutato tao̒tolia̒ngo! U tiluladei laatia botie diila odelo palenta u bohu. Utie palenta deedelo umapilo tunggulai olimongoli anggadu timongoli tumulalo mai palacaya li Almasi; uitolo habari monto Allahu Taa̒ala umaa ilodungohe limongoli tou̒ dipolulio mai.

1 YAHYA 2:7 ပူးပေါင်းရင်းမြစ်များ

IMAAMATI 19:18

Diila mao̒ pomalasi niyati wau diila mao̒ polonuo̒ totaa wewo, bo tolia̒nga mao̒ timongotamu debo odelo timongoli motolia̒nga batanga limongoli lohihilao. Wau̒lo Eeya.

IMAAMATI 19:34

Pohutua mao̒ timongolio debo odelo timongoli mopohutu mao̒ tau-tauwalo ngobangusa limongoli wau tolia̒ngi mao̒ timongolio debo odelo timongoli motolia̒ngo batanga limongoli lohihilao. Eelai mola deu̒ timongoli olo mapee̒enta tilumumulo odelo tau deli to Masiri. Wau̒lo Eeya Allahu Taa̒ala limongoli.

MATIUSI 5:43

“Otaawa limongoli deu̒ woluo olo pongaajali debo odelo utie; tolia̒nga mao̒ mongo sahabatimu wau oingoi mao̒ mongo satulumu.

YAHYA 13:34

Palenta bohu wohi-U̒ mai olemu: Tolia̒ngilo ngota timongota, debo odelo Wau̒ motolia̒ngai olimongoli odito olo timongoli musi mototoo-lia̒nga.

WUNGGULI LOMONGO RASULU 17:19

Tulusi timongolio malodelo olei Paulus ode dudunggaya mola tohuludu Areopagus. Mola teto timongolio loloi̒ya mao̒ olio, “Otohilaa lami modungohe pongaajali bohu u hepo habariyomu boito.

TINGULI 6:5

Tolia̒ngi mao̒ to Eeya Allahu Taa̒ala limongoli wolo lealeaatu lo hilaamu: Pobilohe mao̒ uito todelomo dudelo lo tutumuli mongoli wau todelomo huhutu limongoli.

IBRANI 6:9

Bo Mongo wutato taa otolia̒ngo, eleponu amiaatia moloi̒ya mai odito, bo amiaatia yakini tomimbihu olimongoli. Amiaatia yakini deu̒ timongoli malo lolimo susuu-aliyaalo ulebe mopiohe, deu̒ito-yito babaa-lakatiyalo udebo odelo bagiyangi lo oa̒ahu limongoli.

1 YAHYA 2:24

Sababu uito, habari umaa ilodungohe limongoli anggadu timongoli bohu-bohulio mai palacaya mamusi dahai limongoli tio̒otutua todelomo hilao. Wonu habari boito poo̒tuoto limongoli tio̒otutua, timongoli malaito tumumulo motituwau wolo Walao̒ wau woli Paapa.

1 YAHYA 3:11

Tumulalo mai bohulio mapilo tunggulio mai habari botie olimongoli; Ito musi motolia̒nga ngota timongota.

1 YAHYA 3:2

Mongo wutato tao̒tolia̒ngo! Ito botia yito mongo walao̒ Allahu Taa̒ala, bo owowoluwonto de diipo mopatato. Bo otaawanto deu̒ wonu ti Almasi meidungga mai, ito mamowali debo odelo Tio, sababu mamoo̒onto o-Lio todelomo owowoluwoa-Lio u otutuulio mao̒.

1 YAHYA 3:21

Oditolio, mongo wutatuu̒, tao̒tolia̒ngo, wonu hilaanto diila mopotala olanto, ito mowali motaalua lo Allahu Taa̒ala wolo obobuheli.

1 YAHYA 3:23

U pilomalenta-Lio mai to olanto yito: Ito musi palacaya to Wala-I̒o, deu̒ito-yito ti Isa Almasi, wau ito musi mototoo-lia̒nga, debo odelo umaa pilomalentai li Almasi to olanto.

1 YAHYA 4:1

Mongo wutato tao̒tolia̒ngo! Diila mao̒ palacayai to ngoa̒amila tau tahi pongakua o Rohullah, bo tesiyopo timongolio u motota mao̒ wolo Rohu uwoluo toli mongolio boito asaliilio mai lonto Allahu Taa̒ala meaalo diila. Sababu dadaata nabi paluti mabolo to utoonulalo.

1 YAHYA 4:11

Mongo wutato tao̒tolia̒ngo, wonu Allahu Taa̒ala momonu daa̒ olanto ito olo musi motolia̒nga ngotaa timongota.

1 YAHYA 4:21

Sababu uito, utieelo palenta uilohi mai li Almasi to olanto: Titaalo tita tamo tolia̒ngo Allahu Taa̒ala musi olo motolia̒ngo wutatio.

1 YAHYA 4:7

Mongo wutato tao̒tolia̒ngo! Duloolo ito motolia̒nga ngota timongota, sababu tolia̒ngo asaliilio mai monto Allahu Taa̒ala. Taa u motolia̒ngo, deu̒ito-yito walao̒ Allahu Taa̒ala wau tio motota Allahu Taa̒ala.