1 YAHYA 2:1 - KITABI HABARI MOPIOHE

¹ Mongo walau̒! Watia moluladei utie ode limongoli alihu timongoli diila mao̒ mohutu dusa. Bo wonu woluo tamohutu dusa, yi ito o ngotaalio tamo poduulua, deu̒ito-yito ti Isa Almasi taa̒adili boito; Tio mamo molohone mola olanto totalu lo Allahu Taa̒ala.

1 YAHYA 2:1 ပူးပေါင်းရင်းမြစ်များ

JABURU 4:4

Ototai mao̒, Eeya malo lulaotao̒ ode batanga-Lio ngotaalio tapilonu-Lio. Eeya helo dungohu wonu watotia mongiibode to Eeya.

YEHESKIEL 3:21

Wonu taa u mopiohu boito poe̒elamu alihu diila mao̒ mohutu dusa, wau tio modudua̒ nasehatimu, yi tio diila tahukuu-maniyo-U̒ wau yio̒ mamoa̒ahu.”

JAKARIA 9:9

Wuu ulipu lo Sion, poti wengahulo! Wuu ulipu lo Yerusalemu, pongiibodulo mola meengahu! Bilohilo! Olongiamu dungga-dungga mai wolo ohaama! Tio olongia aadili talodelo mai oa̒ahu. Bo lealeaatu odupapa lohilao tio meidungga tae̒tae̒ to kolodai, kolodai tuwau u buboto.

LUKASI 10:22

Toonulalo u hitua-tuauwa mailudu mai li Paapa to olaa-Tia. Diaaluo mao̒ penu boli ngota tamotota to Walao̒, ngopohia li Paapa. Diaaluo olo tamotota li Paapa, ngopohia lo Walao̒; wau tau-tauwala too̒lita Walao̒ boito yinao mopoo̒taa li Paapa.”

YAHYA 13:33

Mongo walaa-U̒, Wau̒ diilalo mohiheo motibiluloa̒ woli mongoli. Timongoli mamo lolohe ola-U̒, bo debo odelo umapilo tahuda-U̒ ode tahidihima kawasa lo Yahudi, odito olo potahuda-U̒ mai olimongoli; ode tambati u ponao̒wa-U̒, diila mowali onao̒wa limongoli.

YAHYA 14:16

Wau̒ mohile mola li Paapa-U̒, wau Tio mamongohi mai olemu Tamoo-tulungia wewo, tamaa motibiluloa̒ pee̒-pee̒enta woli mongoli u ohiheo-hiheolo mao̒.

YAHYA 14:6

Tametao̒ li Isa, “Wau̒lo dalalo u pongo taawalo Allahu Taa̒ala wau poo̒tapulalo tutumulo. Diaaluo penu boli ngotaa mao̒ tamowali monao̒ ode Allahu Taa̒ala, wonu diila moli ola-U̒.

YAHYA 21:5

Ti Isa lotahuda mao̒ olimongolio, “Mongo walao̒, wolo timongoli otola?” “Diaaluo,” tametao̒ limongolio.

YAHYA 5:14

Lapatao̒ ti Isa lodunggaya wolo tau boito todelomo Bele lo Eeya, wau lotahuda mao̒ olio, “Botia yio̒ maloluli. Diilalo pohutu dusa, alihu yio̒ diila moo̒laasa mai sua̒li ulebe moleetao̒.”

YAHYA 5:36

Bo u silakusiya-U̒ lebe udaa̒ mao̒ lou̒ silakusia lei Yahya. Wolo u masaatia pilohutu-U̒ botie, deu̒ito-yito kalaja u pilotuugasi mai li Paapa ola-U̒, u mopobukuti deu̒ ti Paapa malolao mai ola-U̒.

YAHYA 6:27

Diila mao̒ pokalaja u moo̒tapu mai ua̒alo u mowali mopulito wau mobunuto. Pokalajaalo u moo̒tapu mai ua̒alo udiila mowali mobunuto u mongohi tutumulo ututuulio tutu wau ohiheo-hiheolo mao̒. Ua̒alo boito mawohi mai lo Walao̒ Manusia olemu, sababu Tio mapiluduo̒ lo Allahu Taa̒ala.”

YAHYA 8:11

“Diaaluo, Paaa̒,” tametio mao̒. [“Ooo̒,” uali Isa, “Wau̒ olo diila mohukuumani mai olemu. Botia ponao̒lo, diilalo pohutu dusa.”]

WUNGGULI LOMONGO RASULU 7:52

Wolo woluo nabi tadiila ilalinaya linenemoya limongoli? Timongolio helomate mongo utolia lo Allahu Taa̒ala yila-yilateelo mao̒ u muloololio mai daa̒ malopo malalumu deu̒ Wato lo Allahu Taa̒ala tao̒tutu boito madungga-dungga mai. Wau botia timongoli lohiyanati wau lomate yila-yilateelo mao̒ Wato lo Allahu Taa̒ala boito.

ROMA 5:10

Wonu tomaasa ito mumuusua wolo Allahu Taa̒ala, ito pilopodeme wo-Lio lotimbulude to opopate lo Wala-I̒o, tidiyolo mao̒ botia tou̒ lapatio mao̒ wumbutanto wolo Allahu Taa̒ala luli lopiohe, tantu ito mapo aahuwolo olo motimbulude to tutumuli Almasi.

ROMA 6:15

Botia, wolo upulito lo huhamalio? Tingga mowali ito odusa, sababu ito diilalo to walungo okokawasa lobutoo̒ agama lo Yahudi, bo to walungo okokawasa odehu hilaa lo Allahu Taa̒ala? Sama-samaata diila!

