1 YAHYA 1:1 - KITABI HABARI MOPIOHE

¹ Tuango tulade botie tomimbihu tahuda u mongohi tutumulo, deu̒ito-yito tahuda u mawoluo anggadu bohulio mai daa̒. Amiaatia maloo̒ dungoheo̒, wau maloo̒onto mao̒ uito wolo mato lamiaatia lohihilao. Amiaatia malo miloheo̒ wau malodihu mao̒ wolo uluu̒ lamiaatia.

1 YAHYA 1:1 ပူးပေါင်းရင်းမြစ်များ

YESAYA 41:4

Tatoonu talohutu mai ngoa̒amilalo boito? Tatoonu talolantu mai dalaalio lo sojara? Wau̒, Eeya, Wau̒ulo tabohulio, wau debo woluo demola pulitio.

MIKHA 5:2

Oditolio, Eeya mamopoluli umati-Lio kiluwaasa lo mumuu-suuwaalo limongolio tunggula taabua tatilantu u mowali tiilo lo takaawasa boito malo potutu mai o-Lio. Lapatao̒ uito tau-tauwalo ngobangusaalio tawoluo to polayahu mamuli potuwaulo wolo bangusa limongolio.

LUKASI 1:2

Timongolio loluladu lotuuu̒de lou̒ u sililitalio mai ode olanto lotau-tauwala taloo̒onto lohihilao popoo-lou̒tiyalo boito monto bohulio, wau lapatao̒ helo pololadu habarilio.

LUKASI 24:39

Bilohi uluu̒-U̒ wau bilohi oa̒atu-U̒. Ototai mao̒, deu̒ utie Wau̒ lohihilao! Tontali mai wau poo̒tuota mao̒, sababu lati diila otapu wau tulalo, odelo u iloontonga limongoli to ola-U̒.”

YAHYA 19:35

Taa loo̒onto lohihilao u lotoduo boito, tio-tiolo talo pohabari sua̒li boito, alihu timongoli olo palacaya. Wau u silakusialio boito otutu, wau otaawalio deu̒ uito otutu.

YAHYA 20:27

Lapatao̒ ti Isa lotahuda odelei Tomas, “Bilohilo mai uluu̒u-U̒, wau podutua mai tingoongoa lo uluu̒mu teea. Wudua mai uluu̒mu wau podutua to tutua̒lobe-U̒. Diila mao̒ polingu poli, bo pomalacayalo!”

YAHYA 5:26

Debo odelo Allahu Taa̒ala lohihilao bungo lo tutumulo, yi Tio olo mopowali mai wala-I̒o bungo lotutumulo.

YAHYA 8:58

Ti Isa lolametao̒, “Otutu Wau̒ motahuda mai olemu: tou̒ tei Abraham diipo pilotutulio mai, Wau̒ mawoluo.”

WUNGGULI LOMONGO RASULU 1:3

Lapatao̒ Tio yilate mao̒ ngotilonggadu wopato pulu hui mola laito Tio hemo pobilohe wolo dudelo u moi̒laalo daa̒ tomongo rasulu boito deu̒ Tio tutuulio tutu tumutumulo. Timongolio loo̒onto o-Lio, wau Tio helo bisala woli mongolio tomimbihu woloolo mola Allahu Taa̒ala momalenta odelo Olongia.

WUNGGULI LOMONGO RASULU 4:20

Sababu amiaatia diila mowali mohuheli mobisala tomimbihu wolo u mai̒loontonga wau ilodungohe lamiaatia lohihilao.”

IBRANI 2:3

Tidiyolo mao̒ wolo oa̒ahu ulebe polu-polutuo̒ monto tataa-huliyalo boito! Wonu ito diila mopoo̒tuota to oa̒ahu boito, ito tantu diila tamolopato monto hukuumani. Sababu Eeya lohihilaolo tabohu-bohulio lopo malalumu oa̒ahu boito, wau tau-tauwalo tamulomulo lodungoheo̒ malo pobukuti u otutuulio to olanto.

1 YAHYA 4:14

Amiaatia lohihilao maloo̒onto Walao̒ Allahu Taa̒ala, wau amiaatia helo pohabari deu̒ Tio yilao mai lo Allahu Taa̒ala u lowali Olongia Tamoo-poa̒ahua dunia botie.

1 YAHYA 5:7

Mohelu totolu sakusi: Rohullah, taluhu wau duhu – toto-totoolulo boito mongohi sakusi u tutuuwauwa.

WAHI 1:11

Suala boito lotahuda mai, “Tulade mao̒ wolo u iloontongamu, wau lawola mola buku boito ode pitu jamaa̒ deu̒ito-yito: ode Epesus, Smirna, Pergamus, Tiatira, Sardis, Piladelpia, wau Laodikia.”

WAHI 1:8

“Wau̒lo tabohulio wau tapulitio,” tahuda lo Allahu Taa̒ala tawoluo, tamawoluo, wau tawoluo mololaalaaita, Taa Laba-labaalo kawasa.

WAHI 19:13

Jumba u pilomake-Lio mailomu todelomo duhu. Wau Tio ilunte “Tahuda lo Allahu Taa̒ala”.

WAHI 2:8

“To malai̒kati lojamaa̒ to Smirna, tulade mola odie: Utieelo tahuli monto o-Lio tabohulio wau tapulitio – tamailate wau luli tilumumulai.