1 YAHYA 2:11 - KITABI HABARI MOPIOHE

¹¹ Bo taa u molonuo̒ wutatio, woluo todelomo modio̒lomo. Tio monao̒ todelomo modio̒lomo, wau diila otaawalio ode utoonu ponao̒walio, sababu modio̒lomo boito mohutu olio diila mowali moo̒onto.

1 YAHYA 2:11 ပူးပေါင်းရင်းမြစ်များ

OLUO LO SAMUEL 13:22

Tei Absalom malo niyati daa̒ olei Amnon wau diilalo mohuto mobisala wolio sababu tio malo polokosa ti Tamar tawali-yaliilio.

TAMOO-HUTUBAWA 2:14

Taa molinepo mowali moo̒onto timantahu u patujuolio; taa mohulodu debo odelo monao̒ oa̒apao̒-oa̒apao̒.” Bo otaawau̒ olo deu̒ paladu u tutuuwauwa mamotoduo ode limongolio ngoa̒amila.

IMAAMATI 19:17

Diila poniyati penu boli olita. Pobelesia mao̒ polohihede huhama penu boli wolita, alihu timongoli diila odusa sababu taawewo.

YAHYA 12:35

Ti Isa lolametao̒, “Bo u ngopee̒ mola tilango boito woluo towolota limongoli. Oditolio pononao̒lo ngotilonggadu tilango boito donggo woluo, alihu timongoli diila mao̒ odungga lou̒ modio̒lomo. Taa monao̒ todelomo u modio̒lomo diila otaawalio ode utoonu nao̒olio.

YAHYA 12:40

‘Wau̒ mopopitoo̒ mato limongolio, mohutu hilaa limongolio diila mowali bolio̒olo; alihu mato limongolio diila mao̒ moo̒onto, pikiilangi limongolio diila mao̒ mongalati. Alihu timongolio diila mao̒ mohualingai ode ola-U̒, lapatao̒ Wau̒ mamo poo̒luli olimongolio.’ ”

2 KORINTUS 3:14

Pikiilangi limongolio maloheu̒to. Wau dilumutu todulahe botie olo pikiilangi limongolio donggo heu̒heu̒ta wolo beleu̒to tou̒ timongolio mobaca bubuu-kuwaalo pasali lou̒ daantia u muloolo boito. Beleu̒to boito bo mowali mohuo̒ wonu tau motituwau woli Almasi.

2 KORINTUS 4:4

Ila moleeto umotolo kawasa dunia botie moheu̒ta pikiilangi lotau-tauwalo tadiila palacaya boito. Tiolo tamo monto-montola olimongolio alihu timongolio diila moo̒onto tilango monto Habari Mopiohe boito tomimbihu odudaa̒ li Almasi, tadebo odelo bayahu lo Allahu Taa̒ala.

TITUSI 3:3

Sababu muloololio mai ito lohihilao olo mohulodu, yilapalo wau diila modungohu. Ito pilowato lonapusu hidala-dalaala wau u otohilaa; ito hitumula wolo tilolahepe ninii-yaitaalo u moleeto wau mohiihia, wau tinggai mololoonua̒.

2 PETRUS 1:9

Bo taa udiila o pipii-iliyaalo boito, bibilohio meepito; tio diila mowali moo̒onto wau tio molipato deu̒ duduu-saalio uilalu mao̒ mapilo belesi.

1 YAHYA 1:6

Wonu ito moloi̒ya deu̒ ito tumutumulo motituwau wo-Lio, lebe-lebe pomao̒ ito tumutumulo todelomo u modio̒lomo, yi ito mohimbulo mopio wolo loi̒ya meaalo wolo huhutu.

1 YAHYA 2:10

Taa u motolia̒ngo wutatio, tumutumulo todelomo mobaango tilinggula diaaluo penu boli hitua-tuawua to olio u mamoo̒ sababu taawewo modehu ode delomo dusa.

1 YAHYA 2:9

Taa umoloi̒ya deu̒ tio woluo todelomo mobaango bo tau boito donggo molonuo̒ wutatio, tau boito donggo woluo todelomo u modio̒lomo dilumutu botia.

1 YAHYA 3:15

Taa u molonuo̒ wutatio yito tamoomatea mate-mateelo mao̒, wau otaawa limongoli deu̒ ngotaalio lo tamoomatea mate-mateelo mao̒ diila otutumulo u otutuulio tutu wau ohiheo-hiheolo mao̒.

1 YAHYA 4:20

Wonu ngotaalio moloi̒ya, “Watia motolia̒ngo Allahu Taa̒ala,” bo tio diila motolia̒ngo wutatio, tau boito mohimbuloa. Sababu taa udiila motolia̒ngo wutatio tailoo-ntongalio, diila pongalo aakali mowali motolia̒ngo Allahu Taa̒ala tadiila iloontongalio.

WAHI 3:17

Timongoli hipoloi̒yawa, ‘Amiaatia kaya wau matuuheta ngoa̒amilalo; amiaatia diila ilodiaa̒ lolo-loolo.’ Bo diila otaawa limongoli malo odia sikisaalio wau malo odia suukalilio owowoluwomu! Timongoli mosikini, hilaalawa, wau hipiitoa̒.