1 TIMOTIUS 5:3 - KITABI HABARI MOPIOHE

³ Hulumatia mao̒ mongo janda tao̒tu-otutuulo mao̒ tumutumulo tutuwau.

1 TIMOTIUS 5:3 ပူးပေါင်းရင်းမြစ်များ

AYUBA 29:13

Wau̒ hepiluji lotaa u hisuusawa daa̒, tilulungiyau̒ tahi jandawa tilinggula timongolio aamani.

AYUBA 31:16

Diipo pee̒enta mao̒ wau̒ diila mohuto motulungi taa u mosikini, meaalo lopoluli tahi jandaawa tumutumulo yilooli halaapani.

JABURU 146:9

Eeya moduo̒la tau-tauwalo deli; Eeya motulungi tomongo janda wau tadidu otiila otiyamo, bo diila mopomata patuju lotaa moleeto.

JABURU 68:5

Polahuwalo mola ode Allahu Taa̒ala, pujiaalo mola tanggu-Lio, podapato mao̒ dalala daa̒ ode Eeya utae̒tae̒e toheengo. Tanggu-Lio Eeya – potisana-sanangilo totalu-Lio!

JABURU 94:6

Timongolio helomate yila-yilateelo mao̒ janda wau tadidu otiilo otiyamo wau tau deli tahi biluloa̒wa tolipu botie.

PILOTIMUA̒TA 20:12

Hulumatia mao̒ tiyamo wau tiilamu, alihu timongoli moa̒ahu wau otutumulo hayahaya tolipu u mawohi-U̒ mai olemu.

YEREMIA 49:11

Wuu Edom! Tolailo mao̒ tau̒kekeei̒ tadidu otiilo otiyamo to Olau̒, Wau̒ mamolaala olimongolio. Huliilo mao̒ mongo jandamu motiwunelo to oyakinialio ode Olau̒.

MATIUSI 15:6

yi tau boito diilalo powajibuwolo u mohulumati tomongo dulaa̒lio. Oditolio, kalana uu̒du linenemoyamu, timongoli diila momandungi tahuda lo Allahu Taa̒ala.

MATIUSI 23:13

“Matopotala timongoli guguu-ruwaalo agama wau tau-tauwalo Parisi! Timongoli wambao̒ motihutu diila otu-otutuulo mao̒. Timongoli hemo ngabuto taa u mowali pongawaa̒ umati lo Allahu Taa̒ala. Timongoli lohihilao diila mohuto mowali pongawaa̒ umati lo Allahu Taa̒ala, wau taawewo tamohuto, hetanggua limongoli. [

LUKASI 2:37

ti Hana malowali janda, wau botia o umulu walu lopula pato lotaunu. Diila pee̒enta mao̒ tio lololaa Bele lo Eeya. Hui dulahu tio hemo taa̒luku wau hemo hulumati to Allahu Taa̒ala teto wolo hemodua̒ wau hemopuasa.

LUKASI 7:12

Tou̒ ti Isa leidungga totili huhebu hulubangi lokota, tau-tauwalo donggo hemo depita milate ode bulemengo kota. Tailate yito walao̒ talolai̒, walao̒ bo tuwa-tuwaulo ngotaalio lojanda. Dadaata tuango lipu lokota loduduo̒ woli Ibu boito.

YAHYA 1:47

Ti Isa loo̒onto olei Natanael lonao̒ mai, lapatao̒ loloi̒ya pasali olio, “Bilohi, uito taulo Isirai̒lu ututuulio tutu! Diaaluo mao̒ upaluti to olio.”

WUNGGULI LOMONGO RASULU 6:1

Tahidudua̒ li Isa helebe mohiheo mao̒ helebe oduhenga mola dadaata. Towakutu boito tau-tauwalo Yahudi tahipo bahasawa lo Yunani, diilalo sanangi totau-tauwalo Yahudi pulua. Tahipo bahasawa lo Yunani boito loloi̒ya mao̒, “Mongobua lami tamaa janda diila ilotayade lo dembulo onggosi ngohui-ngohui utila-tilayadio ode tau-tauwalo.”

