1 YAHYA 1:8 - KITABI HABARI MOPIOHE

⁸ Wonu ito moloi̒ya deu̒ ito diila odusa ito mohimbulo batanganto lohihilao; wau Allahu Taa̒ala diaaluo todelomo hilaanto.

1 YAHYA 1:8 ပူးပေါင်းရင်းမြစ်များ

BOHULO MONGO OLONGIA 8:46

Wonu bolo umati lo Eeya ilodusa to Eeya – tutuulio tutu diaaluo penu boli ngotaa mao̒ tadiila ilodusa – lapatao̒ sababu omuluka lo Eeya piloluli mao̒ lo Eeya timongolio ilolaahe lomusu, wau dilelo lomusu odelo tawalo ode lipu tuwau u molamingo meaambo membidu,

OLUO MONGO OLONGIA 20:15

“Timongolio loo̒onto wolo u tobele biluloa̒ saaha li olongia?” yilintu mao̒ poli lei Yesaya. “Totoonulalo u hitua-hituawua!” tametao̒ lei Hiskia. “Diaaluo penu boli tuwau mao̒ todelomo tambati polahuwala halata upango tobele biluloa̒ saaha li olongia udiila pilopo bilohuu̒ mao̒ olimongolio.”

OLUO TAWARI 6:36

Wonu bolo umati lo Eeya odusa to Eeya – tutuulio tutu diaaluo penu boli ngotaa mao̒ tadiila odusa – lapatao̒ sababu omuluka mai lo Eeya hilulia mao̒ lo Eeya timongolio ilolaahe lomusu wau dilelolio debo odelo tawalo ode lipu tuwau u molamingo meaalo membidu,

AYUBA 14:4

Tingga mowali manusia tao̒ dusa mopodungga mai sua̒li u wimu-wimumuto ngoa̒amilalo?

AYUBA 15:14

Tingga woluo manusia sama-samaata diila ototala? Tingga mowali tio poo̒tutuwolo totalu lo Allahu Taa̒ala?

AYUBA 25:4

Tingga woluo manusia mantali tomato lo Allahu Taa̒ala? Tingga mowali tio mantali to bibilohu Eeya?

JABURU 143:2

Watotia botie wato lo Eeya, diila mao̒ pomutoa̒ olo watotia, sababu diaaluo taa udiila ototala totalu lo Eeya.

POHUMAYA 20:9

Tingga woluo taa mowali moloi̒ya, “Hilaau̒ belesi, wau̒ malo lopato lonto dusa?”

TAMOO-HUTUBAWA 7:20

To dunia botie diaaluo taa uwimu-wimumuto totoonulalo u hitua-tuawua; diaaluo talaito hemohutu mopiohu wau diila pee̒enta mao̒ ilodusa.

YESAYA 53:6

Ito ngoa̒amila yilapalo debo odelo himba, tinggai hipololohe dalalio lohihilao. Eeya malo pomanta to olio ololeetonto ngoa̒amila.

YESAYA 64:6

Amiaatia ngoa̒amila yito taa najisi, tumbao̒ huhutu lamiaatia u mopiohu olo o aibu wau kootolo. Amiaatia mamooli sababu ololeeto lamiaatia debo odelo duungo ayu u pilotomboto dupoto.

YEREMIA 2:35

timongoli hemoloi̒ya deu̒ timongoli diila ototala, deu̒ Wau̒ diilalo momuluka mai olemu. Bo Wau̒, Eeya, mamo hukuumani mai olimongoli sababu timongoli diila momasisi deu̒ timongoli ototala.

IMAAMATI 13:12

Wonu ti iimamu moo̒onto mao̒ deu̒ hibonto-bontoa̒a lanta boito malo loo̒po lonto lunggongo demola oa̒ato,

YAHYA 8:44

Ibilisi wambao̒ ti paapamu, wau timongoli mohuto modudua̒ u otohilaa lipaapamu. Tumulalo mai bohulio ibilisi boito moomatea mate-mateelo mao̒. Tio diila pee̒enta mao̒ motiwambao̒ ode u otutu, sababu diaaluo u otutu to olio. Wonu tio mohimbulo, uito mawaajibu, sababu mao̒dito pii̒liilio. Tio mohimbuloa wau bungo lou̒ totoonulalo yimbulo.

ROMA 3:10

Debo odelo u tulatulade todelomo Kitabi, “Diaaluo penu boli ngotaa mao̒ tao̒tutu,

ROMA 3:23

Ngoa̒amila tau mai̒lodusa wau lolamingo lonto Allahu Taa̒ala tao̒hilaa mopoa̒ahu olimongolio.

