1 YAHYA 2:16 - KITABI HABARI MOPIOHE

¹⁶ Totoonulalo hitua-tuawua uwoluo todelomo dunia botie – u otohilaa pii̒li lomanusia u odusa, u oontonga tulusi otohilao wau uhepo mangga-mangga – ngoa̒amilalo boito asalilio mai diila lonto Allahu Taa̒ala, bo lonto dunia.

1 YAHYA 2:16 ပူးပေါင်းရင်းမြစ်များ

ILOOWALI 3:6

Taabua boito loo̒onto mao̒ deu̒ hungo lo ayu boito mopiohe, wau hungolio oontonga mopiohe aaloolo. Wau tio lomikilangi mola donggo boli piohio wonu tio mowali aaripu. Sababu uito tio malolipu hungo lo ayu boito, tulusi ililaalio, wau yilohilio mao̒ olo to dilelio, wau dilelio poli mailonga.

ILOOWALI 6:2

mamaa-halukuwalo ilahi boito loo̒onto deu̒ mongo dulahu boito higaagawa. Tulusi timongolio malo diilea wolo mongo dulahu tao̒tohilaa limongolio.

AYUBA 31:1

Wolo tadia watotia malodanti tadulahu humula diila tabilohe lo watotia wolo birahi.

JABURU 73:6

Sababu uito timongolio opii̒li sombongi, wau laito hemohutu lou̒ diila omanusia.

JABURU 78:18

Timongolio sangaja lohimontala to Allahu Taa̒ala, wolo helohile wolo moo̒ohuu̒ ua̒alo u otohilaa limongolio.

JABURU 78:30

Bo napusu limongolio debo diipo ilolulia; oditolio tou̒ timongolio donggo hemo lamelo,

POHUMAYA 27:20

To dunia lotaa mate, laito woluo tambati; odito olo ilohilao lomanusia diila o eenggadelio.

POHUMAYA 6:25

Yio̒ diila mao̒ oimontala lo ogaaga limongolio, diila mao̒ oa̒anga lomato limongolio u momiyo.

DANIALI 4:30

wau̒ loloi̒ya, “Bilohi, donggo boli polutui̒o kota lo Babel! Wau̒ulo talomongu mao̒ lowali tiilo lokota u mopobukuti mao̒ okokawasa wau olotolu̒, ololamahu wau odudaa̒au̒!”

YIA̒APO 11:34

Yi tambati boito ilunteelio “Kuubulu Pololanggamu”, sababu mota teto yilobungo tau-tauwalo taheilate sababu langgamu.

YIA̒APO 11:4

Todelomo nonao̒ tau-tauwalo Isirai̒lu boito woluo olo tau-tauwalo deli talo duduo̒. Timongolio boito ohilaa daa̒ molamela tapu, wau taulo Isirai̒lu olo malo poilaalo suusa. Uali mongolio, “Aa, nte woluo tapu ode olanto!

MATIUSI 4:8

Lapatao̒ Ibilisi luli lodelo mola li Isa ode hui̒dee molanggato daa̒ wau lopobilohe o-Lio ngoa̒amila bele biluloa̒ saaha li olongia todunia wolo okokayalio.

MATIUSI 5:28

Bo botia Wau̒ motahuda mai olemu: titaalo tita molontongo taabua ngota wau lohuo̒ hilaalio, yi tau boito malojina wolo taabua boito todelomo hilaalio.

LUKASI 4:5

Lapatao̒ Ibilisi malodelo li Isa ode tambati u molanggato, wau ngoi̒nta lomato Ibilisi lopobilohe o-Lio ngoa̒amila bele biluloa̒ saaha li olongia todunia.

ROMA 13:14

Hulii mao̒ Eeya Isa Almasi tamolantu mai wolo umusi pohutuo limongoli. Wau diila mao̒ podudua̒ pii̒li lomanusia odusa u bo wambao̒ mopoluli hilao to napusuulio.