ROMA 8:34

Wolo woluo tao̒hilaa mopotala olanto? Deti Isa Almasi tamopo duulua olanto! Tiolo tamailate, wau tumbao̒ Tiolo tamaaluli pilopo tumu-Lio mai lonto opopate wau maito totambati lo Allahu Taa̒ala tao̒kawasa.

1 KORINTUS 15:34

Pongalatilo botia, wau diilalo pohutu dusa. Patutilio timongoli musi moolito, deu̒ towolota limongoli woluo tadiipo motota lo Allahu Taa̒ala.

2 KORINTUS 5:21

Ti Almasi diila odusa, bo Allahu Taa̒ala lohutu mai o-Lio lomanta dusanto, alihu ito muli mopiiohe wolo Allahu Taa̒ala sababu lotituwau woli Almasi.

GALATIA 4:19

Mongo walau̒uu̒ taa otolia̒nguu̒! Watia masaatia botie luli lodutolo sababu timongoli. Watia helo dutolo debo odelo tiilo ngota lodutolo tou̒ mamo potutu mai. Watia mamo dutolo tulusi wonu pii̒li li Almasi diipo meilodungo tobatanga limongoli!

EPESUS 2:18

Wolo lotimbulude li Almasi, ito ngoa̒amila – mopio taulo Yahudi meaalo tadiila Yahudi – wolo Rohullah u tuwau mowali modudulo odeli Paapa.

EPESUS 4:26

Wonu timongoli moingo, diila mao̒ polulia oyiyingo boito moo̒sababu olimongoli odusa. Diila mao̒ poingo ngotupa lodulahu.

1 TIMOTIUS 2:5

Sababu, bo woluo tuwau Allahu Taa̒ala, wau bo woluo ngota tamoo-wolotawa towolota Allahu Taa̒ala wolo manusia, deu̒ito-yito ti Isa Almasi.

1 TIMOTIUS 3:14

Wau̒ mohalapu diilalo mohiheo wau̒ mamobiilohe wolemu. Eleponu odito, wau̒ moluladei olo tulade botie olemu,

IBRANI 9:24

Sababu ti Almasi diila tilumuwoto ode Huwali Leidaa̒ Mantali huhutu lomanusia, u bo mopo bayahei Mantali u otutuulio mao̒. Ti Almasi tilimuwota mola ode sologa tutuwau; mola teto Tio masaatia lotahudeo̒ ode Allahu Taa̒ala ode polohuna daa̒ olanto.

YAKOBUS 1:27

Ododungohu to agama ubelesi wau u tutuuliotutu modudua̒ bibilohu lo Allahu Taa̒ala ti Paapa yito; motulungi tau̒kekeei̒ tadidu otiilo otiyamo wau mongo janda tahi dutola, wau modaha batanga lohihilao alihu diila mao̒ antuluo lodunia botie.

YAKOBUS 3:9

Ito mopohuna mao̒ dila u molapali oduo̒lo ode Eeya wau ti Paapanto, bo olo u molaa̒nati ngota timongotanto tamaa pilowali-Lio mai lodudua̒ gambali lo Allahu Taa̒ala.

1 PETRUS 2:22

Tio diila pee̒enta mao̒ helohutu dusa, wau diila pee̒enta mao̒ olo penu boli ngotaa loo̒dungohe o-Lio helo himbulo.

1 PETRUS 3:18

Sababu ti Almasi lohihilao yilate bo pee̒enta wambao̒, u ohiheo-hiheolo mao̒ sababu dusa lomanusia – ngotaalio tadiila ototala, yilate ode taa ototala. Ti Almasi lohutu uito alihu Tio mowali modelo olimongoli ode Allahu Taa̒ala. Tio pilatelio yila-yilateelo mao̒ delo pohuli lobatanga, bo luli pilotumulai delo pohuli lo rohu.

1 YAHYA 3:18

Mongo walau̒! Ito diila mao̒ potolia̒ngo bo totunggilo meaalo bo toloi̒ya wambao̒. Mamusi ito motolia̒ngo wolo tolia̒ngo u tutuulio tutu, u pobukutiolo wolo huhutuunto.

1 YAHYA 3:5

Otaawa limongoli deu̒ ti Almasi meidungga mai moluluta dusa lomanusia, wau deu̒ diaaluo dusa todelomo batanga-Lio.

1 YAHYA 3:7

Mongo walau̒, diila mao̒ polulia penu boli tatoonu tamopo lapalo olimongoli. Taa u mohutu kahandaki lo Allahu Taa̒ala yito walao̒ Allahu Taa̒ala debo odelo ti Almasi yito Walao̒ Allahu Taa̒ala.

1 YAHYA 4:4

Bo Mongo walau̒, timongoli haku lo Allahu Taa̒ala. Timongoli malo olaaheo̒ tomongo nabi paluti; sababu Rohu uwoluo toli mongoli lebe okawasa wolo rohu uwoluo totau-tauwalo miliki lodunia botie.

1 YAHYA 5:17

Ngoa̒amila huhutu u talatala yito dusa, bo woluo dusa udiila moo̒sababu tau oolia lo tutumulo u tutuulio tutu wau ohiheo-hiheolo mao̒ boito.

1 YAHYA 5:21

Mongo walau̒, powalahe mao̒ batanga limongoli monto totoonulalo balaahala! 13

3 YAHYA 1:4

Diaaluo ulebe moe̒engahe olaatia, lou̒ loo̒dungohe deu̒ mongo walao̒ lowatia hitumula lodudua̒ pongaajali lo Allahu Taa̒ala.