1 YAHYA 1:9 - KITABI HABARI MOPIOHE

⁹ Bo wonu ito motolo akuo duduu-saanto to Allahu Taa̒ala, Tio mamoe̒elai danti-Lio wau mohutu wolo u aadili. Tio mamo ngambungu duduu-saanto wau mopobelesi olanto monto totoonulalo huhutuunto utilala.

1 YAHYA 1:9 ပူးပေါင်းရင်းမြစ်များ

BOHULO MONGO OLONGIA 8:47

pohileaala dua̒ Eeya modungohe dua̒ limongolio. Wonu bolo tolipu boito timongolio mololaa mao̒ duduu-sawaalo limongolio, wau modua̒ mola ode Eeya sambela motolongaku mao̒ deu̒ timongolio mailodusa wau helohutu u moleeto, ambunguolo dungohilo mai dua̒ limongolio, yaa Eeya.

NEHEMIA 1:6

Ambunguolo bilohilo mai watotia yaa Eeya, wau ambunguolo dungohilo mai dua̒ u hepobotulo mola lo watotia ode Eeya hui wau dulahu duo̒lo umati lo Isirai̒lu, mongo wato lo Eeya boito. Watotia motolongaku mai deu̒ mongowatotia, mai̒lodusa; watotia wau mongo loluuhuru lo watotia mai̒lodusa olo.

JABURU 19:12

Wato lo Eeya pilopo eelao̒ to ngoa̒amilalo boito; wuupa udaa̒ leidapato duo̒lo taa u modungoheo̒.

JABURU 32:5

Lapatao̒ watotia lotolongaku mola dusa lo watotia to Eeya, totala lo watotia diaaluo u dilepuhe lo watotia. Watotia lolantu u motolongaku mola to Eeya, wau Eeya helo ngambungu mai ngoa̒amila dusa lowatotia.

PILOTIMUA̒TA 34:7

Wau̒ tatapu momonu to hilihu-lihua wali wau mongambungu totala wau dusa; bo taa ototala sama-samaata diila lopato-U̒ monto hukuu-manilio, wau hukuu-maniyo-U̒ olo tau̒kekeei̒ wau mongo wombu tunggula wali u otolulio wau opatio kalana dusa lomongo dulaa̒ limongolio.”

POHUMAYA 28:13

Tatoonu tamoluuo̒ dusalio diila tau̒untungi. Tatoonu tamongaku wau mololaa mao̒ dusalio, maponuo lo Eeya.

YESAYA 45:21

Wuduwalo palakalamu, podudulaalo bubuu-kutiilio, ooo̒, huliaalo mao̒ timongolio moheeluma pee̒-pee̒enta. Tatoonu talo pohabari mai sua̒li boito wau lopoo̒otai tumulalo muloololio mai? Diila maa Wau̒, Eeya? Diaaluo ila wewo ngopohia Wau̒. Wau̒ulo Allahu Taa̒ala taa̒adili tamoo-poa̒ahu, diaaluo wewolio ngopohia Wau̒!

YEREMIA 3:13

Akuilo wambao̒ deu̒ yio̒ ototala wau malo malakala to Eeya, Allahu Taa̒alamu. Akuilo deu̒ towalungo timii̒du bungo lo ayu u mohimbungo yio̒ malohudu lealeaatulo mao̒ sintamu ode ila-ila lobangusa wewo, wau diila modungohe totoonulalo palentaa-U̒ Wau̒, Eeya, malo tahuda mai.”

YEREMIA 33:8

Wau̒ mamopo belesi olimongolio monto duduu-sawaalo u mapilohutu limongolio to Olau̒; duduu-sawaalo wau ojuluhaka limongolio maa̒mbunguwo-U̒ mai.

HIYONGO MOPOILAALO SUUSA 3:23

laito bohu timii̒du dimodupo otutu, Eeya tatapu wau molotolo hilao!

YEHESKIEL 36:25

Lapatao̒ uito timongoli maputata-U̒ lo taluhee moolango, alihu timongoli belesi monto totoonulalo balaahalamu wau monto totoonulalo hitua-tuawua umalo pokootolo olimongoli.

YEHESKIEL 37:23

Timongolio diilalo moponajisi batanga wolo mohutu dusa wau molubo totoonulalo balaahala u moo̒jijio̒. Wau̒ mamopo lopato olimongolio monto ngoa̒amila totala u mohutu olimongolio mohiyanati ola-U̒. Wau̒ mamopo mantali olimongolio; timongolio mamowali umati-U̒, wau Wau̒ Allahu Taa̒ala limongolio.

JAKARIA 9:9

Wuu ulipu lo Sion, poti wengahulo! Wuu ulipu lo Yerusalemu, pongiibodulo mola meengahu! Bilohilo! Olongiamu dungga-dungga mai wolo ohaama! Tio olongia aadili talodelo mai oa̒ahu. Bo lealeaatu odupapa lohilao tio meidungga tae̒tae̒ to kolodai, kolodai tuwau u buboto.

MATIUSI 3:6

Timongolio mai longaku duduu-sawaalo limongolio wau tei Yahya helo polihu olimongolio to Dutulaa Yordan.

