1 YAHYA 1:3 - KITABI HABARI MOPIOHE

³ Wolo umaa iloontonga wau ilodungohe lamiaatia, uitolo olo u pohabario mai lamiaatia olimongoli, alihu timongoli pee̒-pee̒enta wolamiaatia modudua̒ molaasa hitua-tuawua todelomo hilao to tutumulo motituwau woli Paapa wau wolo Wala-I̒o Isa Almasi.

1 YAHYA 1:3 ပူးပေါင်းရင်းမြစ်များ

AYUBA 13:1

Ngoa̒amilalo boito pee̒enta iloontongau̒ wau ilodungoheu̒ lohihilao, wau otu-otutuulo mao̒ ilopahamuau̒.

JABURU 2:7

Uali olongia, “Wau̒ ohilaa mopo malalumu mola wolo u matilantu mai lo Eeya. Tahudaa-Lio olau̒, ‘Yio̒ walau̒u-U̒ talolai̒, todulahee botie Wau̒ mowali Tiyamamu.

JABURU 22:22

Watotia diila olotolo, lopataalo mai watotia monto tunge losapi oa̒ayua wau monto tunggilo hayahayao̒ singa.

YESAYA 66:19

Wau̒ mamopodutu tuoto tuwau tohuungi mongolio. Ngotayade kikiio̒ towolota limongolio mopoa̒ahuwo-U̒. Timongolio malaolo-U̒ ode babaa-ngusawalo to lilii-puwaalo molamingo u diipo pee̒enta mao̒ loo̒dungohe pasalii-U̒ meaambo loo̒onto odudaa̒ wau kawasaa-U̒: ode Spanyol, Libia, wau Lidia wolo tahi pomanaalio tamoolato, ode Tubal wau Yunani. Timongolio mamopo habari odudaa̒a-U̒ towolota lo babaa-ngusawalo boito.

YIA̒APO 10:32

Wonu yio̒ moduduo̒, yi totoonulalo umopiohe u pilohutu mai lo Eeya ode olami, mapohutuo lami olo ode limongoli.”

YAHYA 17:11

Botia Watia monao̒ mai odeli Paapa. Watia diilalo motibiluloa̒ todunia; bo timongolio woluo todunia. Paapa tamantali! Dahailo mai timongolio wolo okokawasa tangguli Paapa, deu̒ito-yito tanggulo u mailohi mai li Paapa olaa-Tia – alihu timongolio mowali tuwau, tutuuwauwa debo odelo ti Paapa wau Watia tuwau olo.

YAHYA 17:21

Pohile laa-Tia, Paapa, alihu timongolio ngoa̒amila mowali tuwau, debo odelo ti Paapa lotituwau mai wolaa-Tia, wau Watia woli Paapa. Pohileaala dua̒ timongolio mowali tuwau wolaan-To alihu dunia palacaya deu̒ ti Paapa talolao mai olaa-Tia.

YAHYA 17:25

Paapa taa̒adili! Dunia diila moo̒onuhe li Paapa; bo Watia moo̒onuhe li Paapa; wau tau-tauwala botie motota deu̒ ti Paapa talolao mai olaa-Tia.

YAHYA 17:3

Uti-utieelo tutumulo ututuulio tutu wau ohiheo-hiheolo mao̒; alihu tau motota li Paapa, tuwa-tuwaulo Allahu Taa̒ala tabanali, wau moo̒onuhe li Isa Almasi tailao mai li Paapa.

YAHYA 19:35

Taa loo̒onto lohihilao u lotoduo boito, tio-tiolo talo pohabari sua̒li boito, alihu timongoli olo palacaya. Wau u silakusialio boito otutu, wau otaawalio deu̒ uito otutu.