1 KORINTUS 3:18

Penu boli ngota diila mao̒ pohimbulo to batangalio lohihilao. Wonu woluo tau to wolotamu molaasa batangalio molinepo modudua̒ tuuu̒du lodunia botie, tau boito musi mowali mohulodu, alihu tio mowali otu-otutuulo mao̒ molinepo.

GALATIA 6:3

Wonu hingota-ngotaawa molantobe batangalio polohuna daa̒ lebe-lebe pomao̒ diila, yi tau boito mohimbulo batangalio lohihilao.

1 TIMOTIUS 6:5

wau polo hiihede huhama udiila opulitio. Dalalo pikiilangi lotau-tauwala boito malo puntuhu wau diilalo otutu. Timongolio molantobe mowali kaya monto agama.

2 TIMOTIUS 3:13

Hiambola tau-tauwalo tahileeta wau tau-tauwalo tahipo himbuloa malebe moleetao̒. Timongolio mohimbulo totaa wewo lebe-lebe pomao̒ penu boli timongolio lohihilao ilowimbuloa olo.

YAKOBUS 1:22

Mamusi timongoli mohutu mao̒ wolo upilo tahuda mai lo Allahu Taa̒ala, diila bo modungohe wambai̒o, tilinggula lou̒ odito timongoli mohimbulo batanga lohihilao.

YAKOBUS 1:26

Wonu woluo tahingota-ngotawa u molaasa batangalio taungota ohilaa moduduo̒ palenta lo agama, bo tio diila modaha dilalio, yi tio mongaakali batangalio lohihilao; tabiaalio diila ohunalio.

YAKOBUS 3:2

Ito ngoa̒amila laito hemohutu totala. Bo taa diila pee̒enta mao̒ helohutu totala wolo loloo-iyaalio, tio taa u wimu-wimumuto tutu, tamoo̒ kawasa ngoilanggubu batangalio.

2 PETRUS 2:13

Odelo wuupa to polodutolo umaa ilosababua limongolio, timongolio mamodutolo sikisa. Ode limongolio, sua̒li umoo̒ sanangi hilao yito mohutu mao̒ penu boli wolo wambai̒o tou̒ dulahu huna mopoo̒luli hilao to ilohilaa lobatanga limongolio. Wonu timongolio hulohuloa̒a pee̒-pee̒enta woli mongoli todelomo potihunggu lo totamelo, pii̒li limongolio moo̒lonuo̒ sababu timongolio hehuwoa̒alo wolo wuntulo hilao u moo̒ohuu̒.

1 YAHYA 1:10

Bo wonu ito moloi̒ya deu̒ ito diila odusa, ito o anggapu tutuuwauwa tutu sua̒liilio wolo Allahu Taa̒la tamoo-himbuloa wau ito diila molahu tahuda lo Allahu Taa̒ala todelomo hilaanto.

1 YAHYA 1:6

Wonu ito moloi̒ya deu̒ ito tumutumulo motituwau wo-Lio, lebe-lebe pomao̒ ito tumutumulo todelomo u modio̒lomo, yi ito mohimbulo mopio wolo loi̒ya meaalo wolo huhutu.

1 YAHYA 2:4

Taa umoloi̒ya deu̒, “Watia motota lo Allahu Taa̒ala,” bo diila modungohe to papaa-lentaa-Lio, tau boito mohimbuloa, wau Allahu Taa̒ala diaaluo todelomo hilaalio.

1 YAHYA 4:20

Wonu ngotaalio moloi̒ya, “Watia motolia̒ngo Allahu Taa̒ala,” bo tio diila motolia̒ngo wutatio, tau boito mohimbuloa. Sababu taa udiila motolia̒ngo wutatio tailoo-ntongalio, diila pongalo aakali mowali motolia̒ngo Allahu Taa̒ala tadiila iloontongalio.

2 YAHYA 1:2

Sababu Allahu Taa̒ala bilubiluloa̒ todelomo hilaanto, wau malaito woluo wolanto ohiheo-hiheolo mao̒.

3 YAHYA 1:3

Watia sanangi daa̒ tou̒ dengolo lota wutato Nasara leidungga mai wau helo poo̒taa olaatia malo odito tatapu wau molotolo hilao lo Wutato to Allahu Taa̒ala tao̒tutu, sababu memangi Wutato laito tumutumulo modudua̒ pongaajali lo Allahu Taa̒ala.