MARKUSI 1:5

Ngoa̒amila taa lonto madala lo Yudea wau kota lo Yerusalemu lonao̒ mota lodungohe olei Yahya. Timongolio longaku duduu-sawaalo limongolio, wau tei Yahya helo polihu olimongolio to Dutulaa Yordan.

LUKASI 22:57

Bo tei Petrus malomaahu. Tio loloi̒ya, “Watia sama-samaata diila moo̒taawa wolo tau boito!”

YAHYA 17:25

Paapa taa̒adili! Dunia diila moo̒onuhe li Paapa; bo Watia moo̒onuhe li Paapa; wau tau-tauwala botie motota deu̒ ti Paapa talolao mai olaa-Tia.

WUNGGULI LOMONGO RASULU 19:18

Ngohuntua tamalowali palacaya li Isa, lonao̒ mai helongaku totalu lotaa dadaata totoonulalo huhutu limongolio tou̒ yilalu mao̒.

ROMA 3:26

Bo botia hepilohutu-Lio ode dusa boito u mopo bukuti mao̒ o aadili-Lio. Wolo dudelo boito Tio mopo bilohei deu̒ batanga-Lio otutu; wau timii̒du taa palacaya li Isa poi̒laalo-Lio mai odelo taa maluli lopiiohe wolo Allahu Taa̒ala.

1 KORINTUS 1:9

Allahu Taa̒ala mowali palacayalo lou̒ leleaatulo mao̒. Tiolo Allahu Taa̒ala tamalo tianga olimongoli u lowali tuwau wolo Wala-I̒o, deu̒ito-yito ti Isa Almasi, Eeyanto.

1 KORINTUS 6:11

Dengolo lota towolota limongoli muloololio mai opii̒li debo odelo uito. Bo botia timongoli piloi̒laalo belesi lonto dusa. Timongoli malowali tolomodu haku lo Allahu Taa̒alanto. Timongoli maluli mopiiohe wolo Allahu Taa̒ala, sababu timongoli palacaya to Eeya Isa Almasi wau sababu kawasa lo Rohu lonto Allahu Taa̒ala.

EPESUS 5:26

Ti Almasi lohutu mai uito alihu Tio moo̒ pobelesi jamaa̒ boito wolo pongaajali-Lio wau moli taluhu popolihu, alihu lapatao̒ uito Tio mowali wuduo-Lio ode Allahu Taa̒ala.

TINGULI 7:9

Eelai mao̒ deu̒ Eeya Allahu Taa̒ala limongoli yito tatuwa-tuwaulo Allahu Taa̒ala, wau Tio Allahu Taa̒ala utatapu wau molotolo hilao. Eeya mopoo̒polu dantilio wau mopobilohei ponu-Lio utatapu tunggula ngolihu mola wali ode taa u motolia̒nga o-Lio wau modungohe totoonulalo palentaa-Lio.

1 TIMOTIUS 1:15

Otutu banari loi̒ya botie – sababu uito paatuti tolimoolo wau palacayalo tio̒otutua –: “Ti Isa Almasi leidungga mai ode dunia botie u lopoa̒ahu taa odusa.” Wau watiaalo taa odusa wau tamoleeta daa̒.

TITUSI 2:14

Tio malo pobake batanga-Lio olanto u lolopato olanto lonto totoonulalo u hileeta, wau lopowali olanto umati tuwau talo lopato lonto dusa wau talowali miliki-Lio wambao̒, wau tamoo̒lohu mohutu u mopiohe.

IBRANI 10:23

Mamusi ito motidihu tio̒otutua to halapani upilo ngakuwanto, sababu Allahu Taa̒ala mowali palacayalo wau Tio mamoe̒elai danti-Lio.

IBRANI 11:11

Sababu o iimani, yi tei Abraham loo̒toduo wali lonto oli Sara, eleponu tei Abraham mapanggola daa̒, wau ti Sara lohihilao hunusa. Tei Abraham yakini deu̒ Allahu Taa̒ala mamo poo̒polu mai danti-Lio.

IBRANI 6:10

Allahu Taa̒ala diila bo Allahu Taa̒ala tadiila aadili. Tio diila molipato wolo u kilalaja limongoli de o-Lio, wau tolia̒ngo upilo biloheo̒ limongoli o-Lio tou̒ lotulungi mongo wutato ngoi̒imani, omoo̒omolu wau botia.

1 YAHYA 1:7

Bo wonu ito tumutumulo todelomo mobaango odelo woloolo mola Allahu Taa̒ala woluo todelomo mobaango, yi ito tumutumulo moa̒aita tutu, mopiohe wau dame ngota timongota, wau duhu li Isa, Wala-I̒o, mopobelesi olanto monto ngoa̒amila dusa.

WAHI 15:3

Wau timongolio hipolahua lahu lei Musa, wato lo Allahu Taa̒ala wau lahu lo Walao̒ Himba. Odie mola tingohio, “Eeya, Allahu Taa̒ala Laba-labaalo kawasa, donggo boli udaa̒ wau linggolabio huhuu-hutuwaalo Eeya! Olongia lo totoonulalo bangusa, donggo boli aadili wau otutu huhuu-hutuwaalo Eeya!