WUNGGULI LOMONGO RASULU 13:32

Oditolio, masaatia botie ami mopo tunggulai Habari Mopiohe boito olemu: Wolo u mapilo dantia lo Allahu Taa̒ala odeli nene moyaanto,

WUNGGULI LOMONGO RASULU 13:41

‘Poo̒tuota mao̒ tio̒otutua, wuu timongoli tau-tauwalo tao̒hilaa mohina! Timongoli mamo linggolabe, tulusi mate! Sababu tojamani botie Wau̒ donggo hemohutu mai hitua-tuawua u timongoli lohihilao diila tamo malacaya mao̒, eleponu woluo tamo tombangai uito olimongoli.’ ”

WUNGGULI LOMONGO RASULU 2:42

Wolo moo̒olohu timongolio hipo balajalia tulusi lonto mongo rasulu wau laito hemo tia̒mbu pee̒-pee̒enta. Timongolio hemo lamelo pee̒-pee̒enta wau hipodua̒wa pee̒-pee̒enta.

WUNGGULI LOMONGO RASULU 20:27

Diila pee̒enta watia tilumeteo̒ lololaa mao̒ tuugasi lowatia u motombangai olimongoli ngoa̒amila lanjana lo Allahu Taa̒ala.

WUNGGULI LOMONGO RASULU 4:20

Sababu amiaatia diila mowali mohuheli mobisala tomimbihu wolo u mai̒loontonga wau ilodungohe lamiaatia lohihilao.”

ROMA 15:27

Wolo hilaa sanangi timongolio malolantu u mohutu mao̒ uito. Memangi otutuulio mao̒ paatuti timongolio momantu mongo wutato tamosikini to Yerusalemu boito; sababu monto tau-tauwalo Yahudilo tau-tauwala tadiila Yahudi boito malo lolimo babaa-lakatiyalo lonto Allahu Taa̒ala. Oditolio, tau-tauwala tadiila Yahudi boito paatuti olo motulungi tau-tauwalo Yahudi wolo babaa-lakatiyalo upango.

1 KORINTUS 1:30

Allahu Taa̒ala lohihilaolo tamohutu mai tilinggula Wutato motituwau woli Isa Almasi. Lotimbulude li Isa Almasi, ito pilowali molinepo. Wau lotimbulude o-Lio olo Allahu Taa̒ala lohutu mai olanto luli mopiiohe wolo batanga-Lio, lopowali olanto tolomodu umati-Lio, wau lolopato olanto.

1 KORINTUS 1:9

Allahu Taa̒ala mowali palacayalo lou̒ leleaatulo mao̒. Tiolo Allahu Taa̒ala tamalo tianga olimongoli u lowali tuwau wolo Wala-I̒o, deu̒ito-yito ti Isa Almasi, Eeyanto.

1 KORINTUS 15:1

Wau botia, Mongo wutato, otohilaa lowatia timongoli mamuli moe̒ela mola Habari Mopiohe monto Allahu Taa̒ala upilo habari lowatia muloololio mai olimongoli. Timongoli lololimo uito, wau palacaya li Almasi sababu Habari Mopiohe boito.

EPESUS 3:6

Hitua-tuawua u milakusudu hetuuo̒lo boito yito utie: motimbulude to Habari Mopiohe boito, tadiila taulo Yahudi modudua̒ moo̒laasa totoonulalo balakati lo Allahu Taa̒ala u muloololio mai pilohetu bo ode taulo Yahudi. Tau-tauwalo diila taulo Yahudi malowali pongawaa̒ lobatanga u tutuuwauwa, wau lodudua̒ lololimo wolo upilo danti mai lo Allahu Taa̒ala lotimbulude li Isa Almasi.

PILIPI 1:7

Memangi to tambatilio watia o pongolaasa debo odelo uito olimongoli, sababu Wutato ngoa̒amilalo laito modudula to hilaa lowatia. Wau olo sababu timongoli modudua̒ mololimo pee̒-pee̒enta wolaatia, ponu uilohi mai lo Allahu Taa̒ala olaatia; mopio masaatia botie tou̒ donggo watia todelomo tutupa boli tou̒ watia woluo to bulemengio u mopodulua wau momintengi Habari Mopiohe boito.

PILIPI 2:1

Timongoli molotolo, sababu timongoli lotituwau woli Almasi. Wau timongoli iloliyango sababu ti Almasi lomonu olimongoli! Timongoli dilelo lo Rohullah, wau timongoli olo totoolia̒nga wau lodehu hilao ngota timongota.

PILIPI 3:10

Tuwa-tuwaulo u otohilaa lowatia yito alihu watia motota li Almasi, wau moo̒toduo kawasa u mopotumula o-Lio monto opopate. Otohilaa lowatia modudua̒ modutolo wo-Lio wau mowali tutuuwauwa debo odelo Tio todelomo sua̒li lo opopate-Lio.

