1 YAHYA 2:5 - KITABI HABARI MOPIOHE

⁵ Bo taa u modungohe tahuda lo Allahu Taa̒ala, tau boito motolia̒ngo Allahu Taa̒ala lou̒ wimu-wimumuto tutu. Uitolo tuotio deu̒ ito tumutumulo motituwau wolo Allahu Taa̒ala.

1 YAHYA 2:5 ပူးပေါင်းရင်းမြစ်များ

JABURU 105:45

alihu umati-Lio boito modungoheo̒ to bubuu-too̒owalo Eeya wau modudua̒ totoonulalo parenta lo Eeya. Pujiaalo mola Eeya!

JABURU 106:3

Potisanangilo tutu taa u modungohe papaa-lentawalo Eeya, wau laito otutu todelomo huhutuulio.

JABURU 119:146

Watotia mongiibode mola to Eeya; poa̒ahuwalo mai watotia, watotia ohilaa motidihu to wuu̒du lo Eeya.

JABURU 119:2

Potisanangilo tutu taa u modudua̒ palenta lo Eeya, wau wolo lealeaatu lohilao motolopani motota to Eeya.

JABURU 119:4

Eeya longohi mai butoo̒ lo Eeya, yaa Eeya, alihu amiaatia mopohutu wolo tatapu wau molotolo hilao.

POHUMAYA 28:7

Tabohulotau tamo dungohe butoo̒ yito taa molinepo. Bo taa u moheehea̒ wolo taa molooyalia moo̒olito oliyamolio.

POHUMAYA 8:32

Sababu uito, podungohulo olau̒, wuu taa humula! Dudui̒lo potuhataau̒, yi yio̒ masanangi tutu.

TAMOO-HUTUBAWA 8:5

Taa u modungohe olio, maa̒amani wau sontosa; otaawa lotaa molinepo omolua wau woloolo mola modungohe oli olongia.

YEHESKIEL 36:27

Rohu-U̒ matuwato-U̒ mai ode delomo hilaamu wau timongoli madaahaa-U̒ alihu tumumula modudua̒ totoonulalo butoo̒o-U̒ boli modungohe totoonulalo palentaa-U̒.

LUKASI 11:28

Boti Isa lolametao̒, “Lebe sanangi tutu poli taa u modungohe tahuda lo Allahu Taa̒ala wau pohutuolio!”

YAHYA 14:21

Taa mololimo totoonulalo palentaa-U̒ wau pohutuolio, tio-tiolo tamo tolia̒ngu-U̒. Ti Paapa-U̒ mamomonu mai taa motolia̒ngo ola-U̒. Wau̒ olo mamo tolia̒ngo tau boito wau mopo bilohei batanga-U̒ olio.”

YAHYA 14:23

Ti Isa lolametao̒, “Taa motolia̒ngu-U̒, mamo dudua̒ pongaajali-U̒. Ti Paapa-U̒ mamomonu mai olio. Ti Paapa wau Wau̒ mamei dungga mai ode olio wau motibiluloa̒ wolio.

YAHYA 15:5

Wau̒lo bungo lo angguru, wau timongoli tataa-ngolio. Taa u debo motituwau wola-U̒ wau Wau̒ wolio, mamomungo dadaata; sababu wonu diila wola-U̒, timongoli diila mowali mohutu wolo-wolo.

YAHYA 6:56

Taa u molamelo tapu-U̒ wau mongilu duhu-U̒, debo motituwau wola-U̒, wau Wau̒ wolio.

ROMA 8:1

Masaatia madiduu̒ hukuumani ode limongolio tahitumula lotituwau woli Isa Almasi.

1 KORINTUS 1:30

Allahu Taa̒ala lohihilaolo tamohutu mai tilinggula Wutato motituwau woli Isa Almasi. Lotimbulude li Isa Almasi, ito pilowali molinepo. Wau lotimbulude o-Lio olo Allahu Taa̒ala lohutu mai olanto luli mopiiohe wolo batanga-Lio, lopowali olanto tolomodu umati-Lio, wau lolopato olanto.

2 KORINTUS 5:17

Taa umalo tituwau woli Almasi, mowali manusia bohu sama-samaata. U deedelo madiduu̒ – ngoa̒amilalo malowali bohu.

2 KORINTUS 5:21

Ti Almasi diila odusa, bo Allahu Taa̒ala lohutu mai o-Lio lomanta dusanto, alihu ito muli mopiiohe wolo Allahu Taa̒ala sababu lotituwau woli Almasi.

YAKOBUS 2:22

Lopatatolo mao̒ tewe deu̒ iimani musi pobilohulo wolo huhutu alihu mowali wimu-wimumuto tutu.

1 YAHYA 3:24

Ngoa̒amila taa u modungohe totoonulalo palenta lo Allahu Taa̒ala, tumumulo motituwau wolo Allahu Taa̒ala, wau Allahu Taa̒ala motituwau woli mongolio. Wau otaawanto deu̒ Allahu Taa̒ala tumutumulo lotituwau wolanto, sababu Tio malongohi mai Rohu-Lio to olanto.

1 YAHYA 4:17

Ponu pilowali-Lio mai wimu-wimumuto tutu todelomo batanganto, alihu woluo buhelinto to Dulahe Pomutoa̒alo. Woluo buhelinto, sababu tutumulonto todunia botie tutuuwauwa debo odelo tutumuli Almasi.

1 YAHYA 4:18

Taa u moo̒laasa ponu lo Allahu Taa̒ala, diila motota lou̒ moohe; sababu ponu u wimu-wimumuto tutu mopo hinggi totoonulalo pongolaasa u moohe. Oditolio malo ilaalo deu̒ taa diipo loo̒laasa mao̒ ponu lo Allahu Taa̒ala wolo wimu-wimumuto tutu wonu tau boito moohe motaalua wolo Dulahe Pomutoa̒alo.

1 YAHYA 5:2

Wolo dalalo botieelo otawaanto mao̒ deu̒ ito motolia̒ngo mongo walao̒ Allahu Taa̒ala: Ito motolia̒ngo to Allahu Taa̒ala wau modungohe totoonulalo palenta-Lio.

1 YAHYA 5:20

Otaawanto deu̒ Walao̒ Allahu Taa̒ala malei dungga mai wau malongohi pongotota to olanto, alihu ito motota lo Allahu Taa̒ala tao̒tutu. Ito tumutumulo motituwau wolo Allahu Taa̒ala tao̒tutu, wau tumutumulo motituwau wolo Wala-I̒o Isa Almasi. Utieelo Allahu Taa̒ala tao̒tutu, wau utieelo tutumulo u tutuulio tutu wau ohiheo-hiheolo mao̒.

2 YAHYA 1:6

Motolia̒ngo boliilio mao̒ tumumulo modudua̒ totoonulalo palenta lo Allahu Taa̒ala. Wau palenta umaa ilodungohe limongoli tumulalo mai bohulio yito deu̒ timongoli musi tumumulo lou̒ motolia̒nga ngota timongota.

WAHI 12:17

Naha boito maloingo daa̒ totaabua boito, tilinggula tio mota loluhu wali uwewo lotaabua boito, deu̒ito-yito ngoa̒amila talo dungohe totoonulalo palenta lo Allahu Taa̒ala, wau talongohi sakusi pasali li Isa wau kawasaa-Lio.

WAHI 14:12

Todelomo sua̒li botie umati lo Allahu Taa̒ala tamo dungohe papaa-lentawalo Allahu Taa̒ala wau tatapu molotolo hilao toli Isa palalu mowali sabali.