WUNGGULI LOMONGO RASULU 9:39

Tei Petrus hua̒a lobongu wau malo dudua̒ woli mongolio. Tou̒ leidungga mola odito, tio dilelolio ode huwali u toitaato. Ngoa̒amila tahi jandawa teto malo tia̒mbu totili lei Petrus sambela hehiyonga wau lopo biloheo̒ olio bobooo̒walo wau jujuu-mbawaalo u hediletu li Dorkas ode limongolio tou̒ tio donggo tumutumulo.

WUNGGULI LOMONGO RASULU 9:41

Tulusi tei Petrus lodihu uluu̒lio wau lomantu lopo tihula mola olio. Lapatao̒ tei Petrus lotiangai tau-tauwalo tapalacaya teto wau pee̒-pee̒enta wolo mongo janda boito, tulusi lohudu mao̒ oli Dorkas tamaa tilumumulai boito ode limongolio.

TINGULI 10:18

Tio mopoduulua haku lo tadidu otiilo otiyamo wau janda alihu timongolio pohutuwola wolo aadili; Tio momonu tau deli tatumu-tumulo wolo bangusanto wau mongohi mai ua̒alo wau pakeyangi ode limongolio.

TINGULI 14:29

Ua̒alo boito ode taulo Lewi sababu timongolio diila ohuta, wau ode tau deli, walao̒ tadidu otiilo otiyamo wau tahi jaandawa tatumu-tumulo to kokoo-tawaalo limongoli. Timongolio mowali monao̒ mai wau mohama mao̒ totoonulalo upalaluo limongolio. Wonu timongoli mohutu mao̒ odito, yi Eeya Allahu Taa̒ala limongoli mamo balakati mai ngoa̒amila kelakela limongoli.”

TINGULI 16:11

Totalu lo Eeya Allahu Taa̒ala limongoli, totambati u tilulao-Tio, timongoli musi motiwengahu pee̒-pee̒enta wolo mongo walai̒ mongoli, mongo wato limongoli wau taulo Lewi, tau deli, walao̒ tadidu otiilo otiyamo wau mongo janda tabilu-biluloa̒ to kokoo-tawaalo limongoli.

TINGULI 16:14

Poti wengahulo mola wolo mongo walai̒ mongoli, wolo mongo wato limongoli, taulo Lewi, tau deli, walao̒ tadidu otiilo otiyamo wau mongo janda tabilu-biluloa̒ to kokoo-tawaalo limongoli.

TINGULI 27:19

‘Malaa̒-laa̒anatilo taa u molambata haku lotau deli, walao̒ tadidu otiilo otiyamo wau janda.’ ‘Amin!’

1 TESALONIKA 2:6

Amiaatia diila olo hipo tolopania u moo̒tapu poloilaalo momuji monto tau – mopio monto olimongoli meaalo monto taa wewo. Otutuulio mao̒ odelo rasulu li Almasi, amiaatia mowali wambao̒ mohile wolo moo̒ohuu̒ u hitua-tuawua monto olimongoli.

1 TIMOTIUS 5:2

wau mongobua tamohuhula odelo tiilamu. Mongobua tahi-muudawa mamusi pohutuwomu odelo tawali-yalimu, wolo hilaa ubelesi.

YAKOBUS 1:27

Ododungohu to agama ubelesi wau u tutuuliotutu modudua̒ bibilohu lo Allahu Taa̒ala ti Paapa yito; motulungi tau̒kekeei̒ tadidu otiilo otiyamo wau mongo janda tahi dutola, wau modaha batanga lohihilao alihu diila mao̒ antuluo lodunia botie.

1 PETRUS 2:17

Halagai mao̒ ngoa̒amila tau, tolia̒nga mao̒ mongo wutatumu timongota Nasara. Poohelo mola to Allahu Taa̒ala wau hulumatia mao̒ ti Kaisari.

1 PETRUS 3:7

Wau timongoli olo, mongo dile talolai̒, mamusi tumumulo wolo lealeaatu lo huhama todilemu, wau wolo motota lobatanga hihilao deu̒ timongolio yito kaumu tamo lulupuhu. Pohutua mao̒ timongolio wolo hulumati, sababu timongolio pee̒-pee̒enta woli mongoli, mamololimo ponu lo tutumulo ututuulio tutu monto Allahu Taa̒ala. Pohutua mao̒ utie, alihu diaaluo tamo ngabuto dua̒mu.