1 YAHYA 2:10 - KITABI HABARI MOPIOHE

¹⁰ Taa u motolia̒ngo wutatio, tumutumulo todelomo mobaango tilinggula diaaluo penu boli hitua-tuawua to olio u mamoo̒ sababu taawewo modehu ode delomo dusa.

1 YAHYA 2:10 ပူးပေါင်းရင်းမြစ်များ

JABURU 119:165

Taa u motohilaa butoo̒ lo Eeya aamani wau tantaramu, diaaluo umoo̒ taibuto olimongolio.

HOSEA 6:3

Sababu uito duloolo ito motolopani u tio̒otutua motota to Eeya. Tio tantu mamei dungga mai ode olanto debo odelo u mapobutua mai mato lodulahu, wau debo odelo didi u mopobata mai huta to pulito sembo lo polodidi.”

MATIUSI 13:21

Bo habari boito diila longuwaa̒to todelomo hilaa limongolio. Odito timongolio ilodungga lou̒ suusa meaanto ilalinayalio sababu habari boito, yi timongolio hua̒a lomaahe iimanilio.

MATIUSI 18:7

Donggo boli topotalalio dunia botie sababu susuu-aliyaalo u moo̒sababu tau mohutu dusa. Memangi susuu-aliyaalo debo odelo uito malaito woluo, bo matopotala tamoo̒ sababu mao̒!

YAHYA 11:9

“Wolo diila ilo-ilolaanga hiheolio mopulaa dulo jamu?” tahuda mao̒ li Isa. “Taa monao̒ tou̒ dulahu, diila meiteduo̒ sababu tio moo̒onto baango dunia botie.

YAHYA 12:35

Ti Isa lolametao̒, “Bo u ngopee̒ mola tilango boito woluo towolota limongoli. Oditolio pononao̒lo ngotilonggadu tilango boito donggo woluo, alihu timongoli diila mao̒ odungga lou̒ modio̒lomo. Taa monao̒ todelomo u modio̒lomo diila otaawalio ode utoonu nao̒olio.

YAHYA 8:31

Lapatao̒ ti Isa lotahuda totau-tauwalo Yahudi tamaa pilalacaya o-Lio, “Wonu timongoli tumumulo modudua̒ pongaajali-U̒ otu-otutuulio mao̒ muri-U̒,

ROMA 14:13

Masababu uito ito diila mowali tinggai mopotala ngota timongota. Bolii̒o mao̒ potolo panilo mola alihu timongoli diila mohutu penu boli hitua-tuawua umoo̒ sababu ngotaalio lowutato ngoi̒imani oheinga wau mowali odusa.

PILIPI 1:10

Lou̒ odito otaawa limongoli molulaota wolo ulebe mopiohe daa̒, wau tutumuli mongoli mamobelesi monto aibu meaalo potulude penu boli wolo wambai̒o todulahee muli podungga mai li Almasi.

2 PETRUS 1:10

Sababu uito, Mongo wutato, potolo panilo tio̒otutua alihu titiango Allahu Taa̒ala wau tulao-Tio to batangamu boito mowali helebe motoheetao̒. Wonu timongoli mohutu mao̒ uito, timongoli diila tamomaahe iimani.

1 YAHYA 2:11

Bo taa u molonuo̒ wutatio, woluo todelomo modio̒lomo. Tio monao̒ todelomo modio̒lomo, wau diila otaawalio ode utoonu ponao̒walio, sababu modio̒lomo boito mohutu olio diila mowali moo̒onto.

1 YAHYA 3:14

Otaawanto deu̒ ito mailumualo lonto opopate, wau lolimbata ode tutumulo. Otaawanto uito, sababu ito motolia̒ngo timongota lo wutatonto. Taa u diila motolia̒ngo, boliilio mao̒ donggo ilokawasa lo opopate.