1 KORINTUS 10:6

Ngoa̒amilalo boito mowali obaaya olanto, u mopoe̒ela olanto alihu diila motohilaa susuu-aliyaalo u moleeto debo odelo timongolio.

GALATIA 5:17

Sababu u otohilaa lomanusia bubuu-lemenga lou̒ otohilaa lo Rohullah, wau u otohilaa lo Rohullah bubuu-lemenga lou̒ otohilaa lomanusia. Duduuluwolo tinggai bubuu-lemenga, tilinggula timongoli diila moo̒hutu wolo u otohilaa limongoli.

GALATIA 5:24

Tau-tauwalo tamalowali miliki li Isa Almasi, tau-tauwala boito malo popate pii̒li lo manusialio wolo totoonulalo napusu wau u otohilaalio.

EPESUS 2:3

Muloololio mai ito ngoa̒amila tutuuwauwa olo woli mongolio; ito tumutumulo lodudua̒ pii̒li lo manusiaanto wau helohutu wolo uloo̒ sanangi batanga wau pikiilanginto. Tou̒ boito ito yito tahe ilotuhata muluka lo Allahu Taa̒ala olo, tutuuwauwa debo odelo tau-tauwalo wewo.

TITUSI 2:12

Odehu hilaa lo Allahu Taa̒ala boito mongaajali olanto alihu diilalo tumumulo bubuu-lemenga wolo kahandaki lo Allahu Taa̒ala wau diila modudua̒ otohilaa siipati lodunia. Ito ilajari-Lio mai u tumumulo todelomo dunia botie lou̒ motota mongotongo batanga, tuulusi wau tatapu molotolo hilao to Allahu Taa̒ala.

TITUSI 3:3

Sababu muloololio mai ito lohihilao olo mohulodu, yilapalo wau diila modungohu. Ito pilowato lonapusu hidala-dalaala wau u otohilaa; ito hitumula wolo tilolahepe ninii-yaitaalo u moleeto wau mohiihia, wau tinggai mololoonua̒.

YAKOBUS 3:15

Tinepo debo odelo uito asaliilio mai diila lonto sologa. Bo asaliilio mai lonto dunia, lonto napusu lomanusia, wau lonto lati!

YAKOBUS 4:16

Bo botia timongoli sombongi wau molatabu. Ngoa̒amila latabu debo odelo uito tilala.

YOSUA 7:21

To wolota lo babaa-langiyalo u hilamaanto mai, watia loo̒onto jumba ngopita u mopiohe daa̒, u pilohutu lonto Babilonia, wau olo talaa̒ tanu dulo kilo, wau ngobatango hulawa ngoputu apingo lo kilo. Babaa-langiyalo boito ilotohilaa daa̒ lowatia, yi mahilama wau tiluuo̒ lowatia todelomo huta tokema lowatia; talaa̒lio woluo to walungio daa̒.”

1 PETRUS 1:14

Podungohulo to Allahu Taa̒ala wau diila mao̒ potitumulo modudua̒ hilaamu u omoo̒omolu, tou̒ timongoli diipo motota lo Allahu Taa̒ala.

1 PETRUS 2:11

Mongo wutato taa tao̒tolia̒ngo! Timongoli yito tau deli wau tamoo-leleyangia todunia botie. Sababu uito watia mohile lou̒ tio̒otutua alihu timongoli diila mao̒ modudua̒ napusu lomanusia ulaito mopaatea moluwali jiwa.

2 PETRUS 2:10

tolomodulio tau-tauwalo tahipo dudua̒awa u otohilaa lonapusu limongolio ukootoro wau tamohina okokawasa lo Allahu Taa̒ala. Odito buheli wau sombongilio guguu-ruwaalo paluti boito tilinggula penu boli totoonulalo mahaluku umolamahu tosologa timongolio diila mopo panggu-panggu mohina!

2 PETRUS 2:18

Timongolio helohutu poopolo-ilaalowalo u hilangga-langgata wau toongi; napusu u huloto pilomake limongolio huna mopo topotala totau-tauwalo taboheli wambao̒ lolopato lonto awoota lotaa hitumula yilapalo.