1 YAHYA 1:7 - KITABI HABARI MOPIOHE

⁷ Bo wonu ito tumutumulo todelomo mobaango odelo woloolo mola Allahu Taa̒ala woluo todelomo mobaango, yi ito tumutumulo moa̒aita tutu, mopiohe wau dame ngota timongota, wau duhu li Isa, Wala-I̒o, mopobelesi olanto monto ngoa̒amila dusa.

1 YAHYA 1:7 ပူးပေါင်းရင်းမြစ်များ

JABURU 104:2

wau bileleeu̒ta lo tinelo. Eeya lomua̒de hulungo debo odelo kema,

JABURU 51:2

lapatao̒ tio dilini li Nabi Natan sababu helojina woli Batsyeba.

JABURU 56:13

Watotia mamo pomata danti lowatotia to Eeya, yaa Allahu Taa̒ala, wau mopodewo bake sukuru ode Eeya.

JABURU 89:15

Ua̒adili wau butoo̒ yito payu lo yilaidia lo Eeya, ponu wau otatapu boli olootolo hilao loi̒laalo todelomo totoonulalo huhutu lo Eeya.

JABURU 97:11

Mobaango malobutu mai ode taa u ohilao motulidu, wau wengahu ode taa u juujulu.

YESAYA 2:5

Wuu, wali mai lei Yako, dulo ito monao̒ todelomo tilango Eeya!

YESAYA 33:24

Diaaluo penu boli ngotaa mao̒ to lipunto mopoi̒laalo suusa sababu mongongoto, wau ngoa̒amila dusa maa̒ambunguolo.

YESAYA 6:7

Tilenggulio biihu laatia wolo bohu boito wau loloi̒ya, “Bohu botie malo lenggula biihumu. Botia totalaamu malo luluto wau dusamu mai̒lambungu lo Eeya.”

AMOS 3:3

Tingga mowali taduulota monao̒ pee̒-pee̒enta lou̒ diila moheelumapo meimulo?

JAKARIA 13:1

Eeya Taa Laba-labaalo kawasa lotahuda, “To dulahee boito mamo pentelai butu lotaluhu tuwau u mopo mantali walimai lei Dauda wau ulipu lo Yerusalemu monto dusa wau polotubowa balaahala u mapilohutu limongolio.

MATIUSI 6:12

Ambungua mai mongowatotia monto totala lo mongowatotia, debo odelo mongowatotia malo ngambungu taa u ototala to mongowatotia.

YAHYA 1:29

Loloombulio mola, tei Yahya loo̒onto li Isa lonao̒ mai ode olio. Tulusi tei Yahya loloi̒ya mao̒, “Bilohi, boi-boitolo Walao̒ Himba lo Allahu Taa̒ala tamo luluto dusa lodunia.

YAHYA 12:35

Ti Isa lolametao̒, “Bo u ngopee̒ mola tilango boito woluo towolota limongoli. Oditolio pononao̒lo ngotilonggadu tilango boito donggo woluo, alihu timongoli diila mao̒ odungga lou̒ modio̒lomo. Taa monao̒ todelomo u modio̒lomo diila otaawalio ode utoonu nao̒olio.

YAHYA 5:4

Sababu tingga maito malai̒kati lo Eeya motuhutai ode delomo kulamu boito wau mopo buo̒lai taluhio. Wau tahi ngongota tabohulio tumuwoto ode delomo kulamu boito tou̒ taluhio donggo mobuo̒lo mamoluli penu boli ngongota wolo u hedutolalio.]

ROMA 13:12

Hui mangopee̒ mopaluto; wau ngopee̒po madulahu. Oditolio, opiohelio ito mohuheli mohutu totoonulalo huhutu u moleeto. Ito musi mopo wimumuto batanganto wolo sinapangi mobaango.

1 KORINTUS 6:11

Dengolo lota towolota limongoli muloololio mai opii̒li debo odelo uito. Bo botia timongoli piloi̒laalo belesi lonto dusa. Timongoli malowali tolomodu haku lo Allahu Taa̒alanto. Timongoli maluli mopiiohe wolo Allahu Taa̒ala, sababu timongoli palacaya to Eeya Isa Almasi wau sababu kawasa lo Rohu lonto Allahu Taa̒ala.

EPESUS 1:7

Sababu, lo opopate li Almasi, ito yilopatio lo Allahu Taa̒ala, bolilio mao̒ Tio malo ngambungu olanto lonto duduu-saanto.

EPESUS 5:8

Timongoli lohihilao mulooloalio todelomo dio̒lomo. Botia timongoli malowali umati lo Eeya, oditolio timongoli woluo todelomo mobaango. Masababu uito timongoli musi tumumulo todelomo mobaango.