KOLOSE 1:13

Tio malo lopata olanto lonto kawasa u modio̒lomo wau lopo limbata olanto ode delomo bele biluloa̒ saaha li olongia lo Wala-I̒o tapilonu-Lio.

1 TESALONIKA 1:10

Timongolio helo bisala olo pasali woloolo mola timongoli motiwunela to podungga mai lo Walao̒ Allahu Taa̒ala monto Sologa, deu̒ito-yito ti Isa Almasi, tamaa pilotumulai lo Allahu Taa̒ala lonto opopate. Ti Isa boitolo olo tamopo aahu olanto monto muluka lo Allahu Taa̒ala u mamei dungga mai.

1 TIMOTIUS 6:2

Mongo wato u tituanilio taulo Nasara, diila mowali mopoleme oli tuanilio sababu timongolio tinggai taulo Nasara. Tumbao̒ timongolio wajibulio momaya oli tuani limongolio boito wolo lebe mopioheo̒, sababu tituani tabilaya lou̒ mopiohe boito yito pee̒-pee̒nta taa palacaya tapilonua. Ngoa̒amilalo botie mamusi pongaajalimu wau ponasehatia mao̒.

IBRANI 2:12

Ti Isa loloi̒ya ode Allahu Taa̒ala, “Wau̒ mamo pohabari tomongo wutatu-U̒ pasali lo Allahu Taa̒ala. Wau̒ mamomuji mola Allahu Taa̒ala todelomo dudunggaya limongolio.”

IBRANI 3:1

Mongo wutato timongota lo Nasara tamaa tiliango olo lo Allahu Taa̒ala! Nte pikiilangia mola tio̒otutua tomimbihu li Isa botie! Allahu Taa̒ala lolao mai o-Lio tolomodu u mowali Iimamu Daa̒ todelomo agama u hedudua̒nto.

IBRANI 3:14

Ito ngoa̒amila yito tamani ngopo hipate woli Isa Almasi, asali ito demola pulitio modihu tio̒otutua oyoyakini u mililikinto tou̒ bohulio mai.

1 PETRUS 5:1

Pohile laatia tomongo tau̒wa lojamaa̒ limongoli mopoo̒ tuotao̒. Watia loluladei tulade botie odelo tamani sama-sama tau̒wa wau odelo taa umalo sakusi lohihilao polodutolo lo Almasi, wau tamamo dudua̒ olo poudaa̒alo, wonu bolo odudaa̒ Almasi pobilohulo ode manusia. Pohile laatia lou̒ tio̒otutua

2 PETRUS 1:16

Tou̒ amiaatia lopoo̒taa mai olimongoli malo odito udaa̒alio podudungga mai lo Eeyanto Isa Almasi, amiaatia diila lotiwunela tou̒ totoonulalo tombilu lomanusia u bo latabu. Odudaa̒ li Almasi boito maa iloontonga lamiaatia wolo mato lunggongo lohihilao.

1 YAHYA 1:1

Tuango tulade botie tomimbihu tahuda u mongohi tutumulo, deu̒ito-yito tahuda u mawoluo anggadu bohulio mai daa̒. Amiaatia maloo̒ dungoheo̒, wau maloo̒onto mao̒ uito wolo mato lamiaatia lohihilao. Amiaatia malo miloheo̒ wau malodihu mao̒ wolo uluu̒ lamiaatia.

1 YAHYA 1:5

Uti-utieelo habari umaa ilodungohe lamiaatia lonto Wala-I̒o wau u potunggulo mai lamiaatia olimongoli: Allahu Taa̒ala boito mobaango, wau to Allahu Taa̒ala diaaluo u modio̒lomo sama-samaata.

1 YAHYA 1:7

Bo wonu ito tumutumulo todelomo mobaango odelo woloolo mola Allahu Taa̒ala woluo todelomo mobaango, yi ito tumutumulo moa̒aita tutu, mopiohe wau dame ngota timongota, wau duhu li Isa, Wala-I̒o, mopobelesi olanto monto ngoa̒amila dusa.