1 TIMOTIUS 6:16

Tiolo wambao̒ tadiila mowali kawasaalio lo opopate; Tio tumutumulo todelomo tinelo udiila mowali tahudelo boli lo tatoonu. Diaaluo penu boli ngotaa mao̒ manusia tamaa pee̒enta loo̒onto o-Lio, meaalo mowali moo̒onto o-Lio. To o-Liolo hulumati wau kawasa u ohiheo-hiheolo mao̒! Amin.

TITUSI 2:14

Tio malo pobake batanga-Lio olanto u lolopato olanto lonto totoonulalo u hileeta, wau lopowali olanto umati tuwau talo lopato lonto dusa wau talowali miliki-Lio wambao̒, wau tamoo̒lohu mohutu u mopiohe.

IBRANI 9:14

Naa, wonu duhu wau peaahuo̒ boito moo̒ pobelesi onajisi lo tau-tauwalo boito, tidiyolo mao̒ duhu li Almasi! Lotimbulude to Rohu ubakaa ti Almasi lopodewo batanga-Lio lohihilao ode Allahu Taa̒ala odelo bake wimu-wimumuto tutu. Duhu-Lio lopobelesi hilaa u maloo̒tapu tinelo Eeya de olanto lonto upacala lo agama udiila ohuna, alihu ito mowali momaya Allahu Taa̒ala tatumu-tumulo.

YAKOBUS 1:17

Timii̒du wowohi u mopiohe wau wuupa u wimu-wimumuto tutu dudunggalio mai monto sologa, tiluhutai lo Allahu Taa̒ala, Talopowali totoonulalo u mobaango tohulungo. Tiolo Allahu Taa̒ala tadiila mobolio̒, wau diila olo moo̒sababu penu boli odio̒lomo wolo.

1 PETRUS 1:19

bo hitua-tuawua u ohalaga daa̒; deu̒ito-yito batanga li Almasi lohihilao, ulowali odelo himba u pilobake ode Allahu Taa̒ala lou̒ diila o aibu wau henteo̒.

1 YAHYA 1:3

Wolo umaa iloontonga wau ilodungohe lamiaatia, uitolo olo u pohabario mai lamiaatia olimongoli, alihu timongoli pee̒-pee̒enta wolamiaatia modudua̒ molaasa hitua-tuawua todelomo hilao to tutumulo motituwau woli Paapa wau wolo Wala-I̒o Isa Almasi.

1 YAHYA 1:5

Uti-utieelo habari umaa ilodungohe lamiaatia lonto Wala-I̒o wau u potunggulo mai lamiaatia olimongoli: Allahu Taa̒ala boito mobaango, wau to Allahu Taa̒ala diaaluo u modio̒lomo sama-samaata.

1 YAHYA 5:6

Ti Isa Almasilo tamei dungga mai ode dunia wolo taluhu popolihu-Lio wau wolo duhu lo opopate-Lio. Tio meidungga mai diila bo wolo taluhu wambao̒, bo wolo taluhu wau duhu. Wau Rohullah lohihilao tamongohi sakusi deu̒ uito otutu, sababu Rohu diila pee̒enta mao̒ mohimbulo.

2 YAHYA 1:4

Watia leengahe daa̒ lotota deu̒ woluo mongo walai̒ Ibu tahitumula lodudua̒ pongaajali lo Allahu Taa̒ala, debo odelo umapilo malentai lo Allahu Taa̒ala to olanto.

3 YAHYA 1:4

Diaaluo ulebe moe̒engahe olaatia, lou̒ loo̒dungohe deu̒ mongo walao̒ lowatia hitumula lodudua̒ pongaajali lo Allahu Taa̒ala.

WAHI 1:5

wau monto li Isa Almasi sakusi taa tatapu wau molotolo hilao. Tiolo tabohu-bohulio muli pilotumulai monto opopate wau Tio olo tao̒kawasa tomongo olongia lodunia. Ti Isa momonu olanto, wau wolo opopate-Lio Tio lopo lopato olanto lonto duduusaanto,

WAHI 12:11

Mongo wutatonto maloo̒ laaheo̒ olio wolo duhu lo Walao̒ Himba boito, wau wolo habari u otutu lonto Allahu Taa̒ala u pilohabari limongolio. Timongolio iloheela lohilao mopobake nyawa limongolio tunggula mate.

WAHI 7:14

“Diila otaawa lowatia, Tuani. Ti Tuani lohihilao tamotota,” tametao̒ lowatia. Yi ualio mai olaatia, “Utieelo tau-tauwalo tamaa loa̒ahu loli maasa lo alinaaya ulaba-labaalo tutu. Timongolio malo moboa̒a jumba limongolio wau lohutu mao̒ lowali loputio̒ wolo duhu lo Walao̒ Himba boito.